SUPLEMEN PEKAN PENATALAYANAN GBKP TAHUN 2024-WARI IV, KHOTBAH KUAN-KUANEN 3:5-10

Invocatio :

Lukas 16:10

Bacaan :

Lukas 21:1-4

Tema :

Mehamat man Dibata

 

Pendahuluan

Pada sebuah canal youtobe yang diberi judul “ Tipe tipe orang beribadah” kami melihat ada disebutkan beberapa tipe yaitu: terlambat, tertidur, bermain handphone, ngobrol, tertidur dan lain lain. Pada sisi yang lain ada juga kelihatan serius dan juga manggut manggut dan terlihat aktif. Kalau kita melihat dengan mata sendiri jelas kita dapat melihat perbedaan yang sebagaian kelihatan tidak serius dan jelas salah dan yang satu lagi kelihatanya baik. Tapi bisa saja yang kelihatan serius juga belum tentu serius bisa saja hanya kedok. Kenapa hal ini bisa terjadi mungkin karena pemahamanya akan arti ikut beribadah belum benar sehingga sikapnya dan tindakanya menjadi salah. Jika didalam ibadah juga sudah memiliki sikap yang tidak benar maka kemungkinan besar didalam hidup sehari hari juga bisa tidak seturut denga kehendak Tuhan. Pada sisi lain banyak juga yang sudah memiliki sikap yang benar dan baik. Di dalam ibadah dan juga didalam kehidupan sehari hari.

Tema Pekan Penatalayan kita adalah” Mehamat Man Dibata “ Kata mehamat berasal dari kata hamat yang artinya hormat mulia hargai, sopan, mehamat adalah bersifat menghormati, menghargai, memuliakan. Dan sikap ini ditujuakn selalu kepada orang yang posisinya mungkin lebih tinggi dari posisi yang memberi hormat. Sebagi contoh “ mehamat man kalimbubu”( Kamus Karo Indonesai ) Sikap ini juga dilakukan bukan karena paksaan, bukan formalitas tetapi dengan kesadaran dan juga datangnya dari hati. Jadi jelas tema kita mau mengarahkan kita supaya kita hormat , memulikan Tuhan bukan hanya didalam ibadah tetapi juga didalam kehidupan kita sehari hari yang datangnya dari hati dan pengenalan akan Tuhan.

Pendalaman Nats

Kitab Amsal ditulis oleh Salomo Tujuan kitab ini dinyatakan dengan jelas dalam Ams 1:2-7: memberi hikmat dan pengertian mengenai perilaku yang bijak, kebenaran, keadilan, dan kejujuran (Ams 1:2-3) sehingga orang yang tidak berpengalaman dapat menjadi orang bijak (Ams 1:4), kaum muda dapat memperoleh pengetahuan dan kebijaksanaan (Ams 1:4), dan orang bijak bisa menjadi lebih bijak lagi (Ams 1:5-6).Sekalipun Amsal pada hakikatnya adalah buku pedoman hikmat untuk hidup dengan benar dan bijaksana, landasan yang diperlukan oleh hikmat tersebut dinyatakan dengan jelas sebagai "takut akan Tuhan" (Ams 1:7)( Alkitab Sabda ).Bgaian bahan renungan kita ada didalam Pasal 1-7 yang secara garis besar berisi mengenai bagaimana menjadi bijak, hidup benar dan tidak menjadi orang bodh atau fasik (Alkitab Edisi Studi). LAI memberikan judul pasal 3” Berkat dari Hikmat” Pasal 3 dimulai dengan kata “anaku” ini menunjukan sebuah keadaan Penulis menempatkan atau membuat gambaran anak sebagai yang belum memiliki hikmat, pengetahuan dan juga pengenalan akan Allah.Ini bisa saja menunjuk secara langsung kepada anak secara fisik tetapi bisa juga bagi orang yang baru mengenal Allah. Kemudian penulis menegaskan atau menyampaikan secara lugas dan jelas sebagai anak yang kurang pengalaman kurang memiliki hikmat harus melakukan beberapa hal supaya memperoleh hikmat. Pada ayat satu juga jelas ditekankan “ biarlah hatimu, dengan segenap hati” ini mau menekankan dengan sangat jelas bahwa semua dilakukan dari hati yang paling dalam dan dengan kesadaran bukan paksaan dan ini beberapa kali ditemukan dalam pasal ini termasuk ayat 5 sebagai awal khotbah kita. Dalam ayat 5-10 ada beberapa hal yang harus dilakukan yaitu: Salomo mengajarkan supaya percaya kepada Tuhan. Nasehat yang disampaikan Salomo bukan tampa alasan. Tentu Salomo juga sudah mendengar, melihat dan mengalami bagaimana Tuhan yang maha kuasa sudah menyertai bangsa Israel baik pada masa sebelum Salomo dan juga masa Salomo .Kata yang diterjemahkan percaya jika diterjemahkan adalah terbaring tak berdaya, telungkup, Menggambarkan seorang pelayan yang siap untuk perintah tuannya, siap mematuhi.Percaya ini tidak memandang situasi dan keadaan, setiap situasi dan keadaan tetap percaya kepada Tuhan(Tidak bergeming)(Enduring Word). Dan jangan bersandar kepada pengertian sendiri. Seberapa hebat juga pengertian dan pengetahuan dari manusia tetap terbatas karena keterbatasan itu pengertian itu harus diletakan dalam pengertian dan hikmat yang datangnya dari Tuhan. Yang kedua yang dilakukan adalah mengakui Tuhan dalam setiap tindakan atau laku yang dilakukan Dengan melakukan hal tersebut maka jalan atau cara kita didalam melakukan segala sesuatu itu akan seturut dengan kehendak Tuhan dan searah dengan tujuan yang hendak dicapai oleh Tuhan. Kehendak Tuhan itu tentu seturut dengan perintahnya dan firmannNya.Ini juga memberikan pengertian bahwa kita bisa melakukan karena Tuhan yang memberikan kemampuan bagi kita yang terbatas(6). Invocatio kita juga mengajari kita untuk melakukan segala sesuatu itu bukan karena hal besar tetapi selain dari hati penulis Lukas mengajari kita memulainya dari yang kecil untuk melakukan segala sesuatu sesuai dengan kehendak Tuhan. Kecil artinya yang kita mamapu, kecil bukan dalam arti sepele, kecil dalam arti juga supaya kita mencoba sehingga bisa belajar dan memiliki kemmampaun akhirnya menjadi sebuah kebiasan dan mengmbangkan diri(Lukas 16:10) Kemudian dilanjutkan lagi dengan larangan yang kedua yaitu supaya jangan menggap diri kita bijak sama dengan bersandar kepada pemahaman sendiri tetapi tetaplah takut kepada Tuhan. Salomo meminta tetap hidup seturut dengan kehendak Tuhan sebab dengan demikian maka kehidupan kita akan dijauhkan dari kejahtan dan juga dosa yang tidak berkenan bagi Tuhan.Ketika kita melakukan yang diperintahkan didalam ayat 5-7 maka di ayat 8 kita akan memperoleh kesembuhkan tubuh dan kesegaran tulang. Jadi hidup percaya mengandalkan Tuhan membuat kita hidup didalam damai sejahtera. Kita juga akan hidup merasa aman dan tidak ada didalam ketakutan dan juga kekhawatiran. Tuhan akan menjamin kehidupan kita. Tetapi sebaliknya jika kita tidak mengandalkan Tuhan maka kita akan selalau merasa khawatir dan jika kita mengandalkan kebijakan kita maka kita bisa saja jatuh kedalam dosa tentu kita selalau merasa ketakutan dampaknya juga akan dirasakan olej fisik kita ( Mzm 51:10).Di ayat 9 Salomo beralih dari manusianya kepada apa yang dimilikinya. Memuliakan Tuhan dengan harta, dengan hasil pertama dari segala penghasilan. Memuliakan Tuhan dengan memberikan yang terbaik. Buah sulung adalah sebuah gambaran yang terbaik dan yang utama. Kita memberikan buah sulung kepada Tuhan merupakan gambaran mengutamakan Tuhan sekaligus bukan memberi dari yang sisa sisa.mengutamakan Tuhan juga kita lihat dari bagaimana seorang janda miskin memberikan persembahan dari kekurangnya dan dari harta yang hanya itu ia miliki. Tentu ketika ia berani melakukanya juga didasari oleh pengenalanya akan Tuhan. Bahwa Tuhan adalah sumber dari segalanya dan Tuhan mampu melakukan segalanya bagi hidupnya dan percaya bahwa Tuhan yang akan mengatur segalanya. Ia tidak bersandar kepada pemahaman manusia tetapi ia bersandar kepada hikmat manusia. Sebab jika hikmat manusia pasti ia tidak akan memberi, pasti ia mementingkan mulutnya dan tubuhnya untuk diberi makan dari pada memberi kepada Tuhan. Hal ini dilakukan Yesus untuk menegur orang kaya yang memberi persembahan dari kelimpahanya. Jadi ketika kita memberi buat Tuhan jangan kita membuat alasan dengan kondisi dan keberadaan maka memberi. Tetapi bagaimana juga kondisi kita hormatilah Tuhan dengan keberadaan yang kita miliki. Dan ini juga merupakan sebuah pengakuan Tuhan yang memberikan dan Ia juga mampu memberi lebih lagi dan lagi.kemudian Salomo kembali mengingatkan apa yang bisa Tuhan lakukan dan yang bisa diperoleh oleh orang yang memulikan dan menghormati Tuhan.Sehingga lumbungmu akan terisi dengan berlimpah limpah dan bejana pemerahmu meluap dengan air buah anggur. Tuhan memberkati dan berkat tersebut tidak henti hentinya. Pada masa itu banyak laumbung dan juga air anggur melambangkan diberkati dan sukses. Dan pada masa ini tentu hal ini bisa melambangkan seluruh aspek dari kehidupan manusia. Sebab kita tahu Tuhan mampu memberikan berkat apa saja buat kita anak anaknya. Tuhan kita maha kuasa dan maha bisa dan juga mengetahui tentang apa yang kita butuhkan.Pada ayat 10 ini juga sekaligus Salomo mau mengatakan hanya Tuhan yang mampu melakukan itu bukan tuhan tuhan yang lain.

Aplikasi

Paulo Coelho dalam kalimat bijaknya mengatakan “ penghormatan adalah untuk mereka yang pantas mendapatkanya, bukan untuk mereka yang menuntutnya” Dari kalimat bijak ini kita dapat melihat bahwa ketika kita menghormati seseorang atau juga Tuhan karena jelas layak untuk mendapatkan kehormatan. Dan ini juga berkaitan dengan pengenalan kita akan yang diberikan hormat tersebut. Pengenalan kita akan membawa hati kita kepada sikap yang hormat. Sebab jika kita mengenal yang dihormati itu layak dihormati maka kita akan menghormatinya tetapi jika kita mengenalnya tidak layak dihormati walau ia menuntut kita tidak akan menghormatinya. Dari ketiga bahan alkitab kita pada pekan penatalayan hari/malam keempat ini kita dapat melihat ada beberapa hal menjadi perenungan buat kita yaitu:

  1. Sikap hormat kepada Tuhan itu muncul karena pengenalan kita yang benar akan Tuhan hal ini jelas sekali ditekankan didalam bahan khotbah kita oleh Salomo. Ia meminta kepada orang yang kurang berpengalaman orang yang kurang kenal akan Tuhan supaya mengenal Tuhan tersebut. Dengan pengenalan itu maka akan muncul rasa hormat dan kagunm akan kuasa yang dimiliki oleh Tuhan tersebut. Jelas Salomo membandingkan apa yang dimiliki oleh manusia termasuk pengertian dan juga pengetahuanya sehebat apa juga manusia itu sangat terbatas dan berbanding sangat jomlang dengan hikmat dan kuasa dari Tuhan. Dengan pengenalan tersebut maka manusia akan menyadari siapa dirinya dan dengan kesadaran dari hati akan melahirkan sikap menghormati Tuhan.
  2. Sikap menghormati Tuhan itu bukan paksaan, bukan formalitas tetapi datangnya dari hati kita yang paling dalam dan dengan kesadaran bahwa Tuhan memang layak untuk dihormati dan dimulikan. Dan perlu juga kita pahami bukan karena kita memulikan atau menghormati Tuhan maka Tuhan itu mulia dan terhormat. Tuhan memang mulia dan terhormat tampa kita menghormatinya. Bukan kita penentu kemuliaan dan kehormatan Tuhan tetapi Tuhan sendiri.
  3. Wujud kita kagum dan menghormati Tuhan itu diwujud nyatakan dalam   semua aspek kehidupan yang kita miliki. Baik di dalam ibadah, baik di dalam pergaulan baik didalam pekerjaaan dan juga dengan memakaikan apa yang kita miliki. Semua kita bisa melakukanya sebab bukan dengan perbuatan besar maka kita menhormati Tuhan tetapi kita juga memulainya dari perbuatan perbuatan yang kecil. Salomo secara jelas mengatakan bagaimana kita memulikan Tuhan dengan memberikan persembahan kita kepada Tuhan.Pengenalan yang benar akan Tuhan juga mengajari kita untuk memberikan seturut dengan kehendaknya. Semua bersumber dari Tuhan dan kita hanya memberi dari yang diberikanya maka berilah yang terbaik buat Tuhan. Dan lebih luas lagi bukan hanya buat Tuhan tetapi ketika kita menghormati sesama kita dan memperlakukan mereka dengan baik dan benar sebenarnya kita sudah menghormati Tuhan sebab mereka juga adalah ciptaan Tuhan.
  4. Jangan kita menghormati Tuhan untuk mengejar berkatnya walau dalam bahan khotbah kita dari kitab Amsal jelas dikatakan bahwa orang yang menghormati Tuhan bahakan dengan memberikan persembahan maka lumbungnya akan dipenuhi dan anggurnya tidak akan habis. Hormatilah Tuhan karena ia layak dihormati diberkati dan tidak diberkati kita seharusnya selalau menghormati Tuhan sebab Tuhan yang menjadikan langit dan bumi dan juga isinya termasuk kita. Jika kita ketika diberkati hanya menghormati Tuhan maka ketika Tuhan tidak memberkati maka kita akan meninggalkan Tuhan.

Kesimpulan

Pengenalan yang benar yang benar akan Tuhan membawa kita kepada sikap menghormati yang benar dari semua aspek kehidupan kita sebagai orang percaya. Tuhan mulia dan terhormat bukan karena kita menghormati atau memulikakanya. Penentu kemulian Tuhan bukan kita tetapi Tuhan sendiri.

                                                                  Pdt Luter Efrata Girsang-Runggun Depok Lenteng Agung

SUPLEMEN PEKAN PENATALAYANAN GBKP TAHUN 2024-WARI III, KHOTBAH PERBAHANEN RASUL 2:43-47

Invocatio  :

E maka ola kam mela ersaksi kerna Tuhanta; bage pe ola kam mela kerna aku si ipenjaraken erkiteken Kristus. Tapi buat baginndu i bas kiniseran guna Berita Si Meriah bagi ibereken Dibata man bandu gegeh guna si e. (2 Tim 1.8)

Ogen :

Josua 24.14-15

Tema :

ERKEMALANGEN MAN DIBATA

 

A. BENA KATA

Tema kata Dibata ibas wari ntah berngi sipeteluken Pekan Penatalayanenta nina: Erkemalangen man Dibata janah enda ikawitken ras uga kita jadi terang bas gereja. Erkemalangen ertina ernalem man Dibata, tek man Dibata, mengandalkan Tuhan dalam segala urusan kita. Adi bas Bahasa Indonesia nina: Takut Akan Allah.

Arah teluna komponen khotbahta bas wari sipeteluken enda ijelasi man banta uga kin erkemalangen man Dibata janah kai tanda-tanda ntah buah kalak si erkemalangen man Dibata.

B. PENJELASEN TEKS

Nats Khotbah: Perbahanen Rasul 2.43-47

  1. Ibas ayat 41-42 ope nats khotbahta enda maka kenca perisitiwa nusurna Kesah Si Badia, ajar-ajar ras kerina si pulung bas sada ingan i Jerusalem idemi Kesah Si Badia janah masing-masing ia ngerana sue ras cakap si ibereken Kesah e man bana. Nterem kalak naksiken peristiwa enda jenari ibas kesempaten e Petrus ngerana man jelma si nterem kerna Jesus eme si ipadanken Dibata si reh nebusi dosa manusia arah kematenNa i kayu persilang dingen ibas Jesus me lit keselamaten. Nterem kalak si megi kata Petrus e tek dingen mindo gelah iperidiken. I bas wari e lit kira-kira telu ribu kalak tambah ku bas perpulungen e. janah kai selanjutna ilakoken perpulungen si enggo tek man Jesus Kristus. Perpulungen e tutus megiken pengajaren i bas rasul-rasul nari. Nggeluh ia sikeleng-kelengen bagi si ersenina. Ras-ras ia ncepik-ncepik roti dingen ras-ras pe ia ertoto man Dibata.
  2. 2:43 Melala tanda-tanda sengget ras kejadin-kejadin si mejin ibahan rasul-rasul. Perbahan si e kerina kalak e erkemalangen man Dibata. Tanda sengget si ibahan rasul meneguhken BSM si isehken rasul-rasul, janah ulihna la saja erbahanca kalak megi-megi tek dingen ngaloken BSM tapi tanda sengget enda pe erbahanca perpulungen e erkemalangen man Tuhan, mbiar man Tuhan sabab idahna uga kuasa Dibata erdahin arah pelayanen rasul-rasul.
  3. Kai silakoken perpulungen e tandana ia erkemalangen man Tuhan eme pulung ras-ras. Kai silakokenna ibas ia pulung ras-ras eme megiken pengajaren rasul, ngorati kata Dibata sebagai palas kiniteken; jenari perpulungen e nggeluh berbagi, kai si lit ibas ia ipakena ras-ras; bage pe lit ka si ndayaken taneh ntah ertana jenari iberekenna man rasul-rasul gelah ibagiken man kalak sue ras keperlunna. Baik bas rumah bage pe bas rumah pertoton rusur ia kerina pulung. Janah perpulungen ibas persadanna lit ibas keriahen ukur, janah ipujina pe Dibata.
  4. Kai dampak man kalak sinaksiken cara geluh perpulungen si lit ibas sikeleng-kelengen e, dampakna, ulihna eme, tep-tep wari itambahi Tuhan ku perpulungen e kalak si iselamatkenNa.

Nats Ogen: Josua 24.14-15

  1. Ibas umur Josua enggo metua ipepulungna kerina kalak Israel i Sikem janah ngorati kerina kalak Israel ntah lit denga kin kai sijanjiken Dibata man nini-nini kalak Israel si langa igenepi Tuhan. janah kerina kalak Israel ngaloi maka Dibata enggo nehi kerina janjiNa man kalak Israel. 24:14 "Dage genduari," nina Josua ngumputi rananna, "pehagalah TUHAN janah sembahlah Ia alu tutus ate ras patuh. Pedauhlah dibata si nai isembah nini-ninindu i Mesopotami ras i Mesir, janah man TUHAN sajalah kam ersembah.
  2. 24:15 Adi la iakapndu mehuli ersembah man TUHAN , pilihlah sendah ise atendu isembahndu, dibata si isembah nini-ninindu i Mesopotami, ntah dibata kalak Amori si inganindu tanehna genduari. Ipepilihken Josua man kalak Israel apakah ersembah man Tuhan ntah man dibata-dibata si deban, tapi adi aku ras isi jabungku, TUHAN saja ngenca isembah kami." Josua mereken usihen si paguh maka ia ras isi jabuna Tuhan ngenca isembahna.

Nats Invo: 2 Tim 1.8

1:8 E maka ola kam mela ersaksi kerna Tuhanta; bage pe ola kam mela kerna aku si ipenjaraken erkiteken Kristus. Tapi buat baginndu i bas kiniseran guna Berita Si Meriah bagi ibereken Dibata man bandu gegeh guna si e.

Intina ijenda maka kita idilo gelah ola mela ersaksi kerna Tuhan subuk arah ngerana bage pe ncidahken biak-biak simehuli. Janah bas dahin ersaksi e banci jadi lit kiniseran si man hadapen tapi Dibata jine mereken gegeh gelah ngasup kita ngalakenca.

C. PENGKENAINA

Kai banci sirenungken arah kata Dibata enda ikawitken ras tema-ta bage pe jadi terang bas gereja:

1. Erkemalangen man Dibata.

Arah nats khotbah ndai si idah uga jemaat mula-mula, tek ia man BSM si ipeseh Petrus janah iberekenna dirina iperidiken bas gelar Jesus tandana ia tek. Tuhu-tuhu kal iendeskenna kerna keselamatenna ku bas perbahanen Dibata ibas perkuah ateNa arah Jesus Kristus. Tambah si e erkiteken isaksikenna tanda-tanda sengget si ibahan rasul-rasul ibas pelayanenna erteguhna ukurna erkemalangen man Dibata.

Ibas ogen pe siidah uga kalak Israel ras Josua erkemalangen man Dibata erkiteken enggo isaksikenna kiniulin Dibata eme maka enggo itepati Dibata kerina sijanjikenNa man nini-nini kalak Israel.

2. Kai tanda-tandana erkemalangen man Tuhan.

Arah komponen khotbah ndai teridah tanda-tanda kalak si erkemalangen man Tuhan: Pertama Dibata ngenca isembahna bas geluhna bagi Josua; pulung ia ras-ras guna ngorati kata Dibata, megiken pengajaren si isehken ibas bas paksa pulung; nggeluh si keleng-kelengen; nggit berbagi sada ras sidebanna seh maka la lit kalak si kekurangen.

Bage pe kalak si erkemalangen man Tuhan nggit erberita kerna BSM sekali pe erkiteken dahin e ndatken kiniseran, tek maka Dibata sendiri mereken gegeh guna ngasup terus naksiken BSM man kalak si deban.

3. Jadi terang bas gereja.

Geluh kalak si erkemalangen man Tuhan la banci lang jadi terang ia ibas gereja. Ertina cara geluhna sendiri eme cara geluh simehuli bagi siituduhken jemaat mula-mula seh maka kehadirenta bas perpulungen maba keriahen ras kemaalemen ate man teman-teman si deban.

D. PENUTUP

Bagi nina temata ndai kita idilo gelah nggeluh erkemalangen man Dibata, sabab Dibata enggo ncidahken keleng ateNa si mbelin man banta. Ibas Jesus enggo iberekenNa keterkelinen man banta. Janah ibas geluhta tentu enggo melala kal perbahanen-perbahanen simehuli bas Dibata nari si aloken. La lit dalanna kita la erkemalangen man Tuhan. Emaka mari dage sicidahken biak-biak tandana kita erkemalangen man Tuhan, geluhta jadi terang man teman-temanta ras kalak si deban. Amin.

Bujur ras mejuah-juah:

Pdt. Sahabat Perangin angin MTh

GBKP Rg Pd Gede

SUPLEMEN PEKAN PENATALAYANAN GBKP TAHUN 2024-WARI II, KHOTBAH EPESUS 6:1-4

Invocatio :

“Adi la lit si mperdiateken kade-kadena, terlebih-lebih keluargana, enggo ipersokenna kinitekenna. Jahaten me ia asangken kalak si la tek man Jesus Kristus” (1 Timotius 5:8).

Ogen :  

Masmur 133 : 1 – 3

Tema  :  

“Jadi Terang Ibas Keluarga”

 

Kata Perlebe

Shalom ras mejuahjuah man banta kerina. Bujur ninta man Dibata Bapa ibas Tuhanta Jesus Kristus si nggo naruhken kita seh ku wari peduaken Pekan Penatalayanenta. Bas wari pemena arah tema, kita ipersingeti ras iajuk gelah erdalan ibas terang si ibereken Tuhan. Seh kal perluna, pentingna ras prinsipna erdalan bas terang si ibereken Tuhan. Si eteh maka Tuhan Jesus kap terang doni (Joh. 8:12). Alu ngaloken Ia dingen ngikutken Ia me maka si datken terang kegeluhen. Kalak si ngaloken dingen ngikutken Tuhan lanai nggeluh ras erdalan ibas gelap. Kebalikenna, kalak si la nggeluh ras erdalan ibas Tuhan Jesus, ia tetap ibas gelap, ibas dosa ras kematen. Kenca kita nggeluh ras erdalan ibas terang Tuhan, emaka bas berngi peduaken enda kita ipersingeti sekaligus isuruh gelah jadi terang ibas keluarga. Guna si e mari erlajar kita arah Kata Dibata.  

Isi/ Penjelasen

Nats kotbah Epesus 6:1-4 eme Kata kerna Anak ras orangtua. Perlebe rasul Paulus ngajar ras menasehati gelah anak bas jabu ngikutken ajar orang tua. Peraten Tuhan kap maka anak ngikutken ajar orang tua. Si enda sue ras pedah pelimaken bas 10 pedah Dibata (Kel. 20:20; Ul. 5:16). 10 pedah Dibata ibagi kubas 2 bagin: sipemena engkelengi Tuhan Dibata (Pedah I seh IV). Peduaken, engkelengi teman manusia (Pedah V seh X). Pedah pelimaken: nghamati orangtua me pedah si pemena ibereken Dibata bas perentah lako engkelengi orangtua. Anak si ngikutken ajar orangtuana eme anak si nghamati orangtuana. Tuhan erpadan mereken kejuahjuahen janah ndekah nggeluh man kalak si nghamati nande-bapana (ayat 1-3). Jenari Kata Dibata ngerana man orangtua. Orangtua ipindo gelah ola mpesega-sega anakna si erbahanca ia merawa. Asangken mpesega-segasa, orangtua isuruh mpebelin-belin anakna alu ngajari dingen negu-negusa (didiklah) bagi si ngena ate Tuhan (ayat 4). Itekanken kal gelah orangtua ndidik anak-anakna sue ras si ngena ate Tuhan. Kai si ukuri, ibelasken ras isehken orangtua man anak eme guna ndidik anakna bagi singena ate Tuhan.    

Arah ogenta Masmur 133:1-3 ngajarken ras ngingetken pentingna kiniersadan ersenina/ turang. Seh kal ulina ras senangna kalak si ersenina (jabu) ersada perarih. Jabu si ersada perarih me jadi si ipasu-pasu Tuhan. Pasu-pasu Tuhan e desken minak wangi si meherga bagepe embun. Syarat jabu ndatken pasu-pasu Tuhan eme adi jabu ersada perarih ibas si ngena ate Tuhan. Ija jabu sada perarih, ije me Tuhan erpadan mereken pasu-pasuNa eme kegeluhen si la erkeri-kerin. Jenari arah invocatio, icidahken uga lagu langkah anak-anak Tuhan. Jabu si erdalan ibas terang Tuhan eme jabu si mperdiateken kade-kadena, terlebih keluargana. Kalak si la mperdiaten ras mpekena-kena keluargana nggo ipersokenna kap kinitekenna. Kalak si la mperdiateken keluargana kalak jahat kap. Jahaten kalak si bage asangken kalak si la tek man Jesus Kristus (1 Timotius 5:8).

Pengkenaina ras Kata Penutup

  • Lit terang ras lit gelap. Lit kalak nggeluh ibas terang. La sitik si tetap nggeluh ibas gelap. Aminna Tuhan Jesus selaku terang doni nggo reh ku tengah-tengah manusia, tapi la mahan bana kerina manusia erdalan ibas terang. Lit kalak tetap mpertahanken dirina nggeluh ras erdalan bas si gelap. Puji Tuhan kita si tek man Tuhan Jesus lanai nggeluh ras erdalan bas si gelap tapi ibas terang. Erdalan ibas terang si ibereken Tuhan ertina nggeluh bas kekelengen, ketuhu-tuhun, kebujuren, kemeteruken ukur, kepatuhen ras kesetian. Terang eme lambang kegeluhen, ketuhu-tuhun ras keriahen.
  • Tema: “Jadi Terang Bas Keluarga.” Tek man Tuhan Jesus selaku terang doni njadiken kita jadi sira ras terang man doni enda. “Bagi terang si seh kal perluna ibas gelap, bage pe kam nangdangi doni. Kuta si lit i das uruk la banci lang teridah” (Mat. 5:14). Terang Tuhan erbahanca kita jadi terang man doni enda. TerangNa e mabai kita ndarat bas si gelap nari jenari bengket ku bas terangNa si lanai langlang ulina. Sope kita jadi terang man doni si mbelang enda perlebe kita jadi terang ibas keluargata. Nina sada kata bijak, “Charity begins at home” (kebaikan mulai dari rumah). Sibenaken kiniulin ibas rumahta ras keluargata nari. Emaka marilah si cidahken terangta mulai bas jabuta sekalak-sekalak. Babalah terangta e ku tengah-tengah keluargata. Bahanlah terangta e tuhu-tuhu terang, erkinar dingen ersinalsal man anggota jabuta.
  • Kimaun ras megati labo kita jadi terang bas keluarga, justru jadi gelap. Si enda teridah arah bapa la engkelengi ndehara ras anak. Perbulangen la jadi imam si payo dingen mehuli bas keluarga. Nande pe la jadi terang bas keluarga sabab nggeluh la patuh man perbulangen, nggeluh hura-hura, nggeluh konsumtif ras konsumerisme. Orangtua la jadi terang bas jabu sabab isega-segana anakna si erbahanca anak merawa. La iajarina ras ididikna anakNa sue pengajaren Pustaka. Emaka mari bapa-bapa, jadilah terang bas jabu arah engkelengi anak jabuna dingen jadi imam i tengah jabu. O kam pernanden jadilah terang bas jabu arah patuh man perbulangen dingen jadi ingan tertande, ingan ndatken dame ras malem ate. Anak-anak pe jadilah terang bas jabu alu kam ngikutken ajar dingen mehamat man orangtua.
  • Jabu si ersada perarih labo pecah ras sontar bas arih eme jabu si jadi terang dingen erdalan bas terang. Bapa, nande ras anak nggeluh sada perarih. Orangtua sada arihna bas ngajari ras ndidik anak-anakna. Seri ras sada perayaken ras tujun orangtua (bapa ras nande) bas ngajari ras ndidik anakna. Emaka totoken, usahaken ras bina kal keluargata gelah nggeluh ersada perarih ibas Tuhan. Baba ras bahanlah jabuta jadi keluarga Dibata eme keluarga si ngelai ras mpermuliaken Dibata. Bahanlah ras didiklah keluargata erdiate, kepate ras erkeleng ate sada ras si debanna. Ola sempat kita ras anak jabuta la erdiate ras mperdiateken keluargana.
  • Kerina kita ermeriah ukur ras senang adi ikataken keluargata keluarga si ipasu-pasu, orangtua si sukses ras anak si sukses. Sada pe kita la ngarap jabuta ikataken keluarga si gagal. Orangtua si ikataken sukses eme orangtua si ngajari ras ndidik anakna erdiate, erkeleng ate, meteruk ukur, ersada ras si ergan pekepar. Anak si ikataken sukses eme anak si nggit megiken ras makeken kata ajar, si nehken kehamaten man orangtua. Orangtua ras anak-anak si bagenda me si ipasu-pasu Tuhan. Orangtua mpebelin-belin ras ngajari anakna ibas Tuhan me orangtua si ipasu-pasu Tuhan. Anak si megiken ajar orangtua dingen enghamati orangtuana me anak si ipasu-pasu Tuhan.

Pdt. Juris Tarigan, MTh-GBKP Rg Bogor

Info Kontak

GBKP Klasis Bekasi - Denpasar
Jl. Jatiwaringin raya No. 45/88
Pondok Gede - Bekasi
Indonesia

Phone:
(021-9898xxxxx)

Mediate

GBKP-KBD