Invocatio    :    Ula pelepas dirindu jadi seri ras doni enda, tapi berelah maka perukurenndu ipelimbarui Dibata. Alu bage banci idatndu kai sura-sura Dibata, kai si mehuli, kai si ngena AteNa, janah kai si sempurna ( Rom. 12 : 2 )

Ogen           :    2 Raja-raja 23 : 1-15

Kotbah       :    Perbahanen Rasul-Rasul 5 : 29-32

Tema          :    Ngikutken Dibata

A. BENA KATA

Ibas wari sipeduaken Pekan Penatalanenta tahun 2023 enda nina: Ngikutken Dibata. arah kerina komponen nats khotbahta sendah iajari kita uga kin situhuna ibas ngikutken Dibata e. Kai-kai saja si arus sihadapi ibas kita ngikutken Dibata. Janah kai arus si bahan gelah kita tetap setia ngikutken Dibata, rash al sidebanna

B. PENJELASEN TEKS

1. Khotbah Perbahanen 5.29-32

- Kenca peristiwa Pentakosta Petrus, Johanes ras ajar-ajar si deban mulai nehken kata Dibata, ngerana kerna Berita Si Meriah eme kerna Jesus. Ibas nggo mulai ertambahna kalak si tek, janah ajar-ajar pe terus erberita kerna Jesus janah radu ras berita siipesehna melala pe tanda sengget si terjadi si erbahanca lanai terbendung reh teremna rusur jelma si tek man Jesus. Erkiteken si e nembeh ate imam-imam ras kepala pengawal Rumah Pertoton rikut pe kalak Saduki. Erkiteken si e Petrus ras Johanes idilona ku persidangenna gelah olanai ngerana kerna Jesus. Tapi Petrus ras Johanes alu tegas ngataken, “Kamlah kerina ertimbang si apai kin mehuli iakap Dibata: patuh kami man bandu ntah man Dibata.”

-Konteks nats khotbahta enda teridah maka Imam si Mbelin ras teman-temanna kalak Saduki mulai erbahan tindaken man rasul-rasul. Itangkapna rasul-rasul e, jenari itamakenna ku bas penjara. Tapi berngina malekat Tuhan mulahi rasul-rasul e, janah kenca terang pepagina rasul-rasul ndai nggo ka erberita, ngajar i Rumah Pertoton. Tupung Imam si Mbelin ras teman-temanna pertua-pertua kalak Jahudi lako atena erbahan sidang janah ngelegi rasul-rasul e, ternyata rasul ndai lanai lit bas penjara sementara kerina pintu penjara terkunci dengan baik. Tapi lit kalak maba berita maka rasul-rasul enda lit ibas Rumah Pertoton. Emaka isuruh ia ilegi tapi la alu kekerasen. Emaka isuruhna rasul-rasul e ku bas janah tedis i lebe-lebe sidang. Janah kai nina Petrus ras rasul-rasul si deban bas sidang enda eme jadi nats khotbahta.

-Petrus ras rasul-rasul si deban ncidahken kepatuhenna man Dibata. 5:29 Ngaloi Petrus ras rasul-rasul si deban nina, "Kami arus ngikutken Dibata, labo manusia. Ngkai maka Petrus ras rasul si deban pang naksiken Jesus man Imam si Mbelin ras man kerina si hadir ibas sidang e, sabab ia me saksi janah isampati Kesah Si Badia, maka Dibata si isembah nini kalak Israel enggo mpekeke Jesus i bas si mate nari, kenca Ia enggo ibunuh alu makuken Ia ku kayu persilang. Dibata enggo ngangkat Ia dingen mereken kuasa man baNa jadi Raja dingen Penebus, gelah kalak Israel jera dingen dosa-dosana ialemi Dibata. Jadi Jesus si iberitaken rasul eme si erkuasa jadi Raja dingen Penebus. Jadi Raja si arus ipatuhi rasul-rasul sabab IA si erkuasa, IA me Penebus si isuruh Dibata guna nebusi dosa manusia, janah enda kerina ibahan Dibata gelah kalak Israel ras kerina manusia jera ibas dosa-dosa nari.

2. Ogen: 2 Raja2 23.1-15

- Arah ogenta teridah uga raja Josia ngelakoken pembaharuan ibas kepatuhenna man Dibata. tupung Josia maba kerina pemimpin Israel ku Jerusalem bage pe kerina rayat si nterem ku Rumah Pertoton, ije ibahan Josia perpadanen ras Tuhan, maka erkemalangen ia man Tuhan, make undang-undang ras kerina tuntuten si lit ibas perpadanen e, sue ras si tersurat ibas kitab e. janah kalak Israel pe erbahan perpadanen maka patuh ia man Dibata.

- Tandap kepatuhen Josia emaka mulai me ibersihkenna Rumah Pertoton alu mpedarat kerina barang-barang si sedekah enda ipake guna ermbah man dewa Baal, Dewi Asera, ras bintang-bintang. Jeari icilukna I darat kuta Jerusalem deher Baluren Kidron. Bage pe kerina imam-imam si sedekah enda erdahin ipengadina. Asrama ingan tading kalak si pendahinna erlua-lua ibas Rumah Pertoton irontaskenna. Kerina batar-batar ingan persembahen si lit ibas kuta e imelketi Josia gelah ulanai kalak nembah man berhala-berhala. Kai si ibahan Josia enda megati ikataken Reformasi Josia. 

3. Invo: Roma 12.2

- Ola pelepas dirindu jadi seri ras doni enda, tapi berelah maka perukurenndu ipelimbarui Dibata. Arah apai perukurenta banci ipelimbarui, tentu arah kita nggit rusur ngoge ras mpelajari kata Dibata jenari Kesah Si Badia ngajari kita ngangkaisa. Arah kata Dibata me si eteh sura-sura Dibata, kai si mehuli, kai si ngena ateNa, janah kai si sempurna.      

C. PENGKENAINA

1. Ngikutken Dibata

Jesus sendiri tupung IA nggeluh denga ras ajar-ajarNa megati kal ikatakenNa, “Ise atena ikut ras Aku arus ipersilahangna bana, ipersanna kayu persilangna jenari iikutkenna Aku (Bd. Mat.16.24). Jadi ngikutken Jesus labo mesunah, tapi lit kiniseran ras tantangen si deban si arus sihadapi ibas ateta ngikutken IA.

Bagem siidah Petrus ras rasul-rasul si deban ngenanami perlawanen bahken kekerasen seh pe itamakenna ku penjara, tapi Petrus ras rasul-rasul si deban teridah uga ia setia kerina ngikutken Tuhan. La ia surut sekali pe melala perbeben. Tentu enda kerina erkiteken alokenna gegeh ras kuasa ibas Kesah Si Badia nari.

2. Josia sekalak raja tokoh Reformasi

Reformasi silakoken Josia berawal ibas idatken kalak Undang-Undang Tuhan, Taurat Tuhan, janah ia radu ras kerina rayatna erpadan guna matuhisa. I bas tekad ras komitmenna guna ngikutken Tuhan, emakailakokenna pembersihen mulai bas Rumah Pertoton bage kerina imam-imam si erdahin sedekah enda, jenari ingan-ingan si biasa ipake kalak Juda jadi ingan ersembah kerina imelketi Josia.

Jadi Reformasi Josia imulai ibas ia erngena ate man undng-undang Tuhan janah UU Tuhan enda ijadikenna jadi palas kerina pendahinna.

3. Ekklesia reformata semper reformanda (kalak si tek/gereja terus menerus iperbharui.

Bagi nina ndai teks invocatiota, selaku kalak Kristen la banci lang terus menerus kita iperbaharui janah enda imulai ibas akal budita nari. Emaka perlu kita terus mpelejari kata Dibata gelah alu bage sieteh ras siangkai kai singena ate Dibata.

D. PENUTUP

Jenari ibas ngikutken Dibata si teridah maka kata Dibata si ban jadi palas ibas kerina pendahin ras perbahanenta la banci lang tergejap nanam si mehuli man kalak. Sabab silakoken kita eme kap erkeleng ate, ngelakoken si bujur ras simehuli.

Bujur ras mejuah-juah:

Pdt. Sahabat Perangin angin MTh

GBKP Rg Pd Gede

Invocatio : “Ije me Aku ringan ras ia; Aku jadi Dibatana, ia jadi bangsaKu” (Esekiel 37:27).

Ogen       : Epesus 2 : 19 – 22

Khotbah  : Ulangen 7 : 6 – 11

Tema       : “Iserapken Jadi Sekerajangen Tuhan”

Kata Perlebe

Shalom ras mejuahjuah man banta kerina. Bujur ninta man Dibata Bapa ibas Tuhanta Jesus Kristus si nggo naruhken kita seh ku tahun si mbaru 2023. Gelah geluhta tetap mehuli, ratur ras tertata guna si layanken bagi si ngena ate Tuhan ibas tahun enda pe, emaka bengket me ku Pekan Kebaktin Penatalayanenta. Si baba dirita ras isi jabuta ku “bengkel” pertendinta arah Pekan enda lako mpekena dirita ningtang ija perlu segelah sikap ndahiken dahin pelayanen. Perlebe, arah wari/ berngi pemena enda, mari si pepayo dirita selaku Gereja. Dirita eme Gereja kap. Mari si siksiki kai kin ertina, gunana ras maknana gereja segelah ernanam sue ras tema umum Pekan Penatalayanenta.

Isi/ Penjelasen

Ul. 7:6-11 si jadi palas kotbahta nuriken kerna bangsa Israel si ipilih Dibata. Dibata milih Israel dingen nerapkenca jadi sekerajangenNa ibas kerina bangsa-bangsa i doni enda nari. Arus jelas dingen tangkas iangka bangsa Israel bahwa ia ipilih Dibata labo erkiteken teremen ia asangken bangsa-bangsa si deban nari. Justru ia me bangsa si kitikna (ayat 6, 7). TUHAN jadiken bangsa Israel jadi bangsaNa si khusus labo erkiteken gegehen ia asangken bangsa si deban. TUHAN milih ia dingen nerapkenca jadi sekerajangenNa erkiteken keleng ateNa. TUHAN ngkelengi Israel ras nehken padanNa si ndube isehkenNa man nini-nina kalak Israel eme Abaraham, Isak ras Jakup. TUHAN nelamatken Israel arah mbebasken ia ibas perbudaken Mesir erkiteken keleng ateNa. TUHAN nelamatken Israel alu kuasaNa si mbelin (ayat 8). Erkiteken si enda kalak Israel arus nginget ras ngeteh bahwa TUHAN e ngenca Dibata si setia. Ia tetap ncikep padanNa, janah icidahkenNa kekelengenNa si tetap man meribu-ribu kalak si engkelengi Ia ras ngikutken undang-undangNa (ayat 9). Tapi man kalak si la engkelengi Ia, si ernembeh ate man baNa, alu la ralang-alang iukumNa (ayat 10). Erkiteken si e ipindo ras iajuk Musa bangsana gelah ngikutken TUHAN alu ngikutken undang-undangNa (ayat 11).  

Arah ogenta Epesus 2:19-22 icidahken ras ituriken uga kalak si labo Jahudi banci ersada ras Dibata dingen ersada ras bangsa pilihen Dibata. Kalak si la Jahudi ersada ras Dibata erkiteken tek man Kristus dingen ersada ras Kristus. Kalak si ersada ras Kristus lanai ia kalak asing/ pertandang. Kalak si ersada ras Kristus gundari nggo jadi sewarga ras anak-anak Dibata eme kalak Israel. Ia nggo seri ras bangsa pilihen Dibata (bdk. 2 Korinti 5:17). Ia pe nggo jadi anggota keluarga Dibata (ayat 19). Kalak si labo Jahudi si nggo tek ras ngaloken Jesus Kristus pe ipajekken i babo palasa si itamaken rasul ras nabi-nabi janah Kristus jine palas persukina. Jalak si labo Jahudi pe isusun jadi Rumah Pertoton si badia erkiteken persadanna ras Kristus.

Ibas persadanna ras Kristus, kalak si labo Jahudi ras kerina kalak si deban iranggut jadi sada rumah eme Rumah Pertoton janah Dibata ringan ibassa alu KesahNa (ayat 20-22). Enda sue bagi si ikataken ibas Esekiel 37:27 (invocatio), Tuhan ringan i Rumah Pertoton ras bangsana Israel. Kai si inubuatken Esekiel nggo genep arah kegeluhen Gereja.    

Pengkenaina ras Kata Penutup

• Nina sekalak filsuf, “Tandailah bandu.” Kata si gendek enda seh kal perluna ras pentingna. Seh kal mendasarna ras pentingna nandai dirita, ise kita gelah ola kita sempat lupa diri. Alu nandai dirita me maka si eteh ras si sedari ise kita, ise si nepa kita, ija nari kita, kai tanggung jababta, kai si arus si bahan ibas geluhta ras kai tujunta. Tentu la ngenca nandai dirta selaku manusia, tapi seh pe ku penandaita dirita selaku Gereja eme kalak si tek ras nggo ersada ras Tuhan Jesus. Perlebe secara pribadi, jenari secara ras-ras ntah pe perpulungen.

• Tema: “Iserapken Jadi Sekerajangen Tuhan.” Arah Kata Dibata si tersurat ibas Pustaka Si Badia, si tandai dirita selaku kalak si nggo iserapken (ipebadiaken) jadi sekerajangen Tuhan. Labo kita si nerapken (yang memisahkan dan mengkhususkan)dirita. Tuhan jine si nge nerapken kita gelah kita nggeluh jadi sekerajangenNa. Kita si ndube ndauh ibas Dibata nari, la badia, melket erkiteken erdosa nggo rembak ras ipebadiaken arah Kristus erkiteken kinitekenta. Kita ipilih ras iserapken labo erkiteken gegeh, beluh ras pendahinta tapi erkiteken lias ras perkuah ateNa (Ep. 2:8). Labo kita si milih Tuhan Jesus tapi Ia nge si milih kita janah nuruh kita lawes gelah erbuah meramis, eme buah si tahan rasa lalap (Joh. 15:16a). Erkiteken Tuhan Jesus si nerapken kita jadi sekerajangenNa emaka geluhta arus sue bagi rancangen ras peraten Tuhan Tuhan si nerapken kita. La banci bagi atetata apai ka ate-ateta saja si ban. La banci peratenta si pejangjang.

• Kita iserapken labo guna nggeluh serap-serap, nggeluh nerapken bana. Kita iserapken labu guna nggeluh mengisolasi diri (ekskusif). Bagepe kita iserapken labo guna gengsi ras kebanggaan diri. Kita iserapken gelah ola seri ras doni. Kita iserapken jadi sekerajangenNa, jadi perkakasNa, jadi saksiNa lako mberitaken perbahanen-perbahanen Dibata si mbelin (1 Pet. 2:9). Kita iserapken lako jadi sira ras terang man doni enda (Mat. 5:13-15). Kita iserapken gelah mereken nanam si entebu ras erguna man doni enda. Gelah geluhta ernanam si mehuli desken tengguli ku bas perpulungenta. Nggo nge kita mereken nanam si payo ras si entebu sedekah enda? Nggo nge kita mereken nanam si ntabeh dingen melam ku bas sekelewetta? Nanam si apai si lebih menonjol bas kita: nanam ntabeh ras melam; ntah nanam si macem, nanam mali-mali? Mari si pepayo ras si pergermetken kegeluhenta sedekah enda.

• Si sedarilah alu mbages maka kita enda iserapken, ikususken Dibata jadi sekerajangen Tuhan. Ola kari seri si akap dirita ras doni enda. Ola la lit ndobahna kita ras si la iserapken Tuhan. Kita selaku Gereja lit erkiteken Kristus. Gereja la mahan bana (dengan sendirinya) lit. Tapi Gereja tubuh ras lit erkiteken dareh Kristus si mambur guna kita. Gereja lit erkiteken belinna keleng ate Dibata man banta manusia perdosa. Emaka ola kal kita Gereja lupa nangdangi si mpetubuh kita eme Kristus. Ola kari bagi kuan-kuan, “Lupa kacang akan kulitnya.” Gereja la banci lupa man Jesus Kristus selaku Takal/ Kepala Gereja. Gereja arus patuh ras mehamat man Tuhan Jesus erkiteken kekelengenNa si nggo leben isehkenNa (bdk. Ep. 5:22-24).

• Dage, alu tetap nandai diri ras nginget dirita nggo iserapken jadi sekerajangenNa me maka sedar kita ras si angka kai si arus si bahan. Nandai dirita sekerajangenNa mpengasup kita tetap ersada ras Tuhan Jesus. Ersada ras Tuhan Jesus me si erbahanca geluhta mereken buah si meramis, buah si ernanam entebu ras malem ate, amin.

Pdt. Juris Tarigan, MTh

GBKP Rg Bogor

Invocatio         : Lukas 21:36, Berjaga-jagalah senantiasa sambil berdoa, supaya kamu beroleh kekuatan untuk luput dari semua yang akan terjadi itu, dan supaya kamu tahan berdiri di hadapan Anak Manusia."

Ogen               : Kejadian 35:1-4

Tema               : Jabu Singgeluh Ibas Keselamaten/ Keluarga yang hidup dalam Keselamatan

Pendahuluan

Keluarga merupakan lembaga yang fenomenal dan universal. Di dalamnya terdapat anak-anak yang dipersiapkan untuk bertumbuh dan anggota keluarga yang berinteraksi akrab. Keluarga adalah lembaga masyarakat paling kecil tetapi paling penting. Kata keluarga juga banyak dipakai oleh berbagai orang dari berbagai kelompok sehingga menjadi hilang makna yang sesungguhnya. Sebuah film yang berjudul “The Godfather”, Vito Corleone menggambarkan kelompok pembunuh berdarah dingin yang ia pimpin sebagai keluarga. Begitu juga dengan kelompok-kelompok yang lain, entah bertujuan baik atau buruk, menamakan para pengikut mereka sebagai keluarga. Bahkan di gereja kita sering mendengar atau menyanyikan nyanyian tentang persekutuan umat Allah sebagai “keluarga Allah”. Keluarga Kristen adalah persekutuan hidup antara ayah, ibu, dan anak-anak yang telah percaya dan menerima Yesus Kristus sebagai Tuhan dan Juruselamat secara pribadi serta meneladani hidup dan ajaran-ajaranNya dalam kehidupan sehari-hari.

Banyak yang beranggapan, hanya dengan perbuatan baik, maka kita akan menerima keselamatan. Selama kita tidak berbuat atau memiliki niat jahat pada sesama, banyak beramal dan membantu mereka yang kesusahan, maka kita sudah selamat. Perbuatan baik apapun yang kita lakukan bukanlah untuk mendapat pujian atau penghargaan, melainkan sebagai bentuk syukur kepada Tuhan. Menjadi pengikut Kristus harus senantiasa berjaga-jaga seperti murid-murid Tuhan yang diharapkan dapat bertahan sampai Tuhan datang, dengan mereka berjaga-jaga dan berdoa. Berjaga-jaga bukanlah suatu aktivitas yang diisi dengan usaha-usaha spekulasi yang menghitung-hitung kapan tepatnya kedatangan Yesus yang kedua kali. Berjaga-jaga berarti percaya dan taat penuh kepada firman-Nya (Luk 21: 32-33). Demikian juga dengan kita sebagai murid-murid Tuhan masa kini, kita harus berjaga-jaga dan berdoa sebelum Tuhan datang kedua kali, di mana penderitaan akan semakin menjadi-jadi, namun kita tetap setia sehingga ketika Tuhan datang kelak, kita boleh berdiri tegak dan menyambut-Nya (Invocatio).

Pendalaman Teks

Zakheus artinya yang murni dan saleh, namun orang banyak dalam perikop kita menyebut dia sebagai orang berdosa, pemungut cukai dibenci oleh sesama orang Yahudi, karena dua alasan: 1) pemungut cukai dilihat sebagai pengkhianat yang bekerja untuk bangsa penjajah yaitu orang Romawi; 2) pemungut cukai dianggap penipu karena seringkali mengambil pajak lebih dari semestinya . Perikop ini mengambarkan Zakheus sebagai kepala pemungut cukai yang kaya, bertumbuh pendek dan memiliki rasa ingin tahu yang tinggi. Rasa ingin tahu yang tinggi ditambah tubuh yang pendek membawa Zakheus harus memanjat pohon untuk memuaskan ras penasaran akan sosok Yesus yang sedang viral. Usahanya kerasnya dengan berlari mendahului orang banyak lalu memanjat pohon ara (ay 4) ternyata membuahkan hasil ketika dia dapat melihat Yesus, bahkan lebih dari pada itu usahanya menarik perhatian Yesus yang melihat keatas dan berkata “Zakheus segeralah turun, sebab hari ini Aku harus menumpang dirumahmu.” (ay 5). Ini bukan sebuah kebetulan sebab sapaan dan kedatangan Yesus kerumah Zakheus bermakna bahwa Yesus dengan sengaja memberi kesempatan kepada Zakheus untuk melihat, bertemu bahkan berkenalan lebih jauh dengan mendatanginya kerumah. Yesus yang berinisiatif untuk mencari dan mendapatkan Zakheus.

Undangan Tuhan kepada Zakheus berdampak sangat dalam bagi Zakheus. Diawali dengan kepatuhan yang dicatat dengan “segera turun” setelah Yesus menyuruhnya turun dari pohon Ara, ditambah dengan perubahan suasana hati yang berubah menjadi sukacita. Perjumpaan Yesus danZakheus tidaklah mulus-mulus saja karena ada tantangan dari pihak orang banyak yang di ay 7 disebutkan “semua orang yang melihat hal itu bersungut-sungut”, orang banyak mellihat keberdosaan Zakheus namun Yesus melihat sampai kedalaman hatinya yang haus akan keselamatan.

Reaksi Zakheus mengejutkan, ia justru berkata, “Tuhan, setengah dari milikku akan kuberikan kepada orang miskin dan sekiranya ada sesuatu yang kuperas dari seseorang akan kukembalikan empat kali lipat”. Dalam PL, seseorang yang mengambil milik orang lain, Hukum Taurat menuntut untuk mengembalikannya sejumlah yang diambil ditambah seperlima dari nilai yang hilang seperti dalam Imamat 6:5, artinya harus mengembalikan 120%. Namun Zakheus mengembalikan bukan 120%, tetapi 400%. Bukan hanya itu, setengah hartanya pribadi juga diberikan kepada orang miskin. Disini kita lihat perbedaan yang drastis dan kontras dari Zakheus setelah mengalami perjumpaan dengan Yesus. Dari yang senang mengambil dan menerima menjadi senang memberi dan berbagi. Melepaskan uang yang selama ini berharga baginya dan merangkul keselamatan (baca: Menerima Yesus jadi Juru selamat). Yesus menegaskan akan keselamatan yang diterima Zakheus dirumahnya, Yesus mendeklerasikan keselamatan bagi Zakheus dan keluarga (ay 9). Terpenuhilah tujuan kedatangan Yesus yaitu mencari dan menyelamatkan yang hilang (ay 10)

 Aplikasi

1. Bahwa Tuhan sendirilah yang memilih keluarga kita untuk menerima Keselamatan. Bukan sebuah kebetulan kita menjadi keluarga Kristen tapi Tuhan telah berinisiatif memanggil dan merangkul kita dalam keselamatan.
2. Kehadiran Yesus dalam keluarga Kristen membuat kita harus menjadikanNya sebagai Kepala Rumah Tangga, sebagai pusat penyembahan dan kecintaan keluarga. Ada kerinduan dalam hati setiap anggota keluarga untuk mengalami perjumpaan dengan Yesus Kristus.
3. Keluarga yang hidup dalam keselamatan adalah keluarga yang mengalami perubahan/ pertobatan. Setiap orang dalam keluarga menjadi pribadi yang mengaku akan dosa/ kesalahannya dan dengan demikian karakternya akan bertumbuh menjadi anak-anak Tuhan yang senang memberi dan berbagi.
4. Keluarga yang hidup dalam keselamatan yaitu keluarga yang berkomunitas dalam persekutuan orang percaya. Bertumbuh iman bersama dalam gereja dan aktif dalam pelayanan.

"Kiranya Engkau sekarang berkenan memberkati keluarga hamba-Mu ini, supaya tetap ada di hadapan-Mu untuk selama-lamanya. Sebab apa yang Engkau berkati, ya TUHAN, diberkati untuk selama-lamanya." (1 Tawarikh 17:27)

Pdt. Erlikasna Purba-Rg. Graha Harapan