Invocatio        :

“Isuruhna kami mindo man bandu bagenda, ‘Alemilah salahsenina-seninandu asum ibahanna nai si mehuliman bandu.’ Erdandanken si e, mindo kami gelah ialemindu salah si enggo ibahan kami man bandu. Kami enda kap suruh-suruhen Dibata si isembah bapandu.” Tangis Jusup tupung ialokenna tenah enda.” (Kejadin 50:17)

Ogen :

Markus 11 : 25 – 26

Tema  :

Ertoto ras Pengalemen

 

Pernah nge si begi pengalamen nini bulangnta ndube, paksa negerinta iteruh penjajahen bangsa si deban? Kegeluhen paksa sie tentu dem penderitaan, dem kebiaren, sabab la lit kebebasen ngelakoken kai-kai pe. Nggeluh iteruh penjajahen, erbahanca kita la banci ngejapken ketenengen ras kedamen ibas pusuh. Lalit ije kemerdekaan.

Nggeluh erkiniteken man Dibata, mereken kengasupen ndalanken erbage-bage kiniulin, sue ras KataNa. Sabab enggo sialoken Yesus arah kinitekenta. IA enggo mereken kemerdekaan arah dosa-dosa nari. Emaka kita banci ersembah man Tuhan alu ukur si meriah, banci ngaloken dirinta alu pengataken bujur, ngaloken kalak si deban alu pusuh erdame, banci kita ertoto man Tuhan alu pengarapen si paguh. Bagi sekalak anak nandangi Bapana.

Tapi ibas erbage pengalamen nggeluh, sekali waktu penggejapenta mungkin kecewa, merawa, sidapeti kesalahen kalak kempak kita, dungna rusur denga sibahan keputusen-keputusen si berlawanen ras Kata Dibata. Sebage kalak si tek pe, nggo  lanai ngejapken kemerdekaan erkiniteken situhu-tuhu. Relasi lanai mehuli ras Dibata, erkiteken pilihenta erbahan dosa dikune reh si la bagi ukur. Tentu sie mbeneken ukur meriah, lalit kedamen, bagepe lanai ngasup kita ertoto man Tuhan sabab dosa engkuasai pusuhta. Tentu perlu sipehuli, gelah banci terjaga kiniteken si paguh man Dibata.

Salah sada caranta berelasi ras Dibata eme arah ertoto.  Ertoto  merupaken  disiplin erkiniteken, sirusur ikataken sebage kesah kalak si tek. Emaka penting kel kita ngangkai palas si payo ibas nehken toto. Enterem kalak ngangkai pertoton si benar terjeng ngenin ise si nehken toto e. Adi sekalak pandita, serayan, siakap nggo pasti totona ibegiken Dibata. Lit ka si erpengakap maka toto si isehken e tergantung kata-kata siibelasken. Semakin indah kata-kata bak puisi dalam berdoa, maka dianggap semakin berkuasa dan dapat menggugah hatiNya Tuhan.

Situhuna ertoto erat kawitenna ras pengalemen. Sabab pertoton si tuhu-tuhu arus reh ibas pusuh si merdeka tuhu-tuhu arah dosa,si ngaloken pengalemen idur Dibata nari. Ertoto labo ngidah ise jelmana, tahpe uga kata-kata sibelaskenna, tapi siarus iperdiateken eme, uga pusuhta si ertoto e la terambati dosa si bagi rurat pagit erkiteken la nggit ngalemi salah.

Markus 11:20-26, alu tangkas Yesus mereken pengajaren kerna uga kin nggeluh erkiniteken. Batang ara si isumpahiNa erkiteken la erbuah, enggo kerah kap (ay 12-14). Yesus mpetangkas  maksudNa gelah ajar-ajarNa ngangkai pentingna kiniteken  man Dibata,  si  arus mereken ulih arah perbahanen nggeluh si nyata. Kiniteken pe la banci mbewat-mbewat, tapi tetapkenlah ukur, maka kai siniarapken banci jadi arah kuasa Tuhan.

Secara khusus ibas palas pengogenta ndai, ije iumputi Yesus mereken pengertin, maka kalak sierkiniteken tetaplah ia ertoto man Dibata. Ibas ertoto aruslah lebe ngasup ngalemi salah kalak si lit bas ia. Erkiteken Dibata pe enggo nehken keleng ateNa, ngalemi dosa-dosanta. Tapi adi la kita ngalemi salah kalak, maka Dibata pe la ngalemi salahta. Ertina, Tuhan mereken perentah enda, gelah ngasup ka min kita ngusih perbahanenNa. Dibata enggo leben ngalemi salah dosanta gelah sigejapken kedamen ras keterkelinen. Emaka manusia pe arus sialem-alemen salah sapih- sapih ia, gelah tergejap ka ukur dame sada ras si debanna ibas berelasi.

Kalak si la nggit ngalemi salah, tentu teralang man bana pasu-pasu Tuhan e (dame,ukur meriah rsd). Sabab leben balengina pusuhna. Lenga ia ngasup ngertiken pengalemi dosa si enggo ibereken Tuhan bana. Kalak si bage tentu la ia banci merdeka nehken pertoton man Tuhan.

 Ertoto, labo terjeng jadi inganta mindo saja. Ertoto pe labo terjeng jadi kesempaten nuri- nuri kerna perbebenta man Tuhan bagepe mindo pembelaan arah Tuhan. Tapi lebih asa sie kap erti toto. Ertoto jadi kesempaten kita berelasi ras Tuhan, la terjeng nehken katanta, tapi ije pe kita megiken Kata Tuhan man banta. Ertoto eme dialog ras Dibata, ije lit ketenengen pusuh, dame, ukur meriah si reh ibas Dibata nari. Emaka dikune kita erelem-elem salah lanai mungkin sigejap dame sejahtera rsd.

1. Ertotolah alu pusuh si bersih iadepen Tuhan

Ula pekulah-kulah (Matius 6:5-6). Sabab IA kap Dibata Maha Tahu. Isi pusuhta pe ietehNa kap. Gelah pusuh bersih iadepenNa, perlu kita mpekena motivasi ibas ertoto. Berdoa bukan lagi sekedar meminta apa yang diharapakan saja, melainkan berdoa menjadi wadah belajar menerima kehendak Tuhan. Sabab peratenNa kap si jadi, sebage ulih pertotonta. Hati yang bersih menolong kita berdoa dengan sungguh dan Tuhan memproses diri kita agar dapat menerima kehendakNya dengan sukacita.

2. Ertotolah alu pusuh si bersih nandangi temanta manusia

Ula nai lit erelem-elem salah (dendam, belum mau mengampuni sesama dsb). Pro kontra, perbedaan persepsi, pandangan, berbagai hal lain dalam relasi sesama manusia, pasti ada. Bisa memberi celah perdebatan dan perselisihan. Tapi jangan sempat kebencian dan dendam menguasai diri sehingga membuat doa hanya sebagai wadah mencurahkan kebencian bagi sesama. Ertotolah alu  pusuh  si  bersih  nandangi temanta  manusia,  amin  pe  mungkin  lit  si  la  bagi ukur  (usih perbahanen Jusup bdk inv). Kuasa Kesah Tuhan erdahin kap, ipengasupna gelah la lit sangkut ukur nandangi temanta si deban.

Jika  kita tidak  memberi ruang  mengampuni,  maka  pertumbuhan  iman  akan  kembali terjajah dosa. La ngasup kita ngertiken pengalemen si ibereken Tuhan arah Yesus arah aksi. Pengampunan dosa adalah pemberian Tuhan,  agar kita dapat lebih  lagi nemerina berkat lainnya. Emaka gelahna banci sidalani kegeluhenta ibas dame sajahtera, teneng ukur bagepe banci sisehken pingko-pingko pertotonta man Dibata, maka arus erlajar ngalemi salah kalak kempak kita. Berproses dalam pertumbuhan iman. Lalit si metahat ibas Tuhan maka dalankenlah kataNa gelah bagi pertoton siniajarken Tuhan, ipengasup ka kita sialem-alemen salah (Matius 6:12). Amin.

 

Pdt Deci Kinata Br Sembiring-Rgn. Studio Alam 

Invocatio :

"Kupindo man Dibata gelah italangiNa pusuh peratenndu gelah terang pengangkanndu.Alu bage banci ietehndu kai si banci iarapkenndu i bas Dibata si ndilo kam, bage pe gelah ietehndu maka seh kal buena erta-erta si mulia si isikapken Dibata man anak- anakNa. (Epesus 1. 18)

Khotbah  :

Masmur 71. 5-6

Tema  :

Ertoto Ras Erpengarapen

 

A. BENA KATA

Judul perikop Masmur 71 enda, “Pertoton kalak si nggo metua.” Bagi nina bas ayat 9, “Tupung aku  nggo metua ula min buangNdu aku, ula aku itadingkenNdu adi nggo keri gegehku.”

Masmur enda ibas piga-piga cataten ningetken maka sinuratkenca eme Daud. Tapi lit ka sumber sideban singatakenca maka enda Masmur si itulis Yonadab bage pe lit ka si nuratkenca maka Masmur enda itulisken angkaten si pemena si nggo ndarat bas pembuangen nari (Tafsir Kitab Mazmur 1-72; Marie Claire Barth dan B. A. Pareira, hal.625) tapi intina Masmur enda eme mindo gelah Tuhan mperdiateken ia ibas kiniseranna terlebih-lebih ibas umurna si nggo metua.

Ope denga nas khotbahta ibas ayat 1-4 lit piga-piga hal penting si isehken Pemasmur man Tuhan.

1. Tuhan me inganna cicio dingen jadi benteng si nteguh (1,3).

Kam kap Tuhan inganku cicio si aman jadi benteng si nteguh ras jadi kubu pertahanen. Igejapken Pemasmur maka Dibata nge si ngasup ngkawali kegeluhenna ibas kebiarenna nari.

2. Pemasmur mindo gelah kebujuren Tuhan jadi ibas geluhna (2,4).

Bebasken min aku sabab bujur kap kam, dengkehken min aku janah pulahi min. I bas ise nari Pemasmur mindo ipulahi eme I bas kuasa kalak jahat dingen si kejam. Adi ngerana kerna Tuhan bujur ertina maka kalak si salah la banci lang iukumna janah kalak si bujur la  banci lang ibebaskenNa dingen isampatiNa. E maka adi nggo pang Pemasmur mindo gelah Tuhan si bujur e bertindak maka ia nggo yakin maka bas peristiwa si adapina labo lit ibahanna si jahat ntah pe si la mehuli.

 B. PENJELASEN TEKS

Arah nas khotbahta banci sirenungken piga-piga hal:

1. Tuhan kap ingan pengarapen.

Kam kap pengarapenku, man baNdu kap aku ernalem kitik-kitikku nari. Ngkai maka Tuhan ijadiken Pemasmur inganna erpengarapen sabab nggo itandaina Dibata ibas kitik-kitikna nari arah pengalamen kegeluhenna. Janah Dibata e erkuasa guna mulahi ibas kebiaren nari kalak si erlebuh ertoto man baNa. Man baNdu kap aku ernalem kitik- kitikku nari, ertina ibas usia si nguda denga Pemasmur nggo ernalem erkiniteken man Tuhan janah nggo idahna perbahenen Tuhan ibas geluhna. E maka tetapkal ukurna erpengarapen man Tuhan sabab Tuhan ngasup mulahi ia ibas kebiarenna nari, ibas musuh-musuhna si rusaha erbahan si jahat ntah munuh ia. Man bandu aku ernalem kitik-kitikku nari enda ngatakenca maka nggo teruji ibas ibas geluhna maka Dibata ngasup nampati ras mulahi ia ibas kerina kebiarenna.

2. Tuhan kap sekawal situhu-tuhu

Mulai tubuhku ndube ku Kam aku ertunande, i kawaliNdu aku mulai kin i bas bertin nandengku nari e maka lalap Kam kupuji. Dibata si itandai Pemasmur eme Dibata si nggo ialamina bas geluhna Dibata si nggo rusur ncidahken kuasa ras keleng ateNa ibas ngkawali Pemasmur baik bas musuh- musuhna nari bage pe I bas erbage-bage kebiarenna nari.

Ungkapen Pemasmur mulai kin tubuhku ndube, mulai kin bas bertin nandengku nari negaskenca maka ibas segegdang-gedang geluhna Dibata inganna ertunande, Dibata sekawalna si tuhu-tuhu.

C. APLIKASI

1. Nina tema-ta ibas berngi III enda: Ertoto ras Erpengarapen.

Ertoto ras erpengarapen dua hal si labo banci sirang ibas kegeluhen kalak si erkiniteken. Ertoto eme sarana kalak si erkiniteken reh ndahi Dibata, nuriken pemindon, nuriken pengarapen ras banci pe ngataken bujur ras sidebanna. Pengarapen eme si suraken kita jadi bas geluhta. Pengarapen enda ngerana kerna masa depan, masa si reh si ateta isehken Tuhan man banta. Adi Pemasmur ijenda ku Tuhan ia ertoto nehken pengarapenna gelah ipulahi Tuhan min ia ibas musuh-musuhna nari, ibas kalak jahat nari. Ikawali Tuhan min ia gelah ula she sura-sura musuh-musuhna janah mindo pe ia gelah Dibata nehken kebujurenNa nandangi kalak si rate segat man bana.

Tentu ibas paksa enda selaku kalak si erkiniteken pe labo banci lang melala pengarapenta  man  Dibata.  Umpana  gelah  anak-anak  bas  jabunta  seh  pagi kerina sekolahna, jenari dat na ka dahin si mehuli. Man anak-anakta si nggo dewasa gelah ipejumpaken Tuhan ras jodohna. Adi lit keluarganta sakit erpengarapen kita gelah ibereken Dibata kemalemen ras kesehaten si mehuli rst.

Ngkai maka kita ku Dibata ertoto nehken pengarapenta, sabab tek kita Dibata ngasup nehi pengarapenta, sabab IA Dibata si erkuasa, Dibata si nggeluh, Dibata si bujur Dibata si nggit megiken pertotonta dingen nehi pengarapenta si mehuli si tujunna guna kemulian Dibata.

Ula kal kita erpengarapen man jelma (Jer. 17.5-7) tapi ku Dibata sajalah kita erpengarapen sabab Dibata ngasup nehi pengarapenta ibas geluhta.

 2. Toto ras Pengarapen man Dibata nandangi kalak si deban.

Ibas Epesus 1:18 Kupindo man Dibata gelah italangiNa pusuh peratenndu gelah terang pengangkanndu. Alu bage banci ietehndu kai si banci iarapkenndu i bas Dibata si ndilo kam, bage pe gelah ietehndu maka seh kal buena erta-erta si mulia si isikapken Dibata man anak-anakNa.

Arah nas enda si idah Paulus ertoto ras erpengarapen man Dibata gelah italangi Dibata pusuh peraten perpulungen Epesus gelah terang pengangkanna kerna Dibata, khususna kerna kai si banci iarapken bas Dibata nari. Jadi ijenda jelas maka toto ras pengarapenta man Dibata labo saja man dirinta ntah kerna dirinta tapi banci pe kita ertoto ras erpengarapen man Dibata kerna kalak si deban.

3. Toto, Pengarapen ras tindaken.

Kenca kita ertoto ras nehken pengarapenta man Dibata la banci lang silakoken kai si arus si bahan gelah Dibata nehi pertotonta, nehi pengarapenta.

D. PENUTUP

Toto ras erpengarapen dua hal si la banci bene bas kalak si erkinteken. Dibata me inganta erpengarapen janah si sehken man DIbata kerna pengarapenta arah pertotonta. Sabab tek kita man Dibata si dem alu kuasa ras perkuah ate dingen nggit megiken pertoton anak- anakNa. Amin. 

Pdt. Sahabat Perangin-Angin-Rgn.Pondok Gede

“Janah ngakuken maka Jesus Kristus e tuhu-tuhu Tuhan, guna kemuliaan Bapa.”(Pilipi 2: 11)

Bahan Renungen  : Roma 10: 9-10

Tema  : ERTOTO RAS PENGAKUN

 

Pengantar

Adi ngaku alu babah “Jesus Tuhan”, tek ibas pusuh “Jesus enggo ipekeke”, maka terkelin me kam. Sanga Kaisar Roma erkuasa, resiko adi ngaku Yesus Tuhan cukup mberat, sebab Kaisar Roma enggo ianggap setara ras tuhan. Kerina arus nembah Kaisar, mereken pajak sebagai persembahen man Kaisar, patuh man perentahna. Labo banci lit si isembah selain kaisar, ras nyawa sebagai taruhannya. Emaka labo lit kalak ngaku adi la kin ibas pusuhna nari, alu pengakun si tuhu-tuhu. Siap dengan resikonya. Enda berbeda dengan situasi erkiniteken si gundari, sebab ibas kegeluhenta bebas memeluk agama bahkan di Indonesia dilindungi oleh undang-undang. Tapi justru ibas kita bebas ngakuken kiniteken e kurang daya juang guna encidahken mperjuangken kiniteken. Maka lit gundari istilah Kristen kapal selam (dekahen la idah), Kristen KTP, Kristen NaPas (Natal Paskah), rsd. Ibas Pekan Kebaktin Doa wari sisendah sipebagesi pengangkan kerna ertoto ras pengakun.

Penjelasan Teks Roma 10:9-10

1. Rasul Paulus menekanken pentingna integritas. Babah ras pusuh kalak erkiniteken harus sendalanen. La banci bas pusuh ngenca tek tapi la pang ngakukenca, atau sebaliknya hanya pengakun bas babah tapi pusuh ndauh ibas Dibata nari. Tuhan sendiri pernah mengkritik orang-orang yang praktek keagamaannya nyaris sempurna tetapi hatinya jauh dari Tuhan (Yesaya 29:13). Seremonial yang terlihat secara lahiriah harusnya sejalan dengan hati yang benar-benar mengimani Tuhan yang disembah. Roma 10: 8 “Kata Dibata e rembak ras kam, enggo lit ibas babahndu dingen enggo pe lit ibas pusuhndu.” Kata Dibatalah jadi palas kita ngaku erkiniteken. Tek ibas pusuh, ngaku ibas babah, teridah arah perbahanen. Kerina sendalanen.
2. Arus lit pemahamen si benar, maka Yesus tuhu-tuhu enggo ipekeke. Seh maka kiniteken e erpalasken kebenaren labo erpalasken cerita dongeng. Janah si isembah kita eme Tuhan si nggeluh labo Tuhan si mate. Si iakuken Tuhan e la turi-turin ibas tulisen Pustaka Si Badia tapi Tuhan si nggeluh terus erdahin ibas doni enda seh asa genduari. Enda jadi palas si nteguh maka kita ertoto katawari paksa pe.
3. Keterkelinen ialoken kita erkiteken kiniteken man Tuhan siiakuken sendalanen arah pusuh ras babah. Kalak terkelin labo perban aturen, labo erkiteken perbahanenna si mehuli tapi erkiteken kiniteken si benar ibas Tuhan Yesus Kristus.

Refleksi/Aplikasi

1. Pengakunta jadi kesaksinta. Credo atau pengakun “Aku percaya” la sekedar ucapan tapi juga identitas. Ngaku tek la terjeng pengakun tapi arah perbahanen pe teridah buah pengakunta e. Sebuah pengakuan yang dihidupi. Sada contoh ngaku tek ertina lanai kita idemi kebiaren, kearun ate, tapi sipercayaken dirita man Tuhan si empuna kegeluhen. 2 kata dalam Bahasa Inggris untuk percaya adalah believe dan trust. Ada perbedaan kecil tapi signifikan, believe adalah percaya, sedangkan trust adalah mempercayakan diri. Ertoto eme mempercayakan diri man Tuhan, emaka lit ketenengen kenca dung ertoto. Aminna pe lenga siteh kai si terjadi tapi kita leben tek man Tuhan. Pang kita ersaksi kerna Tuhan Yesus Juruselamat si enggo ipekeke ibas simate nari. Enda sada hal si menjadi dasar kiniteken kalak Kristen. Adi ajar-ajar Jesus si dapetina kubur kosong, si jumpa ras Jesus kenca kekekenNa adalah saksi mata, kita kerina e me saksi iman. Pakelah babahta guna nehken kesaksin kerna kuasa Tuhan. Kai si enggo sialoken ibas Tuhan Yesus Kristus nari, keselamatan, sehken berita e man kalak sideban arah pengerana ras perbahanenta.
2. Kinitekenta maka Yesus e Tuhan si enggo keke jadi palas si benar ibas kita ertoto. Kita la ertoto man Dibata si mate, atau Dibata si sebatas sejarah tersurat ibas Pustaka, tapi kita ertoto man Tuhan si nggeluh. Alamat doa kita sudah tepat. Ibas kita ertoto e encidahken maka kita tek Dibata la ersibar kuasaNa, lebih asa kengasupenta. La kita ernalem man kebeluhenta tapi man Tuhan si erkuasa. Pertotonta jadi pengakunta. Ngaku kita lit kuasa si ndauh belinen asa gegehta, si megiken kai si ituriken kita ras mereken kai si terbaik.
3. Ngaku Yesus Tuhan dingen tek ibas pusuh maka Yesus enggo ipekeke erbahanca kita terkelin. Perbahanen simehuli labo jadi syarat guna selamat. Perbahanen si mehuli eme tanda kita enggo terkelin. Leben sialoken keselamaten emaka kita nggeluh bagi kalak si enggo iselamatken. Ertoto alu tutus alu erpengakun Yesus Tuhan, sada biak kegeluhen kalak si enggo terkelin. Tetaplah ertoto.

 

Pdt. Yohana S.M Br Ginting-Rgn. Cibubur