PERSEMBAHKEN SI MEHULINA
(KEJ 4 : 3-7, HEBER 11 : 4)

Kata Perlebe
Persembahen eme wujud (bukti) kinihamaten si ersembah man si sembahen. Sebagai bukti kinihamaten, maka si nembah harus mereken persembahen si mehulina ras ibas ukur si meriah. Persembahen si mehulina labo saja inilai ibas kai siibereken kita, tapi pe itentuken alu motivasi kita mereken persembahen.
Uga kin ikataken Persembahen si mehulina si ngena ate Tuhan dingen meriah akapNa ngalokenca, ras persembahen si la negena ate Tuhan ras la ka meriah akapNa ngalokenca, mari erlajar kita arah bahan renungen perpulungen jabu-jabunta.

Isi
Kej.4:3-4a Persembahen Kain Ras Abil
Sada hal si perlu si contoh kerna keluarga Adam ras Hawa, eme ibas ia nuanken tanggung jawab mereken persembahen men Tuhan. Nuanken taggung jawab mereken persembahen ibas jabu, sekaligus nuanken man isi jabu e “ngakui kedaulaten (kuasa) Tuhan, Kinihamaten man Tuhan erbahan jadi manusia si tertib, ngasup ngataken bujur (ngergai perbahanen Tuhan).

Persoalen nggeluh ibas zaman enda, lania lit kehamaten man Tuhan, seakan-akan kai pe banci ibahan tanpa campur tangan Tuhan. Erkiteken sie mbue manusia nggeluh ibas “embang percuban”, adi sukses ndabuh kubas kesombongen sebab akapna ban kehebatenna (gegeh ras pemetehna), ras sebalikna adi gagal akapna ban liah ras kebodohenna (menyesali nasib). Tentu sie enggo bertentangen kel ras kai si ikataken ibas Rom. 8:28 “si mehuli ras si la mehuli banci maba kubas kiniulin”, tapi sebalikna man kalak si la ngakui campur tan Tuhan ibas kegeluhenna justru “ susah-senang erbahan dabuh kubas dosa.

Mbiasaken diri mereken persembahen mabai bana kita jadi pribadi si la “egosentris”, rukur rusur kerna untung rugi, emaka melala kalak terjebak jadi “preman rohani” mindo pasu-pasu Tuhan mesek-sek kel, tapi adi enggo ngaloken pasu-pasu la ingetna mereken persembahen pengataken bujur man Tuhan.
Bage me ibas renungenta enda Kain ras Abil enggo isuanken man bana karakter si ersembah (mereken persembahen). Kain mereken persembahen ibas hasil jumana nari, Abil pe mereken persembahen, igelehna biri-birina si pemena tubuh.

Kej 4:4a-7 Tuhan “Menilai” Kerina Persembahen Si Ibereken Man Ba-Na
Mereken persembahen man Tuhan, la cukup hanya terjeng memenuhi “tanggung jawab (kewajiben), sebab Tuhan “menilai” kerina persembahen si ibereken kita man bana. Emaka ibas nats enda ikataken “ngenan ate Tuhan man Abil ras persembahenna (ay.4b). Tuhan labo menilai “jenis ras jumlah” persembahen si ibereken man ba-Na. Labo erkiteken Kain merken hasil juma maka la ngena ate Dibata persembahenna, labo erkiteken Abil mereken anak sintua bas asuh-asuhenna maka ngenan ate Dibata man bana asangken Kain.

Memang sitik agak menarik nats enda guna si gar-gari, sebab adi si baca nats enda, seakan-akan “keberjuten Kain erkiteken persembahenna la ialoken Dibata. (ay. 5 “ tapi Kain ras persembahenna la ialoken TUHAN . E maka merawa ia, jutjut ayona perbahan nembehna atena”). Seakan-akan ijenda labo ban jut-jut ayona sanga mereken persembahen man Tuhan maka la ialoken Tuhan persembahenna, tapi sebalikna ban la ialoken Tuhan persembahenna maka jutjut ayona dingen merawa ia.
Adi si dramaken ia, banci nge siang kel ayo Kain sanga mereken persembahen man Tuhan, saja ngenca tehna persembahenna la aloken Tuhan maka isadarina labo banci kepe “terbuali” Tuhan alu senyumen, entah ayo si pesiang-siang. Sebab ijenda ituriken Tuhan terdauhen ibas ay. 7. Adi mehuli perbahanenndu, tentu cirem kam. Tapi erkiteken perbahanenndu jahat, dosa ngerimrim i lebe-lebe pintun. Ikuasaina atena kam, tapi kam arus naluken ia." Jelas informasi enda man banta maka ope denga Kain mereken persembahenna enggo lit “pergumulen bas pusuhna (bd. Dosa enggo nerimrim ibas pintun, TB : Tetapi jika engkau tidak berbuat baik, dosa sudah mengintip di depan pintu; ia sangat menggoda engkau”. Emaka ibas kain mereken persembahenna, cirem nge ayona, saja enggo mulai itakar-takarna asakai buena si harus ipersembahken, adi si dramaken. Enggo ibuatna asa siatena ipersembahkenna, jenari tatapna ka buesa ka akapna, emaka ikurangina ka, sitiksa ka akapna emaka tambahina ka, enggo ka mbuesa akapna emaka kurangina ka... tapi ayona cirem, saja cirem ayona e erkiteken banci ikapna Tuhan ipermainken.

Jadi ibas kita mereken persembahen man Tuhan, asa meriah ukur si “pemena turah ibas ukurta lanai banci ikuragi, saja adi itambahi tentu ermeriahna ukur Dibata ngalokenca. Bageka me pe Minggu-minggu enda kita mengketi “minggu Kerja rani”, si tetapken ukurta lako mereken persembahen kerja raninta erpalasken “kinihamatenta man Tuhan selaku ulu kerina sinasa lit” ibas kita. Emaka ope denga netapken asakai kerja raninta, babai lebe kerina anka jabunta “erbahan perenungen uga belinna pasu-pasu Tuhan man jabunta sada tahun enda” (ukurenna : asakai si enggo si pakaiken kerina pemere Tuhan “biaya nggeluh, biaya sekolah, gawah-gawah” ula ukuri asakai nari sisana sebab : Pemere Tuhan = jumlah si enggo pake + Sisa si lit ibas kita. Terdauhen pemere Tuhan e situhuna labo terkira kita sebab lit ka ge si enggo si pake fasilitas kegeluhen si ibereken Tuhan si bebas kita makesa (matawari, oksigen, udan rsd). Kenca ngukuri si bage tetapken asakai dage “metunggung persembahen kerja ranita tanda kita mehamat ras ngergai Tuhan. Ketetapen pertama si enggo ibahandu, ulanai ikurangi, tapi kenca iukurindu ka tambahni nari maka banci. Endame ikataken persembahen sebagai “korban” ertina enggo melala ibas jumlah tapi meriah akap merekenca erpalasken pengakun bas Tuhan nari kap kerina sinasa lit e. Situhuna asakai pe si bereken labo cukup nggalari kai si enggo ibereken Tuhan man banta. Emaka ibas mereken persembahen harus ibas ukur si meciho ras pusuh si meriah, sebab kita “ngulihken sada bagin si enggo ibereken Tuhan man banta”.

Heber 11:4 Palas Mereken Persembahen
Sada dilema adi kita encakapken persembahen si megati si pertentangken “jumlah ras keriahen ukur”. Lit si ngataken mbue gia sibereken persembahenta adi labo meriah ukurta, ma pangen sitik tapi meriah ukur, janah iboboti ka alu ayat Alkitab “Tuhan ngaloken persembahen ibas ukur si meriah labo paksaan. Si Lebih ekstrim ka adi negrana kita kerna persembahen nina ka perpulungen e, si pentingna bagi si kataken Roma 12 “endeskenlah kulandu man Dibata saja selaku persembahen si nggeluh” terjeng je pas dega tapi ibumbui perpulungen e ka , emaka labo “senta” Tuhan labo perlu sen, si perluken Tuhan eme kegeluhenta enda.

Megati si potong-potong Kata Tuhan e, erpalsken “kepentingenta”, labo ngukuri ukur Dibata. Emaka ibas kitab Heber enda iterangken man banta kai dage palas ibas kita mereken persembahen. Palas mereken persembahen e eme “KINITEKEN”. Adi tek kita, kita lit erkiteken Tuhan, kita nggeluh erkiteken Tuhan, kita erdahin erkiteken Tuhan, kita ndatken rezeki erkiteken Tuhan, kita sehat erkiteken Tuhan, maka enggo pas si kataken Paulus “Endesken kulandu man Dibata saja selaku peresembahen si nggeluh” ertina totalitas kegeluhen jadi persembahen man Tuhan. Tapi labo bagi singuda-nguda anak perana paksa kasmaran, reh nina sekalak anak persana tare temanna :”Aku serahkan seluruh hidupku kepadamu, hujan badai akan kuhadapi, mati di ujung keris aku rela demi si hitam manis”, reh ka nina si nguda-ngida ndai : “oh setianya dikau mas, aku tersajung mendengarnya” je nina singuda-nguda ndai “adi kerina kel kegeluhenndu e endeskenndu man bangku bang, tukur si tik pisang goreng ah yah ”, mis ka nina si dilaki ndai : “eh ula dek mbatuk kam kari pisang goreng ah mbue kel minakna. Mis ka ialoi singuda-nguda ndai :”ndai kuserahkan hidupku kepadamu” nindu gombal, pisang goreng saja pemberatsa nge akapndu.... ah enggo me bang ‘putus saja kita”.

Kita pe megati nge ninta “Tuhan kupersembahkan hidupku, jadi persembahan yang hidup” , je bas kantong persembahen “kerja rani” pe pang denga kita namasa Rp. 50.000, persembahen 1X setahun. Payo denga kinlah e ? mari si renungken, adi payo siakap erpalasken kinitekenta terusken, sebab enda pertanggungjawabenna man Tuhan nge, saja adi lanai siakpa payo, ya berubahlah.

Jadi ibas merken persembahen enda harus erpalasken kiniteken, sebab adi erpalasken kiniteken tentu labo banci kita meros merekenca (labo bagi mere man pengemis, meriah siakap merekence erkiteken lalit siakap si kurang ibas kita).Mere ibas kiniteken “mereken si terbaik” alu pusuh si meciho ras kiniteken maka Tuhan ka nge si encukupken kerina kebutuhen geluhta.

Aplikasi
1. Mari arah kerja Rani enda si suanken kebiasan “mereken persembahen” man isi jabunta, emaka ibas pesta kerja rani, perlu ka kita melibatken anak-anak guna merken persembahen
2. Merkeken persembahen erpalasken kinitekennta kerna “pemeliharaan Tuhan nangdagi jabunta, netapken erpalsken “keriahen ukur Tuhan” ula keriahen ukurta saja si ukuri.
3. Berkenleah persembahen Kerja Ranita alu pusuh si dem keriahen, erkiteken Tuhan enggo masu-masu kerina pencarinta.

Pdt. Saul Ginting

GBKP Runggun Bekasi

Jadilah Warga Negara Sipatuh
(Daniel 6:1-4; Matius 22:20-22)

Kata Penaruh

Kalak Kristen eme ‘warga kerajan surga, tading itengah-tengah doni enda selaku warga ibas sada negara’. Selaku warga surga kita ipindo encidahken cara nggeluh “surgawi’ itengah-tengah doni enda. Ciri warga kerajan surga, eme nggeluh terstur (bagi Dibata teratur), nggeluh badia (bagi Tuhan Badia), Berkarya/erdahin (bagi Tuhan erdahin ras berkarya), nggeluh ibas dame (bagi Bapa Raja Dame), nggeluh sialem-alemen salah (bagi Bapa Raja Pegampun), ngukuri ras ndalanken si mehuli (bagi Tuhan si terus merancang nggeluh dame sejahtera labo kecelakaan), erdiate, ras si sampat-sampaten (Bagi Tuhan erdiate ras nggit berkorban gua keselamaten doni enda).
Selaku warga negara kita ituntut ngikuti kerina aturen-aturen si lit ibas egara ija kita nggeluh. Tek kita maka kerina peraturen ras undang-undang ilitken guna kiniraturen nggeluh. Lalit undang-undang entah peraturen-peraturen si itetapken ibas sada negara gelah negara e kacau ras hancur. Kualitas kiniteken (ciri nggeluh surgawi) teridah arah kepatuhenta nangdangi udang-undang ras peraturen-peraturen si enggo itetapken.

Labo kalak tek kita kalak si erkiniteken adi ibas negara pe labo kita memenuhi kewajibenta, apai ka adi kita terus menerus tersangkut kasus-kasus hukum, misalna nangko, korupsi, rubat, mpetureh perpecahen rsd. Aturen kiiteken ras aturen negara duana salig melengkapi mpesalang dalinta ku kegeluhen si rasa lalap (surga). Bagi si ikataken Jesus ibas Matius 16:19 Kubereken me man bandu kunci Kinirajan Surga. Kai si irakutindu i doni enda, i Surga pe enggo kap irakuti; kai si iosarindu i bas doni enda, i Surga pe enggo kap iosari." (bd. Mat. 18:18).

Emaka mari kita erlajar jadi warga negara si mehuli arah kata Dibata si jadi renungenta sendah

Niksiki Kata Dibata

Daniel 6:1-4 Jadi Pemimpin I Negeri Buangen
Daniel = Allah adalah hakimku. Tradisi mere gelar hampir seri kerina ibelang-belang doni enda. Gelar e labo saja sebagai lambag identitas lahiriah, tapi terkandung maka toto ras pengarapen, maka gelar e sentudu ras kepribadianna. Daniel= Allah adalah hakimku, terkandung makna maka ia sekalak pribadi si terus “inilai erpalasken kebenaren Tuhan”. Mabai bana maka kai pe si lakokenna harus sentudu ras isi pusuh Tuhan (hakim si menilai dirina).

Daniel eme sekalak anak perana kalak Israel ibas kesusuren raja ras si bayak (1:3). I akalk si sehat, mejile rupana pentar janah pedas nangkap pelajaren. Daniel eme kalak si patuh man keria aturen raja kecuali si berhubungen ras “kiniteken”.

Keberhasilen Daniel i negeri pembuangen la terlepas ibas pendahin Tuhan. Daniel membagun hubungen si “intensif” ras Tuhan (6:10). Buah persadanna ras Tuhan erbahan ia jadi pribadi si “cerdas ras terteki”. Tentu kata terteki ijenda ecidahken “kepatuhen Daniel” man kerina peraturen ras ketetapen bage pe peraturen-peraturen si enggo itetapken. Tetu enda me si igelari alu “warga negara si patuh”.

Kepatuhen man kerina aturen ibas negeri e, si erbahan ia ipercaya 1 ibas 3 siiangkat lako ngawasi pendahin 120 gubernur. Janah ibas kerina si erdahin e teridah maka ia me si menonjolna, seh maka sura-sura raja gangkat ia jadi wakilna (orang nomor 2) ibas kerajaan Darius.
Tentu adi ia la patuh man kerina aturen si berlaku, la mugkin ia iagkat jadi pejabat ibas kerajaan e. Kalak si la patuh tentu igelari “pembrontak” adi jadi pemberontak labo mungkin jadi pemimpin, ula padah pemimpin jadi warga pe labo atan, Pemberotak biasana jadi buronen adi tertangkap ihukum.

Jadi pejabat ibas negeri kalak si deban tentu labo mesunah, pasti lit rusur kalak si cemburu. Emaka berusaha kel kalak darami kesalahen Daniel, tapi erkiteken kepatuhenna man Tuhan si terintergasi kubas kepatuhenna man aturen-aturen kerajaan e, maka lalit kesalahen si banci ndabuhken ia.

Bage ka min kegeluheta ibas negaranta enda, kita harus jadi warga negara si patuh, kepatuhen e labo erpalasken “mbiar” kena hukumen, tapi kepatuhen e sbagai buah kiiteken. Patuh erkiteken mbiar erbahan kita terus ndarami peluang guna la patuh, emaka adi lit ije si njaga kita patuh tapi adi lanai lit si njagasa enggo kita erate-ate. Tapi kepatuhen erpalasken kiniteken, tentu kepatuhen erkiteken mbiar man Dibata. Lalit ingan doni enda si terligen man Dibata, alu bage katawari pe, ras ija pa pe kita encidahken kepatuhen.

Matius 22:20-22 “Bereken man Si Berhak”

Salah sada nilai si perlu si dalanken ibas kegeluhen enda eme “keadilen”. Keadilen e salah sada eme mereken hak man kalak si berhak. Berken man Kerajaan romawi kai si jadi hakna, janah bereken ka man Tuhan kai si jadi hak Tuhan.

Peristiwa enda eme salah sada usaha si lakoken kalak guna nidingi (ndarami kesalahen) Jesus. Memang sada penugkunen si menjebak man Jesus, apakah harus ngalar pajak etah lang. Sebab adi nggalar pajak man kalak non Jahudi (Kerajan Roma) berarti derajatna enggo lebih rendah asangken kalak “kafir” (Menurut kalak Yahudi). Tapi adi Jesus ngataken la banci nggalar pajak, maka ia enggo jadi “pembrontak” kerajaan, si konsekwensina, itangkap ras ihukum mate.

Jesus eme Tuhan si meteh kerina isi pusuh manusia, si ersura-sura nidingi ia, emaka ipidona selembar duit, emaka nina gambar sie si lit ibas duit e, Gambar ras kepala pemerintahen Roma. Emaka nina Jesus : “Bereken man pemerintahen Roma, kai si patut iberken man bana, janah berekenlah ma Dibata kai si patut ibereken man Dibata. Arah kata enda iajari Jesus kerina si megi-megi e, di samping ia erkiniteken man Dibata, si harus ka memeuhi kewajibenna selaku kalak si erkiniteken, maka ia pe warga ibas pemerintahen si sangana erkuasa, maka pemerintah si erkuasa e pe lit peraturen si ibahanna si arus ipatuhi, sebab adi la ipatuhi banci ngerehken hukumen.

Ponter Aplikasi

1. Doni enda eme panggung guna “mempertontonken” kinitekenta. Alu bage selaku kalak si erkiniteken kita harus encidahken kualiitas kinitekenta arah ndalanken kerina undang-undang ras peraturen-peraturen si lit. Singkatna jadi warga negara si patuh, cirina eme wajib pajak, ikut berkontribusi ibas pembagunen, baik pisik bage pe psikis.
2. Labo kalak banci tek maka kita kalak si erkiniteken si payo, adi kita terus berurusen ras “hukum”, nangko, korupsi, munuh, ngerampok
3. Selaku wearga negara si patuh, maka kita harus memenuhi kerina kewajibenta misalna mbayar pajak, ikut memerangi pinakit-pinakit masyarakat (sosial), judi, miras, narkoba, porstitusi rsd.
4. Mari sicidahken kualitas kinitekenta, arah kepatuhenta nangdangi undang-undang, peraturen-peraturen ras keputusen-keputusen pemeritah. Gejapkenlah kerina peraturen e mabai kita jadi pribadi si tertib, nampati kita guna ndatken kegeluhen si ras lalap. Setia ibas perkara si kitik ibereken perkara si mbelin, setia ibas urusen doni maka ibereken perkara surga.

Pdt. Saul Ginting

GBKP Rg. Bekasi

Thema : TUTUS ERTOTO NIMAI PADAN DIBATA

Perintah Yesus jangan meninggalkan Yerusalem disampaikan Yesus kepada murid-muridNya pada saat Ia akan pergi ke Sorga. Yesus melarang para murid meninggalkan Yerusalem sebab kelihatannya karena setelah menyaksikan kebangkitan Yesus mereka telah sungguh sungguh percaya dan penuh semangat serta keberanian untuk memberitakan injil. Mungkin para murid tidak sabar lagi untuk segera memberitakan injil. Karena itu kalau Yesus tidak melarang mereka meninggalkan Yerusalem maka murid-murid akan segera pergi meninggalkan Yerusalem untuk memberitakan injil ke kota-kota lain dan bangsa-bangsa lain, sebab besarlah suka cita yang mereka miliki.

Ay 8; Kamu akan menerima kuasa Kalau Roh Kudus turun atas kamu, supaya menjadi saksi tentang Yesus (bersaksi tentang Yesus). Ini bukan kalimat yang mudah diartikan, tapi (ay 12) murid murid kembali ke Yerusalem seperti perintah Yesus yang mereka terima (ayat 4) bahwa mereka tidak boleh meninggalkan Yerusalem supaya mereka menerima baptisan Roh Kudus. Dengan kembalinya para murid ke Yerusalem berarti mereka memahami dan mengerti dengan pasti pernyataan (perintah) Yesus.
Yesus memerintahkan para murid menanti kedatangan Roh Kudus, supaya pelayanan mereka disertai pertolongan Roh Kudus, sebab yang Yesus kehendaki supaya murid murid berhasil, sukses di dalam pelayanannya, murid murid tangguh menghadapi segala ancaman yang terus menerus membayangi penginjilan, supaya murid murid memenangkan pertarungan di dalam penginjilan.

Yesus telah memperlihatkan diriNya bangkit dari kematian dengan segala cara selama 40 hari supaya murid-murid percaya akan kebangkitan Yesus. Yesus telah membuktikan kuasa Allah yang menyertaiNya, yang mengerjakan kebangkitanNya. Yesus memahami keadaan murid-murid dengan melihat dan menyaksikan kebangkitan Yesus saja belum cukup memberi keberanian, kekuatan dan kesetiaan untuk memberitakan ijil, maka kepada murid murid Yesus menjanjikan Roh Kudus sebagai penolong yang akan menyertai mereka, yang akan membuat penginjilan para murid berhasil. Ada tantangan besar menanti pemberitaan para murid di dalam memberitakan injil, yaitu penolakan dan perlawanan dari anti Kristus, dari si iblis, hidup mereka akan terancam karenanya maka mereka harus diperlengkapi oleh penyertaan Roh Kudus.

Di dalam masa penantian turunnya Roh Kudus, antara Yesus naik ke sorga dengan janji turunnya Roh Kudus di genapi ada pertanyaan yang tidak terjawab pada saat perintah itu disampaikan Yesus; ada apa dan akan bagaimanakah keadaan para murid. Ada masa selang selama sepuluh hari dari masa kenaikan Yesus dengan turunnya Roh Kudus. Kita tahu masa penantian turunnya Roh Kudus itu mulai saat kenaikan Yesus ke Sorga sampai Roh itu dicurahkan kepada murid-murid Yesus lamanya sepuluh hari, sebab kita hidup di jaman sesudah peristiwa turunnya Roh Kudus itu terjadi. Tapi sejak Yesus menjanjikan turunnya Roh Kudus sampai Rog Kudus di curahkan para murid tidak mengetahui berapa lama penantian itu akan terjadi. Mereka harus tetap di Yerusalem, sementara Yerusalem berkecamuk, para pengikut Yesus tidak aman, kota itu mencekam. Para murid tidak boleh meninggalkan kota itu, mereka harus menunggu sampai saat Roh Kudus di nyatakan.

Mari kita bandingkan dengan masa penantian tiga hari dari kematian Yesus sampai kebangkitanNya. Kelihatan sekali dengan jelas, ketika penantian 3 hari kebangkitan Yesus para murid hidup di dalam ketakutan, mengurung diri dan karena ketakutannya mereka lupa janji kebangkitan Yesus pada hari yang ketiga. Mereka bersembunyi dengan penuh emosi dan di hantui kesedihan yang dalam, hanya itu laporan yang kita dapatkan dari Alkitab. Tidak disebutkan mereka berdoa, mungkin saja mereka tidak berdoa tetapi terus menerus meratapi dan penuh kecemasan serta merasa gagal dan menyesali telah sia sia semua yang mereka alami bersama Yesus. Di masa penantian kebangkitan itu tidak ada pemikiran yang gemilang, tidak ada ide yang baru dan tidak ada karya yang mereka tunjukkan tentang injil dan Kerajaan Allah. Kami tetap menduga karena mereka tidak berdoa, tetapi kesal, marah, atau mungkin benci dan takut, yang membuat mereka tidak menghasilkan buah. Karena melihat kematian mereka melihat kegagalan misinya tetapi sesudah melihat dan percaya kebangkitan Yesus sikap mereka menjadi berbeda, mereka bergiat di dalam doa, sebab mereka telah melihat kemenangannya di dalam kebangkitan Yesus.

Di dalam menanti turunnya Roh Kudus murid-murud disuruh menanti dalam waktu yang tidak disebutkan berapa lama penantian itu, bukan seperti menanti kebangkitan Yesus pada hari ke tiga sesudah kematianNya. Meski tidak disebutkan pada hari keberapa dari penantian itu Roh Kudus akan di curahkan, tapi murid-murid menunjukkan kesetiannya, sebab mereka telah menyaksikan kebangkitan Yesus. Menyaksikan kebangkitan Yesus sama dengan menyaksikan kemenangan yang pasti, membawa mereka kepada pengharapan yang pasti dan jelas. Karena itu mereka tetap ada di Yerusalem, yang mereka lakukan berdoa, berdoa bersama sama. Mereka semua bertekun dengan sehati berdoa bersama sama. Mereka dipersatukan menjadi tim yang tangguh di dalam doa yang mereka lakukan bersama sama. Mereka melawan ke egoisannya dan memperkuat timnya.

Oleh karena telah menyaksikan kebangkitan Yesus maka Petrus yang selalu merasa dirinya lebih baik dan hebat dari murid-murid yang lain telah meninggalkan keangkuhennya dan hidup bersama dengan murid-murid dan semua orang percaya dengan rendah hati. Tomas yang mengingini bukti kebangkitan setelah menyaksikan kebangkitan Yesus benar-benar terjadi membuat ia percaya dan setia kepada Yesus dengan sepenuh hati. Yakobus dan Yohanes yang dengan sembunyi sembunyi meminta posisi kepada Yesus kelak pada pemerintahan Yesus supaya mereka ditempatkan seorang di posisi kanan dan seorang lagi di posisi kiri Yesus tidak lagi mengincar posisi itu. Mereka semakin bersatu dan hanya bergiat untuk Pekabaran Injil saja.

Bertekun berdoa artinya berdoa dengan sungguh sungguh, bukan berdoa buang buang waktu. Kata sungguh sungguh (KBBI: tidak main-main; dng segenap hati; dng tekun. Kata bersungguh sungguh KBBI: berusaha dng sekuat-kuatnya (dng segenap hati, dng sepenuh minat). Mencurahkan seluruh hati dan kekuatannya, tekun dengan seluruh daya yang ada berdoa kepada Tuhan. Sehati; satu hati satu tujuan, bersama sama, menyatukan doa di dalam harapan yang sama pikiran yang sama dan bersama sama melakukannya.

Pertanyaannya selama kita berdoa dengan sungguh sungguh, sudah kah kita berdoa dengan sehati? Atau doa itu bagi kita hanya seperti membaca mantra. Mari kita melihat kekuatan doa para murid; tadi saya mempertanyakan bahwa di dalam masa penantian hari ke tiga Yesus bangkit para murid kemungkinan besar tidak berdoa, atau berdoa tidak dengan sungguh sungguh atau diantara mereka tidak ada kesehatian. Tapi di dalam penantian Roh Kudus mereka berdoa dengan sungguh sungguh, dan mereka melakukannya dengan sehati, sehingga dampaknya luar biasa; masalah atau persoalan belum selesai, situasi masih panas dan bergejolak tapi mereka tidak takut. Kesempatan penantian yang dibarengi doa yang benar itu membuat para murit dapat berkaria; mereka tidak diam, mereka tidak bersembunyi mengurung diri di dalam rumah seperti pada saat sesudah Yesus mati dan dikuburkan tetapi mereka beraktifitas, beribadah bersama sama orang percaya. Di ayat 15 disebutkan ada 120 orang yang setia berkumpul, memperlihatkan imannya. Mereka tidak takut, mereka setia menanti janji turunnya Roh Kudus. Para murid mempersiapkan "pasukan kristus" para penginjil yang siap bertempur. Mereka menyusun kembali kekuatannya, melakukan penyisipan, Judas yang telah memberontak dan mati mereka ganti dengan melakukan pemilihan antara Yusuf yang disebut Barnabas atau Yustus dengan Matias dan di dalam undi tersebut Matiaslah yang terpilih.

Di Kis 2:1 disebutkan, ketika hari Pentakosta (penta kosta adalah perayaan hari ke limapuluh sesudah paskah (Imamat 23:16) bagi orang Yahudi), mereka bersama sama merayakannya, tentunya di dalam rasa syukur dan pesta suka cita, lalu pada saat perayaan itulah Roh Kudus turun kepada murid murid dan penginjilai mereka mulai ke semua kota-kota dan bangsa-bangsa.

Pdt. Ekwin Wesly Ginting

GBKP Runggun Cikarang