Invocatio : Alu bage dungna ersada kinitekenta ras penandaita kerina nadangi Anak Dibata; kita dewasa, janah dungna seh kita ku tingkat kedewasaan Kristus si serta e (Ep. 4:13).

Ogen      : Jesaya 41:5-10

Kotbah   : 2 Petrus 1:3-10

Tema     : Tetap Erteguhna

Kata Perlebe

Seorang petani tidak pernah menanam padi bersama dengan ilalang. Tetapi kenyataan padi selalu bertumbuh bersama dengan ilalang. Bahkan pertumbuhan ilalang lebih cepat dari pada padi. Awalnya kelihatannya hampir sama. Tetapi pada akhirnya kita mampu membedakannya melalui buah. Untuk bisa sampai pada tahap berbuah padi harus berjuang untuk bisa terus bertumbuh dengan mengambil makanan dari tanah, karena ilalang juga sangat cepat menyerap makanan dari tanah. Hal siseri pe jadi ka nge ibas tengah-tengah kegeluhen bagepe gerejanta. Pertumbuhan iman jemaat selalu juga dibarengi dengan munculnya “parasit-parasit”, yang bisa merusak pertumbuhan jemaat. Lantas apa yang harus kita lakukan? Tentu saja kita tidak boleh berhenti, tetapi harus terus berjuang dengan lebih tekun lagi agar semakin kuat.

Pendalaman Teks

Teks bahan khotbahta berngi enda eme surat sipeduaken si itulis Simon Petrus sope lenga ia mate erkiteken hukumen siitetapken Kaisar Nero. Surat enda itulis man perpulungen I Asia kecil segelah perpulungen e tetap ngayaki ras nggeluh ibas kesalehan dan pengenalan si payo kerna Kristus itengah- tengah penganiayaan si mekelek siilakoken oleh masyarakat sekitar, guru-guru ras nabi palsu. Untuk hidup saleh, perpulungen hanya memerluken Kata Dibata saja sebagai dasar ibas geluhna. Kita tidak memerlukan lagi hikmat manusia, entah teori-teori sideban yang menyempurnakan Firman Allah, sabab kesempurnaan itu sendiri sudah dinyatakan arah Kristus. Yesus Kristus sebagai jalan kebenaran dan hidup. Oleh sebab itu, kita harus hidup dalam Tuhan, menjadi serupa dengan Allah dengan mengembangkan sifat-sifat baik supaya menang ras erbuah secara rohani ibas Dibata itengah-tengah situasi si la mehuli. Kita tidak hanya mampu hidup dan berbuah ditengah situasi yang baik saja. Kata “Usahakenlah” ibas ayat 5 ras ayat 10 (bhs Indonesia: sungguh-sungguh berusahalah, terj NIV: Berusaha sekuat-kuatnya), ngataken maka bertumbuh la terjadi secara otomatis (bagi page ndai), tetapi arus lit usaha dan ketekunan yang terlihat secara aktif agar sifat-sifat baik eme perbahanen si mehuli, penguasaan diri, ketekunan, megenggeng, tutus er-Dibata, keleng ate man sapih-sapih Kristen, keleng ate man manusia (ay. 5-8) banci turah ras reh teguhna. Sifat-sifat enda la otomatis banci turah dan tidak hanya sebatas turah saja tapi arus turah alu nteguh bas dirinta sekalak-sekalak Biak-biak e, arus turah alu mehumur/berlimpah-limpah, segelah pemetehta/penandaita kerna Tuhanta Jesus Kristus nggeluh ras erbuah (menjadi giat dan berhasil). Tapi adi sie lalit ibas kita, maka kita bali bagi kalak pentang (Ay. 9, ind; buta dan picik). Dan untuk itu kita sudah dipilih dan kita adalah orang-orang pilihan Tuhan. Tentuna Keterpilihanta sebagai kalak si tek, arus erbahanca kita reh teguhna ibas Dibata dengan menolak tindakan/perbahanen si la mehuli ibas nabi ras guru palsu, gelah ula irintak ku bas kegeluhen sipapak.

Pengogenta ibas Jesaya 41: 5-10

Nuriken kerna pertolongan Tuhan man bangsa Israelsi sangan itaban bangsa Babel. Dan Allah telah 150 tahun yang lalu menubuatkan bahwa bangsa Koresy, akan dibangkitkan guna mengalahkan bangsa bangsa dan melindungi orang Israel. Ia dipanggil di dalam kebenaran, bukan karena dia sendiri benar, tetapi karena dia akan melaksanakan rencana penebusan Allah yang benar di muka bumi ini.

Persekutuan di antara bangsa-bangsa (ay.6-7) labo banci menghentikan tantara koresy sebagai alat Dibata guna nampati bangsa Israel. Dibata mperdiateken bangsa pilihenNa, enda teridah ibas ay.10,

Dibata ngatakenca maka “Ola mbiar, sabab Aku ras kam”. Israel labo perlu mbiar sebab Dibata enggo milih banga e jadi bangsa pilihenNa.Penyertaan Tuhan adalah jaminan simpetetap ukur ibas ngalaken erbage-bage situasi si mberat, penyertaan Tuhan jadi gegeh sebab Dibata nta si menopang, membela ras ngadili kegeluhenta.

Invocatio nta Efesus 4:13, ngangkatken pengajaren tentang kiniersadan kula, sebagai harapan Paulus guna perpulungen Efesus. Paksa sie, Paulus sangana ibas penjara, tapi ia erpengarapen maka perpulungen e tetap nggeluh dan bertumbuh ibas kiniteken, kekelengen ras hikmat. Mbelin kel pengarapen Paulus maka perpulungen e tetap nggeluh bagi singena ate Tuhan. Emaka arah surat enda Paulus mpersingeti ras mpegegehi gelah tetap njadiken penebusan ibas Kristus menjadi dasar nggeluh (bnd. Bahan khotbah) man gereja bagepe man bangsa sideban. Penebusan Kristus jadi gegeh guna bertahan ibas kiniseran yang tidak bisa menghambat pertumbuhan. Pertumbuhen erbahanca kita dewasa dingen lanai bali bagi danak-danak si gampang iombang-ambingken rupa-rupa pengajaran. Bika danak-danak atau dewasa teridah ibas kengasupenta nggeluh sebagai sada kula ras kalak sideban. Sebab penebusan labo terjeng man kalak Yahudi saja, tapi atan pe man bangsa sideban. Saling terhubung dan terkoneksi satu dengan yang lainnya eme ciri kula si sehat. Adi lit bagin kula sila berfungsi atau berhubung pertanda ada kerusakan.

Pengkenaina

Tema pekan kebaktin keluarga berngi sipeteluken eme “Tetap Erteguhna”, ertina teridah proses si berkesinambungan, sikap si terus mempertahanken. Mungkin selama enda enggo nteguh tapi harus tetap reh teguhna erkiteken pasti mbue tantangan siarus ialaken. Bagi sada batang kayu, “semakin tinggi pohonnya maka semakin kencang terasa angin menerpa, sebanyak banyak buahnya maka semakin banyak pula tantangannya (ibenteri, ijujuk, rsdna. Labo pernah ijujuki batang kayu si la erbuah). Jadi arah enda menyadarkan kita maka kegeluhen kalak Kristen sebagai kula Kristen harus tetap bertumbuh, berakar dan tetap berjuang gelah reh teguhna. Ula nggit talu nandangi godaan tapi uga tetap menyadari perananta sebagai mandataris Tuhan si harus tetap nggeluh ras ncidahken penebusen Dibata sienggo sialoken kita sebagai dasar kegeluhenta.

Kengasupenta ngalaken tantangen, alu tetap setia, erbahan kiniulin, tetap erlajar nandai Tuhan, megenggeng, tutus, ngasup engkuasai diri, erkeleng ateng ate man kalak sideban bagepe sapih-sapih kalak Kristen nuduhken biak-biak jemaat sidewasa. Tentuna enda akan semakin berdampak Ketika biak enda nggeluh ibas kerina jemaat-jemaat GBKP si nggeluh bagi kiniersadan kula. Sebab kita eme anggota ibas kula Kristus, siarus terkoneksi dan berpartisipasi dengan aktif ibas doni enda.

Kenca pekan penatalayanen enda, maka kita bengket ku bas erbage-bage kegiaten pelayanen i tengah- tengah gerejanta. Tentu arapenta, situasinta akan semakin baik dari tahun sienggo lewat, baik ibas kehadiren dan keatifan jemaat. Terlebih tahun enda Tema sasaran Pelayanani gerejanta eme “Jemaat Menjadi Pelaku Aktif Pelayanan”, yang tidak hanya “menerima” tetapi juga “memberi”. Harapen tema tahun enda ngasup ningetken man banta maka kemajuan gereja dipengaruhi oleh cara pikir dan sikapta kerina. Selalu berpandangan maju, memikirkan kemajuan dan mengambil bagian berbuat kemajuan.

Sekalipun banyak tantangan tapi penyertaan Tuhan ajdi jaminan. Lakukan yang terbaik maka akan beroleh hasil yang terbaik.

Pdt Sri Pinta Ginting

Rg Cileungsi

Invocatio    :    Ula pelepas dirindu jadi seri ras doni enda, tapi berelah maka perukurenndu ipelimbarui Dibata. Alu bage banci idatndu kai sura-sura Dibata, kai si mehuli, kai si ngena AteNa, janah kai si sempurna ( Rom. 12 : 2 )

Ogen           :    2 Raja-raja 23 : 1-15

Kotbah       :    Perbahanen Rasul-Rasul 5 : 29-32

Tema          :    Ngikutken Dibata

A. BENA KATA

Ibas wari sipeduaken Pekan Penatalanenta tahun 2023 enda nina: Ngikutken Dibata. arah kerina komponen nats khotbahta sendah iajari kita uga kin situhuna ibas ngikutken Dibata e. Kai-kai saja si arus sihadapi ibas kita ngikutken Dibata. Janah kai arus si bahan gelah kita tetap setia ngikutken Dibata, rash al sidebanna

B. PENJELASEN TEKS

1. Khotbah Perbahanen 5.29-32

- Kenca peristiwa Pentakosta Petrus, Johanes ras ajar-ajar si deban mulai nehken kata Dibata, ngerana kerna Berita Si Meriah eme kerna Jesus. Ibas nggo mulai ertambahna kalak si tek, janah ajar-ajar pe terus erberita kerna Jesus janah radu ras berita siipesehna melala pe tanda sengget si terjadi si erbahanca lanai terbendung reh teremna rusur jelma si tek man Jesus. Erkiteken si e nembeh ate imam-imam ras kepala pengawal Rumah Pertoton rikut pe kalak Saduki. Erkiteken si e Petrus ras Johanes idilona ku persidangenna gelah olanai ngerana kerna Jesus. Tapi Petrus ras Johanes alu tegas ngataken, “Kamlah kerina ertimbang si apai kin mehuli iakap Dibata: patuh kami man bandu ntah man Dibata.”

-Konteks nats khotbahta enda teridah maka Imam si Mbelin ras teman-temanna kalak Saduki mulai erbahan tindaken man rasul-rasul. Itangkapna rasul-rasul e, jenari itamakenna ku bas penjara. Tapi berngina malekat Tuhan mulahi rasul-rasul e, janah kenca terang pepagina rasul-rasul ndai nggo ka erberita, ngajar i Rumah Pertoton. Tupung Imam si Mbelin ras teman-temanna pertua-pertua kalak Jahudi lako atena erbahan sidang janah ngelegi rasul-rasul e, ternyata rasul ndai lanai lit bas penjara sementara kerina pintu penjara terkunci dengan baik. Tapi lit kalak maba berita maka rasul-rasul enda lit ibas Rumah Pertoton. Emaka isuruh ia ilegi tapi la alu kekerasen. Emaka isuruhna rasul-rasul e ku bas janah tedis i lebe-lebe sidang. Janah kai nina Petrus ras rasul-rasul si deban bas sidang enda eme jadi nats khotbahta.

-Petrus ras rasul-rasul si deban ncidahken kepatuhenna man Dibata. 5:29 Ngaloi Petrus ras rasul-rasul si deban nina, "Kami arus ngikutken Dibata, labo manusia. Ngkai maka Petrus ras rasul si deban pang naksiken Jesus man Imam si Mbelin ras man kerina si hadir ibas sidang e, sabab ia me saksi janah isampati Kesah Si Badia, maka Dibata si isembah nini kalak Israel enggo mpekeke Jesus i bas si mate nari, kenca Ia enggo ibunuh alu makuken Ia ku kayu persilang. Dibata enggo ngangkat Ia dingen mereken kuasa man baNa jadi Raja dingen Penebus, gelah kalak Israel jera dingen dosa-dosana ialemi Dibata. Jadi Jesus si iberitaken rasul eme si erkuasa jadi Raja dingen Penebus. Jadi Raja si arus ipatuhi rasul-rasul sabab IA si erkuasa, IA me Penebus si isuruh Dibata guna nebusi dosa manusia, janah enda kerina ibahan Dibata gelah kalak Israel ras kerina manusia jera ibas dosa-dosa nari.

2. Ogen: 2 Raja2 23.1-15

- Arah ogenta teridah uga raja Josia ngelakoken pembaharuan ibas kepatuhenna man Dibata. tupung Josia maba kerina pemimpin Israel ku Jerusalem bage pe kerina rayat si nterem ku Rumah Pertoton, ije ibahan Josia perpadanen ras Tuhan, maka erkemalangen ia man Tuhan, make undang-undang ras kerina tuntuten si lit ibas perpadanen e, sue ras si tersurat ibas kitab e. janah kalak Israel pe erbahan perpadanen maka patuh ia man Dibata.

- Tandap kepatuhen Josia emaka mulai me ibersihkenna Rumah Pertoton alu mpedarat kerina barang-barang si sedekah enda ipake guna ermbah man dewa Baal, Dewi Asera, ras bintang-bintang. Jeari icilukna I darat kuta Jerusalem deher Baluren Kidron. Bage pe kerina imam-imam si sedekah enda erdahin ipengadina. Asrama ingan tading kalak si pendahinna erlua-lua ibas Rumah Pertoton irontaskenna. Kerina batar-batar ingan persembahen si lit ibas kuta e imelketi Josia gelah ulanai kalak nembah man berhala-berhala. Kai si ibahan Josia enda megati ikataken Reformasi Josia. 

3. Invo: Roma 12.2

- Ola pelepas dirindu jadi seri ras doni enda, tapi berelah maka perukurenndu ipelimbarui Dibata. Arah apai perukurenta banci ipelimbarui, tentu arah kita nggit rusur ngoge ras mpelajari kata Dibata jenari Kesah Si Badia ngajari kita ngangkaisa. Arah kata Dibata me si eteh sura-sura Dibata, kai si mehuli, kai si ngena ateNa, janah kai si sempurna.      

C. PENGKENAINA

1. Ngikutken Dibata

Jesus sendiri tupung IA nggeluh denga ras ajar-ajarNa megati kal ikatakenNa, “Ise atena ikut ras Aku arus ipersilahangna bana, ipersanna kayu persilangna jenari iikutkenna Aku (Bd. Mat.16.24). Jadi ngikutken Jesus labo mesunah, tapi lit kiniseran ras tantangen si deban si arus sihadapi ibas ateta ngikutken IA.

Bagem siidah Petrus ras rasul-rasul si deban ngenanami perlawanen bahken kekerasen seh pe itamakenna ku penjara, tapi Petrus ras rasul-rasul si deban teridah uga ia setia kerina ngikutken Tuhan. La ia surut sekali pe melala perbeben. Tentu enda kerina erkiteken alokenna gegeh ras kuasa ibas Kesah Si Badia nari.

2. Josia sekalak raja tokoh Reformasi

Reformasi silakoken Josia berawal ibas idatken kalak Undang-Undang Tuhan, Taurat Tuhan, janah ia radu ras kerina rayatna erpadan guna matuhisa. I bas tekad ras komitmenna guna ngikutken Tuhan, emakailakokenna pembersihen mulai bas Rumah Pertoton bage kerina imam-imam si erdahin sedekah enda, jenari ingan-ingan si biasa ipake kalak Juda jadi ingan ersembah kerina imelketi Josia.

Jadi Reformasi Josia imulai ibas ia erngena ate man undng-undang Tuhan janah UU Tuhan enda ijadikenna jadi palas kerina pendahinna.

3. Ekklesia reformata semper reformanda (kalak si tek/gereja terus menerus iperbharui.

Bagi nina ndai teks invocatiota, selaku kalak Kristen la banci lang terus menerus kita iperbaharui janah enda imulai ibas akal budita nari. Emaka perlu kita terus mpelejari kata Dibata gelah alu bage sieteh ras siangkai kai singena ate Dibata.

D. PENUTUP

Jenari ibas ngikutken Dibata si teridah maka kata Dibata si ban jadi palas ibas kerina pendahin ras perbahanenta la banci lang tergejap nanam si mehuli man kalak. Sabab silakoken kita eme kap erkeleng ate, ngelakoken si bujur ras simehuli.

Bujur ras mejuah-juah:

Pdt. Sahabat Perangin angin MTh

GBKP Rg Pd Gede

Invocatio : “Ije me Aku ringan ras ia; Aku jadi Dibatana, ia jadi bangsaKu” (Esekiel 37:27).

Ogen       : Epesus 2 : 19 – 22

Khotbah  : Ulangen 7 : 6 – 11

Tema       : “Iserapken Jadi Sekerajangen Tuhan”

Kata Perlebe

Shalom ras mejuahjuah man banta kerina. Bujur ninta man Dibata Bapa ibas Tuhanta Jesus Kristus si nggo naruhken kita seh ku tahun si mbaru 2023. Gelah geluhta tetap mehuli, ratur ras tertata guna si layanken bagi si ngena ate Tuhan ibas tahun enda pe, emaka bengket me ku Pekan Kebaktin Penatalayanenta. Si baba dirita ras isi jabuta ku “bengkel” pertendinta arah Pekan enda lako mpekena dirita ningtang ija perlu segelah sikap ndahiken dahin pelayanen. Perlebe, arah wari/ berngi pemena enda, mari si pepayo dirita selaku Gereja. Dirita eme Gereja kap. Mari si siksiki kai kin ertina, gunana ras maknana gereja segelah ernanam sue ras tema umum Pekan Penatalayanenta.

Isi/ Penjelasen

Ul. 7:6-11 si jadi palas kotbahta nuriken kerna bangsa Israel si ipilih Dibata. Dibata milih Israel dingen nerapkenca jadi sekerajangenNa ibas kerina bangsa-bangsa i doni enda nari. Arus jelas dingen tangkas iangka bangsa Israel bahwa ia ipilih Dibata labo erkiteken teremen ia asangken bangsa-bangsa si deban nari. Justru ia me bangsa si kitikna (ayat 6, 7). TUHAN jadiken bangsa Israel jadi bangsaNa si khusus labo erkiteken gegehen ia asangken bangsa si deban. TUHAN milih ia dingen nerapkenca jadi sekerajangenNa erkiteken keleng ateNa. TUHAN ngkelengi Israel ras nehken padanNa si ndube isehkenNa man nini-nina kalak Israel eme Abaraham, Isak ras Jakup. TUHAN nelamatken Israel arah mbebasken ia ibas perbudaken Mesir erkiteken keleng ateNa. TUHAN nelamatken Israel alu kuasaNa si mbelin (ayat 8). Erkiteken si enda kalak Israel arus nginget ras ngeteh bahwa TUHAN e ngenca Dibata si setia. Ia tetap ncikep padanNa, janah icidahkenNa kekelengenNa si tetap man meribu-ribu kalak si engkelengi Ia ras ngikutken undang-undangNa (ayat 9). Tapi man kalak si la engkelengi Ia, si ernembeh ate man baNa, alu la ralang-alang iukumNa (ayat 10). Erkiteken si e ipindo ras iajuk Musa bangsana gelah ngikutken TUHAN alu ngikutken undang-undangNa (ayat 11).  

Arah ogenta Epesus 2:19-22 icidahken ras ituriken uga kalak si labo Jahudi banci ersada ras Dibata dingen ersada ras bangsa pilihen Dibata. Kalak si la Jahudi ersada ras Dibata erkiteken tek man Kristus dingen ersada ras Kristus. Kalak si ersada ras Kristus lanai ia kalak asing/ pertandang. Kalak si ersada ras Kristus gundari nggo jadi sewarga ras anak-anak Dibata eme kalak Israel. Ia nggo seri ras bangsa pilihen Dibata (bdk. 2 Korinti 5:17). Ia pe nggo jadi anggota keluarga Dibata (ayat 19). Kalak si labo Jahudi si nggo tek ras ngaloken Jesus Kristus pe ipajekken i babo palasa si itamaken rasul ras nabi-nabi janah Kristus jine palas persukina. Jalak si labo Jahudi pe isusun jadi Rumah Pertoton si badia erkiteken persadanna ras Kristus.

Ibas persadanna ras Kristus, kalak si labo Jahudi ras kerina kalak si deban iranggut jadi sada rumah eme Rumah Pertoton janah Dibata ringan ibassa alu KesahNa (ayat 20-22). Enda sue bagi si ikataken ibas Esekiel 37:27 (invocatio), Tuhan ringan i Rumah Pertoton ras bangsana Israel. Kai si inubuatken Esekiel nggo genep arah kegeluhen Gereja.    

Pengkenaina ras Kata Penutup

• Nina sekalak filsuf, “Tandailah bandu.” Kata si gendek enda seh kal perluna ras pentingna. Seh kal mendasarna ras pentingna nandai dirita, ise kita gelah ola kita sempat lupa diri. Alu nandai dirita me maka si eteh ras si sedari ise kita, ise si nepa kita, ija nari kita, kai tanggung jababta, kai si arus si bahan ibas geluhta ras kai tujunta. Tentu la ngenca nandai dirta selaku manusia, tapi seh pe ku penandaita dirita selaku Gereja eme kalak si tek ras nggo ersada ras Tuhan Jesus. Perlebe secara pribadi, jenari secara ras-ras ntah pe perpulungen.

• Tema: “Iserapken Jadi Sekerajangen Tuhan.” Arah Kata Dibata si tersurat ibas Pustaka Si Badia, si tandai dirita selaku kalak si nggo iserapken (ipebadiaken) jadi sekerajangen Tuhan. Labo kita si nerapken (yang memisahkan dan mengkhususkan)dirita. Tuhan jine si nge nerapken kita gelah kita nggeluh jadi sekerajangenNa. Kita si ndube ndauh ibas Dibata nari, la badia, melket erkiteken erdosa nggo rembak ras ipebadiaken arah Kristus erkiteken kinitekenta. Kita ipilih ras iserapken labo erkiteken gegeh, beluh ras pendahinta tapi erkiteken lias ras perkuah ateNa (Ep. 2:8). Labo kita si milih Tuhan Jesus tapi Ia nge si milih kita janah nuruh kita lawes gelah erbuah meramis, eme buah si tahan rasa lalap (Joh. 15:16a). Erkiteken Tuhan Jesus si nerapken kita jadi sekerajangenNa emaka geluhta arus sue bagi rancangen ras peraten Tuhan Tuhan si nerapken kita. La banci bagi atetata apai ka ate-ateta saja si ban. La banci peratenta si pejangjang.

• Kita iserapken labo guna nggeluh serap-serap, nggeluh nerapken bana. Kita iserapken labu guna nggeluh mengisolasi diri (ekskusif). Bagepe kita iserapken labo guna gengsi ras kebanggaan diri. Kita iserapken gelah ola seri ras doni. Kita iserapken jadi sekerajangenNa, jadi perkakasNa, jadi saksiNa lako mberitaken perbahanen-perbahanen Dibata si mbelin (1 Pet. 2:9). Kita iserapken lako jadi sira ras terang man doni enda (Mat. 5:13-15). Kita iserapken gelah mereken nanam si entebu ras erguna man doni enda. Gelah geluhta ernanam si mehuli desken tengguli ku bas perpulungenta. Nggo nge kita mereken nanam si payo ras si entebu sedekah enda? Nggo nge kita mereken nanam si ntabeh dingen melam ku bas sekelewetta? Nanam si apai si lebih menonjol bas kita: nanam ntabeh ras melam; ntah nanam si macem, nanam mali-mali? Mari si pepayo ras si pergermetken kegeluhenta sedekah enda.

• Si sedarilah alu mbages maka kita enda iserapken, ikususken Dibata jadi sekerajangen Tuhan. Ola kari seri si akap dirita ras doni enda. Ola la lit ndobahna kita ras si la iserapken Tuhan. Kita selaku Gereja lit erkiteken Kristus. Gereja la mahan bana (dengan sendirinya) lit. Tapi Gereja tubuh ras lit erkiteken dareh Kristus si mambur guna kita. Gereja lit erkiteken belinna keleng ate Dibata man banta manusia perdosa. Emaka ola kal kita Gereja lupa nangdangi si mpetubuh kita eme Kristus. Ola kari bagi kuan-kuan, “Lupa kacang akan kulitnya.” Gereja la banci lupa man Jesus Kristus selaku Takal/ Kepala Gereja. Gereja arus patuh ras mehamat man Tuhan Jesus erkiteken kekelengenNa si nggo leben isehkenNa (bdk. Ep. 5:22-24).

• Dage, alu tetap nandai diri ras nginget dirita nggo iserapken jadi sekerajangenNa me maka sedar kita ras si angka kai si arus si bahan. Nandai dirita sekerajangenNa mpengasup kita tetap ersada ras Tuhan Jesus. Ersada ras Tuhan Jesus me si erbahanca geluhta mereken buah si meramis, buah si ernanam entebu ras malem ate, amin.

Pdt. Juris Tarigan, MTh

GBKP Rg Bogor