PEKAN PENATALAYANEN WARI VI

Jumat 26 Januari 2018

Invocatio : “Aku kap TUHAN si nepa kam; si njadiken kam i bas bertin nari ras si nampati kam. Ola kam mbiar sabap kam kap suruh-suruhenKu, bangsa si Kupilih, kekelengenKu” (Jesaya 44:2).

Ogen        : Josua 1:1-9

Khotbah   : Matius 10:1-15

Tema        : Nikapken peminpin simehuli

1. Bena Kata

            Kebebasen si ibereken Dibata man manusia, salah sada banci icidahken arah uga kita banci memilih/ nikapken peminpin ibas kegeluhenta. Kebebasen si ibereken Dibata tentu berbeda nge ras kebebasen si lit ibas doni enda. Harus siangkai maka kebebasen si ibereken Dibata eme ibas ketergantungenta nandangi sura-sura Dibata, emaka kebebasen ngelitken peminpin pe bage ka nge. Bebas kita bertindak, bebas ibas memilih/ nikapken peminpin, tapi ibas kebebasen enda, silakoken alu singena ateNa ras proses pemilihen enda erbahanca ermulia gelar Dibata. Kebebasen si ilakoken manusia si lalit hubungenna ras Dibata, labo kebebasen kristiani. Emaka labo asal kita nikapken, asal memilih peminpin tapi lit nilai pertanggungjawapen man Dibata.

1. Isi

            Ibas perikop Matius 10:1-4 icidahken uga Yesus ndilo ajar-ajarNa si sepuluh dua kalak. Kenca Yesus ndilo kerina ajar-ajarNa, isuruhNa ajar-ajar si sepuluh dua enda berkat nehken berita keselamaten si enggo isaksikenna arah Yesus. Sebab tujun akhir ajar-ajar Yesus eme iutus jadi saksi Kristus. Ibas ayat 5-6 ikataken Yesus “ola kam bengket kubas daerah si labo kalak Jahudi ntah kuta-kuta kalak samaria, tapi dahilah kalak Israel biri-biri sienggo papak e”. Pemena Yesus nuruh ajar-ajar ku daerah kalak Israel, daerah sindeherna lebe. Banci si idah maka ibas pendilo ras pengutusen Yesus nandangi ajar-ajar memiliki tujun si khusus eme erkiteken enggo melala kalak Israel enggo papak kegeluhenna. Pengutusen Yesus jelas ras lit sasaren pengutusen emekap uga bangsa pilihen Tuhan/ bangsa Israel mulihi ndalani kegeluhen alu payo.

            Ibas ayat 7-8 nuduhken kai kin dahin ajar-ajar ibas meritaken kataNa: pepalem kalak sakit, pegeluh kalak mate, pepalem kalak gadamen ras pelawes setan-setan. Tugas enda jelas ras nuduhken maka lit kuasa si ibereken man ajar-ajar guna ndalanken pendilo nehken berita simeriah. Ibas ayat 9-15 nuduhken maka gegeh ras kuasa Dibata sierbahanca maka ajar-ajar ngasup nehken berita simeriah. Nehken berita keselamaten enda labo erkiteken gegeh ras sura-sura ajar-ajar, emaka labo perlu ernalem man kai si lit ibas ajar-ajar, kai iakapna si meherga si banci menunjang pelayanenna. ”Ola baba emas, pirak ntah tembaga, ibas perdalanen ola baba bekal, baju ose, sepatu ntah ciken”(ay.9-10). Enda nuduhken maka Yesus ersura-sura maka ajar-ajar tetap fokus ku bas erti ras makna pendilo si isehken man bana, labo erkiteken buena erta ras sikapna persikapen (mbue program) bas ajar-ajar emaka berhasil ibas pelayanenna. Yesus ngigetken kerina mulihken ku bas kiniteken si paguh “sebab kalak si erdahin patut ngaloken kai si iperlukenna. Ertina Dibata si memperlengkapi ras singkuhi simereken kepentaren, uga arus bersikap, muat sada keputusen ras la gampang menyerah. Seh maka ibas pelayanen ajar-ajar lanai kearun ate si mempengaruhi tapi ketetapen ukur si rehna ibas Yesus nari.

III.Pengkenaina

            Tema ibas wari peenemken enda eme “Nikapken peminpin si mehuli”, hal enda berkaiten ras prioritas pelayanen GBKP 2018 eme “menumbuhkan dan meningkatkan kesadaran warga GBKP dalam bidang politik, hubungan dengan masyarakat dan pemerintah”, alu sada tujun jadi aron Dibata simaba kiniulin Dibata. Nikapken peminpin si mehuli jadi salah sada tanggung jawab kerina warga GBKP, lanai zamanna kita tidak peduli, la muat bagin, golput ibas pemilihen. Pentingna nikapken peminpin simehuli sendalanen ras kai si ilakoken Dibata si membebasken bangsa Israel arah perbudaken Mesir. Sipemena ilakoken Dibata eme nikapken sekalak peminpin Israel, emaka ipilihna me Musa, emaka iperintahkeNa Musa menghadap Firaun, mindo gelah bangsa Israel banci mulih ku kutana, bagepe tupung Dibata membebasken bangsa Israel ibas penjajahan bangsa Midian, Tuhan mempersiapkan Gidion jadi peminpin guna nerang kalak midian.

            Kesadaren nikapken peminpin penting man banta sebab lit ungkapen: Bila kita salah makan makanan kita menyesal satu hari karena harus menahan sakit akibat salah makan, bila kita salah membeli baju, kita harus menunggu satu bulan pada waktu gajian untuk membeli baju baru, kalau kita salah potong rambut kita menyesal selama 2 bulan menunggu rambut kita tumbuh kembali, kalau kita salah memilih peminpin kita akan menyesal selama 5 tahun menunggu priodenya habis, apalagi peminpin itu salah mengambil kebijakan mungkin seumur hidup akan menjadi beban bagi rakyat akibat kebijakannya.

            Tupung Dibata memilih peminpin, Dibata lebih mementingkan kualitas, labo jabaten ntahpe kiniliten. Kualitas sekalak peminpin banci si nen arah rekam jejak sope jadi peminpin. Yesus nuruh ajar ku daerah sindeher, ku daerah Israel. Berkualitas/ mehuli ibas jabu, lingkungen ras sidebanna. Melala si idah peminpin ibas jabuna pe labo maba dame, bas kuta na pe labo mehuli, uga ngasup meminpin kalak sideban. Dibata ngatakenca “arus ipilihndu piga-piga kalak singasup jadi peminpin bangsa enda, kalak enda arus mbiar man Dibata, banci iteki ras la ngit ngaloken sogok”(Kel.18:21). Sada hal si utama ibas nikapken peminpin si mehuli eme sekalak peminpin arus lit ibas ia pusuh sibersih, sekalak peminpin arus mereken dirina nandangi kerina si ipinpinna labo hanya man kelompok tertentu. Secara sederhana peminpin simehuli arus lit ibas ia kemampuan untuk memipin (to lead), menuntun (to guide), mengarahkan (to direct), mengatur (to manage) ras mereken pengaruh (to influence). Dibata erngena ate man peminpin simehuli, nina Tuhan man Josua “Aku tetap ras kam, la ndigan pe kam ku tadingken, sabab kam kap si minpin bangsa enda guna ndatken taneh si enggo ku padanken (Jos.1:9). Peminpin simehuli ras benar iarak-arak Dibata ibas kegeluhenna. Mari radu ras kita nikapken/ menentuken peminpin si mehuli guna kiniulin kegeluhenta.

Pdt Rena Tetty Ginting, S.Th

GBKP Bandung Barat

PEKAN PENATALAYANEN GBKP Wari IV

Rabu 24 Januari 2018

Invocatio : “Persingetilah ia kerina gelah patuh man pemerentah ras sierkuasa, ibegikennalah katana dingen nggit ndalanken kerina dahin si mehuli” (Titus 3:1).

Ogen      :      Masmur 72 : 1 – 4

Khotbah :      Roma 13 : 1 – 7

Tema       :      Pemerentah e me Persuruhen Dibata

Uraian dan Penjelasan :

Geluh kalak si tek la banci lang lit ibas kepkepen sada kekuasan. Kekuasan sini maksud ijenda e me sada pemerentahen si ganjangen asa kinata geluh manusia selaku rayat si nggeluh iteruh kuasa pemerentahen e. Arah kekuasan pemerentahen iaturken kecibal perdalanen geluh manusia gelah tuhu-tuhu mehuli dingen ratur. Sabab ibas kuasa pemerentahen e lit aturen ras alat (perangkat) guna ndalanken kekuasan ras tindaken guna kiniraturen. Kiniraturen e rulih arah dua dampar sibiakna ngelakoken perbahanen si mehuli ras bagepe ipepayo kubas perbahanen si jahat. Si mehuli tanda kepatuhen nandangi pemerentahen, si patut ndatken pujin entahpe penghargan (ay 3). Tapi si la patuh nandangi kekuasan pemerentahen e la banci lang arus ibereken pengukumen (ay 4b) erkiteken ngelakoken biak si jahat erkiteken la patuh ras la mehamat nandangi kuasa siterganjangen si ndalanken kuasa pemerentahen e. Enda me pemerentahen si biakna guna kiniraturen nggeluh ibas doni enda.

Ibas kata exoisia (Yunani), potestas (Latin) ertina kekuasan, penguasa (bentuk jamak yaitu para penguasa) – dalam terjemahan BIS menggunakan kata exousiais menjadi pemerintah yang menunjuk pada suatu kuasa yang melebihi, yang berada di atas, atasan. Ibas bagin surat Paulus ijenda nuriken hal simbaru si arus ipatuhi kalak Kristen si ni peringeti Paulus ibas bagin 12 : 14 – 21, kerna hubungen kalak Kristen nandangi kalak iluar keersadan ibas perpulungen kalak Krsiten e. Termasuk kalak sindalanken kuasa pemerentahen. Maka selaku kalak Kristen arus ncidahken ras ndalanken kepatuhenna nandangi pemerentahen, sabab ise pe labo banci pulah ibas kekuasan e nari. Gelah ola lit pengakap selaku kalak Krsiten ibebasken ia ibas tuntuten entah pe aturen sini bereken pemerentahen si la erndobahen nandangi ise pe.

Pedah ibas surat Paulus man kalak Kristen kerna kepatuhen man kuasa pemerentahen eme sada kuasa siterganjangen (kuasa si idas nari), ijemba ibas palas kegeluhen kalak Israel nari menaken litna kuasa pemerentahen kerajaan Israel si ipinpin sekalak rajana. Pengogen ibas Masmur 72 : 1 – 4 ibas Salomo nari, ningetken masa kegeluhen Israel iteruh kepempinen raja Salomo alu kepentarenna bekasna ia ertoto mindo man Dibata (I Raj 3:9), jenari terberita ia man bangsa-bangsa sideban (I Raj 4), erkiteken tole ibangunna Rumah Pertoton ingan Dibata ringan pusat penembahen Israel man Dibata, si enggo isuraken dingen ipindoken raja Daud man Dibata, tapi ibereken Dibata maka anakna Salomo si banci mbangun Rumah Pertoton e (I Raj 5 : 5, II Sam 7: 12 – 13, IKro 17 : 12). Arah raja me ipetangkas sura-sura Dibata dingen rumah Pertoton e jadi penembahen man Dibata si mereken kekuasan man bangsaNa. Kuasa kepemimpinen raja labanci lang adil dingen bujur terlebih nandangi kalak simusil-musil. Ibas pertoton Salomo (ogen) kuasa Dibata ipetangkas arah kekuasan pemerentahen raja banci ngadili subuk raja sendiri bagepe rayat kerina si ni pinpinna.

Erkiteken si e Paulus ibas suratna enda mengklaim ngataken, maka kuasa pemerentahen si apai pe ibas doni enda ibas kerina penguasa nari, kerinana kuasa-kuasa e lit iteruh kuasa Dibata nari kap, janah kuasa e ibas Dibata nari kap rehna (ay 1). Ibas ndalanken pemerentahen ras kepatuhen nandangi kuasa e, tep-tep kalak arus patuh. Sabab kepatuhen e, eme kepatuhen man Dibata si mada kerina kuasa si lit ibas doni enda. Kepatuhen arus idalanken alu pusuh (psukhe –Yun, jiwa - soul) ibas kata pasa ertina tiap-tiap orang tep-tep kalak arus patuh. (Kata patuh identic dengan arti kata psukhe), seseorang menjadi tunduk (hupotassestho). Tidak terkecuali sindalanken pemerentahen e, bagi raja Salomo ndai nandangi aturen pemerentahen arah undang-undang singaturken pemerentahen Israel si rehna ibas Dibata nari.

Catatan Penulis untuk direnungkan :

1. Patut selaku warga gereja perpulungen, rayat ras masyarakat notoken si maba ras minpin pemerentahen selaku sierkuasa, dingen patuh (ibas pusuh nari) ndalanken kerina pengaturken ibas kuasa pemerentahen e nari.
2. Tetapi perlu juga dikritisi apakah seorang yang memerintah berkuasa benarkah dan sungguh patuh kepada Allah menurut agamanya. Mengetahui tata aturan dalam ketaatan beragama. Apalagi sampai pindah agama, perlu dipertanyakan dan direnungkan. Peminpin si kuga nge e sibanci saja rulih ibas paksana ia menjabat selaku pemerentah...

Penulis : Pdt Merry Tatuwo br Kembaren

Perpulungen GBKP Makassar

Pekan Penatalayanen GBKP Wari III

Selasa 23 Januari 2018

Invocatio : “Janah genduari enggo ipakendu manusia si mbaru. Kam genduari manusia si mbaru si tetap ipebarui Dibata si njadiken kam rikutken tempasNa jine. Tujunna e me gelah itandaindu alu serta Dibata” (Kolose 3 : 10).

Ogen     : Epesus 4 : 17-24

Khotbah: Kejadian 1 : 26-27

Tema     : Manusia eme tempas Dibata.

1. Tahun 2018 enggo sibentasi sedekah 23 wari. Ertina Kita enggo berbuat banyak sedekah 23 wari enda guna mpermuliaken Dibata bagepe erbahan simehuli nandangi temanta manusia. Emaka enggo banci sigejabken kuga Dibata ngarak-ngarak gerejaNa, bagepe pengarak-ngarak kita kerina sebagai perpulungen-Na.

Ibas Tahun 2018 enda GBKP mengangkat Thema Tahun Program eme, “ Menumbuhkan dan Meningkatkan Kesadaran warga GBKP dalam bidang Politik, hubungan dengan Masyarakat dan pemerintah”.

Kita tahu di tahun 2018 ini adalah tahun politik dimana ada 171 pemilihan Gubernur dan wakil, Bupati dan wakilnya juga wakilta dan wakil-Nya. Maka dari itu kita   sebagai warga Gereja dan warga Negara akan mensukseskan kegiatan pilkada di negara kita ini. Sebagai warga Gereja kita akan ikut memilih dan tidak menyia-nyiakan suara kita bagi daerah kita masing-masing.

1. Uraian Teks.

Kejadian 1 : 26-27 eme merupakan pendahin si terakhir ibas penciptaan ija kenca enggo ijadiken Dibata kerina sinasana, eme sebagai si ibutuhken manusia, emaka Dibata merencanaken ciptaan manusia. Lit perbedaanna. Ija adi Dibata njadiken kerina sinasana, hanya alu kata jadilah, tapi guna njadiken manusia maka nina Dibata “Sijadikenlah” ( Kejadian 1:26-27).

Hal enda ncidahken maka penciptaan manusia eme simulia, manusia eme segambar ras Dibata, bagepe harus lewat perencaaan, manusia enda me si erkuasa nandangi sidebanna, emaka harus alu rencana simatang, sebab ia me pagi siengkuasai kerina tinepa-tinepa sideban. Emaka Dibata njadiken manusia ndai dilakili ras diberu.

Arah bahanta   berngi peteluken enda ngigetken kita eme guna banci menyadari isekin kita enda, kita eme manusia si ijadiken Dibata dilaki ras Diberu si segambar ras Ia, emaka kujapape kita, maka kita ncidahken gambar Dibata nandangi doni enda. Erkiteken sie maka kita harus nuduhken cara-cara Dibata engkelengi kita nandangi kerina manusia (Bd. Joh 3:16).

Kehadirenta ku doni enda kepeken labo guna engkernepken/ memusnahken doni, tapi kita eme engkuasai arah kita engkelengi kerina si enggo ijadiken Dibata.

Baik sesama manusia bagepe ciptaan si debanna, sebab kerina tinepaNa e lit hubungen saling membutuhken, saling menopang emaka tanpa ciptaan sideban maka kita enda labo lit ertina. Manusia eme tinepa Dibata, dilaki ras Diberu, ngigetken maka kerina kita (dilaki-diberu) seri ilebe-lebe Dibata. Sebab tanpa dilaki labo lit ertina Diberu bagepe tanpa diberu labo lit ertina dilaki. Dilaki ras diberu saling membutuhkan ia, emaka enggo cocok (Kejadian 2:23a). Dilaki cocok/ payo man diberu ras diberu cocok man dilaki.  

Bagepe Dibata hanya mereken kuasa, gelah ngkuasai ciptaan sideban, hal enda ngingetken man banta maka kita la banci ngkuasai Dibata sebagai pencipta, ras la banci ngkuasai sesama manusia sebagai ciptaan si mulia.

Dibata eme Tuhan ras Juruselamat man manusia, kita eme sahabat sama-sama ipakai guna jadi agen-agen keselamaten si kerina idur Dibata nari.

1. Pointer
2. Kita manusia iciptaken seturut ras rencana Dibata . Ula sia-siaken maka kehadiran Dibata jadi terang.
3. Kita ibereken kuasa nguasai ciptaan sideban selain manusia, kelengilah aku mehuli.
4. Kita ijadiken dilaki ras diberu, kerja samalah alu mehuli guna menghadirken syalom.
5. Tahun 2018 eme Tahun Politik, manfaatken guna menghadirken kerajaan Dibata ibas setiap pemilihen ija kita tading.

Pdt Andarias Brahmana, S.Th

Ketua Klasis Jakarta-Kalimantan