Ogen : Epesus 4 : 7 - 16

Tema : Iranggut Dingen Ipersada (Sinergi dan Kolaborasi SDM Gereja)

Biasana orang tua meriah kel ukurna ngidah perkembangen ras pertumbuhen anak-anak itengah jabuna, baik perkembangen secara fisik, karakter, sikap, pemeteh ras pengetin terlebih ibas perkebangen kiniteken. Bage ka me Paulus arah nats Pjjnta sekalenda encidahken pengarapenna si mbelin kerna perkembangen perpulungen Epesus eme perkembangen kiniteken perpulungen si reh dewasana dingen reh bagesna pendaina nandangi anak Dibata janah dungna seh ku tingkat kedewasan Kristus si serta (ay. 13). Alu bage perpulungen e jadi perpulungen si paguh ibas ngalaken erbage-bage tantangen situasi nggeluh, la jadi perpulungen si mesunah ipengaruhi ras ijolah-joleken pengajaren sipapak siertentangen ras Kata Dibata (ay. 14).

Bage ka me arusna pe kegeluhenta selaku kalak sierkiniteken man Dibata, subuk secara pribadi bagepe secara persadan (gereja). Secara pribadi : reh dekahna kita jadi kalak Kristen reh paguhna min urat kinitekenta e, reh dewasana min kita ibas ngalaken erbage-bage tantangen ras kiniseran geluh enda, reh ngasupna min kita ngataken bujur man Tuhan ibas kerina paksa, reh pentarna kita ibas ngaloken ras menyikapi kerina keadaan kegeluhenta enda, lanai mesunah ipengaruhi pengajaren doni enda erkiteken lit prinsip ras gelementa ibas ndalani geluh eme Kata Dibata. Bagepe secara kegeluhen persadan itengah-tengah gerejanta : teridah min kedewasaanta alu ngasup nggejapken maka kerina kita eme ringring kula Kristus si irakut alu keleng ateNa, ngasup nggeluh ibas kiniersadan itengah-tengah kinierbagenta, ngasup mengelola konflik si lit ibas perpulungen seh maka tetap teridah kegeluhen perpulungen singgeluh ibas kedamen bagepe ngasup min gereja tetap encidahken panggilen keilahianna itengah-tengah doni enda alu pang tetap menyuaraken sora kebenaren [berbeda dengan dunia denga ketidakbenaran dan ketidakadilannya] dingen ngasup pe ngelaken keleng ate Dibata man kerina manusia ras isi doni enda.

Segelah kedewasaan ibas kegeluhen gereja banci tercipta ras teridah bagepe kiniersadanta selaku kula Kristus banci terwujud, lit piga-piga hal siperlu sirenungken ras silakoken eme :

• 7 - 8 : arus sisadari maka man banta sekalak-sekalak enggo ibereken Dibata kengasupen sue ras baginta sipatut iakap Kristus merekenca man banta. Enda me siharus sigali ras si siksiki ibas kegeluhenta. Ula sikataken maka la lit pemere ntah pe kengasupen siibereken Dibata man banta. Kita harus terus menggali ras niksiki kengasupen ras pemere Dibata si lit ibas kita. Dikune enggo sieteh kengasupen siibereken Dibata man banta, inget maka e iberekenNa erpalasken lias ateNa labo erkiteken tunggungta, beluhta, jagota ntah kengasupenta.
• 9 – 10 : kai siilakoken Kristus e jadi usihen man banta bagepe gereja selaku persadan.

*. IA nusur ku ingan simeterukna.

   Kiniersadan banci jadi sikune ipalasi kubas kiniteruken ukur, la mpejangjang biak-biak ras sura-suranta.

*. IA nangkih kuingan simeganjangna

   Kegeluhen perpulungen ras gereja arus naksiken kerna kemulian Tuhan, la lit ije si banci mpeganjangken baNa ntah merasa lebih dominan asangken kalak si deban.

• 11 – 12 : Kinierbagen pemere Dibata e jadi gegeh ras kebayaken guna saling ngelengkapi ras menyempurnaken sada ras sidebanna, labo segelah sipekitiken [labo ka guna ipertentangken ntah pe guna mpeganjangken diri]. Kerinana arus iranggut dingen ipersada jadi sada guna ndahiken dahin pelayanen eme majekken kula Kristus. Labo soal belin kitikna kengasupen siibereken Dibata sebab kerina seri ergana ibas IA.
• 15a : ngasup kita ngaloken kata tuhu sidem keleng ate dingen nggit ka pe nuriken situhu-tuhu sue ras kata Dibata. Salah sada ciri kalak sienggo dewasa ibas kiniteken ras karakter eme ngasup ngaloken kata tuhu si benar sebab ietehna maka kebenaren e mpegeluhken ia. Beda ras kalak lenge, si merincuh kel megiken kata tengteng si terjeng entabeh guna ibagiken tapi maba kematen.
• 16 : arus tetap si inget maka ibas persadanta itengah-tengah perpulungen/ gereja Kristus nge sijadi takal perpulungen e, emaka ku IA me i ranggut ras ipersada kerina ringring e. Keutamaan Kristus ras kemulianNa la banci igeser itengah-tengah pelayanen gerejanta, sura-suraNa dingen kemulianNa tetap jadi perayaken pelayanen gerejanta.

Pdt. Elba Pranata Barus-Runggu Sitelusada

OGEN : GALATI 5:13-15

TEMA : KELENG ATE MPETURAH PERDAMEN

(Hut RI pe-78 ken & Wari Perdamen Internasional)

Pendahuluan :

Kegeluhen manusia ibas zaman enda eme kegeluhen si sangat mengagungkan kebebasan/ kemerdekaan. Emaka nterem nge kalak genduari erpengakap maka kebebasen e itandai alu litna hak guna bebas ngerana ras ngelakoken kai pe sepanjang la “merugikan kalak si deban”. Semboyan “si penting labo kam ku ganggu, ntah pe lalit kalak si kurugiken” enda mekatep jadi alasen guna “membenarkan diri” gelah bebas ngelakoken kai pe.

Tapi bage kin situhuna “kebebasan/ kemerdekaan si sejati”? Teks ogen PJJnta enda nuriken maka “merdeka” ijenda labo berarti jadi alasenta guna ikuasai perukurenta secara manusia, janah bebas erbahan kai pe ateta. Tapi sebalikna, kebebasan e mabai dingen mengarahkan kita kubas keleng ate si njemba kita kubas kegeluhen si sampat-sampaten. Kemerdekaan Kristen eme kebebasen ibas dosa, si mabai kita guna lanai nggeluh ibas dosa, dingen nggeluh bagi ate-ateta, tapi nggeluh bagi singena ate Dibata. Enda me siijelasken Paulus arah suratna man perpulungen Galati enda, sekaligus mpersingeti kita, seh ija kita nggo ngergaken kemerdekaan siibereken Tuhan man banta dingen nggeluhkenca ibas geluhta sitep-tep wari.

Pendalaman Teks

Rasul Paulus mpersingeti perpulungen Galati, bagepe kita kalak si tek, maka kita eme kalak si nggo merdeka, erkiteken "...Kristus nggo mbebasken kita. Erkiteken si e tetaplah bagi kalak bebas, janah olanai kam nggit itindih pasangen bagi budak.” (Gal. 5:1).

Paulus ningetken perpulungen Galati kerna pengajar palsu si ngguluti perpulungen (5:10-12), si reh ibas Kalak Yahudi nari si ngajuk perpulungen kerna pemahaman kerna kerembaken ras Dibata eme arah ndalanken Undang-undang janah kerina arus isunatken lebe adi bengket kubas persadaan kalak si tek (3:1-2; 5:2-3). Intina, pengajar sesat singguluti i Galati enda ngajuk perpulungen gelah mulihken kubas legalisme Yahudi.

Kai ertina merdeka ? Merdeka, ertina lanai lit si nindih kita, pulah ibas belenggu; lanai terikat ntah lanai ikuasai dingen iperbudak. Tapi labo ka berarti adi nggo merdeka, bebas ngelakoken kai pe dingen nggeluh rate-ate. Konsep kemerdekaan ijenda berbeda ras konsep doni enda, emaka ipersingeti Paulus ijenda : “Tapi jagailah maka ola kebebasenndu e jadi alasen si erbahanca kam ikuasai perukurenndu secara manusia.”(ay.13 a). Persinget Paulus enda guna mereken pengertin si payo nandangi perpulungen Galati, subuk man kalak Kalak Kristen Jahudi si erpengakap maka syarat guna iperembakken ras Dibata eme arah ndalanken Undang-Undang Taurat. Sementara kalak Kristen si la Jahudi erpengakap maka kemerdekaan e jadi kesempaten guna nggeluh erbana-bana dingen bebas ibas aturen ras Undang-undang Taurat. Emaka itegasken Paulus maka lanai bo jadi soal, ersunat ntah la ersunat, tapi si pentingna eme erkiniteken man Kristus, janah kiniteken e arus teridah arah nehken keleng ate (ay.6). Kemerdekaan Kristen ertina bebas ibas ukumen dosa nari dingen nggeluh guna Tuhan. Kita lanai nggeluh iteruh sura-sura dagingta, tapi tetap nggeluh iteruh sura-sura Dibata dingen tetap jadi budak Dibata, bagi isehken Petrus ibas 1 Petrus 2: 16: “Nggeluhlah bagi kalak bebas; tapi ula bahan kebebasenndu nutupi si jahat, tapi nggeluhlah bagi budak Dibata.”

Selaku kalak si nggo ngaloken kemerdekaan ibas Kristus nari kai dage responta ? Piga-piga point si jadi renungan isehken Paulus ibas ogenta enda eme:

1. Kita arus jadi agen perdamen si ngasup maba perdamen ku sekelewetta erkiteken kita pe nggo iperdameken ras Dibata arah keleng ateNa.

Keleng ate Kristus mperdameken kita ras Dibata. Kita imerdekaken Kristus erkiteken keleng ateNa, janah keleng ate Kristus e mperdameken kita ras Dibata. Erkiteken si e kita rutang guna nehken keleng ate man kalak si deban dingen ‘siap sedia” guna jadi agen Dibata si maba perdamen ku sekelewetta, jadi “benang penjarumi” ija lit perselisihan ras perpecahan, alu bage mahan bana banci peturah perdamen ija kita hadir, labo sebalikna dekahen jadi “kompor” ntah pe “provokator” si erbahanca turah perang.

2. Kemerdekaan siibereken Dibata jadi kesempatan guna nggeluh ngelai Tuhan ras temanta manusia.

Kebebasen siibereken Dibata arusna jadi kesempatan dingen pengajuk man banta guna “maba pembebasen” man kalak si deban, alu nggeluh si sampat-sampaten. Ngergaken kemerdekaan si nggo ilakoken Kristus man banta mahan bana la ngasup kita ngidah temanta si “tertaban” ibas kiniseran, kesulitan ras perbeben si mberat. Kita si nggo imerdekaken idilo Tuhan dingen iajuk guna nampati, mereken serpang pulah man kalak si deban ibas kiniseran ras perbebenna nari.

3. Metenget nandangi orat geluh kalak si nggo imerdekaken Dibata !

Kalak si nggo merdeka arus njagai kebebasen ras kemerdekaan si nggo ialokenna e alu nggeluh bagi singena ate Tuhan. Tutus ngelakoken singena ate Tuhan eme wujud nyata ngergaken kemerdekaan Kristus e (bdk. Yoh. 8:32 “kamu akan mengetahui kebenaran, dan kebenaran itu akan memerdekakan kamu”). Kalak si nggo merdeka lanai nggeluh alu “hukum rimba”, si megegeh ndedeh si la megegeh, si atahen dingen sikaraten bagi rubia-rubia, tapi sebalikna nggeluh sikeleng-kelengen dingen si sampat-sampaten.

Kesimpulan :

Kemerdekaan si nggo sialoken selaku kalak sit ek, la terjeng kebebasen ibas dosa nari arah keleng ate Kristus, si nggo mperdameken kita ras Dibata. Tapi selaku warga negara Indonesia kita pe nggo ngaloken kemerdekaan, pulah ibas penjajahan ras penindasan bangsa si deban nari, janah enda pe tek kita bekas pemere Dibata (sue ras kai siisuratken ibas Mukadimah Pembukaan UUD 1945, Alinea ke-3. Ibas tahun enda siperingeti ka HUT Kemerdekaan Negara RI si pe-78 ken. Ibas kata “merdeka” terkandung dua pengertin, eme merdeka secara hukum (de jure) ras merdeka secara Fakta (de facto). Secara de jure kita memang nggo merdeka pada 17 Agustus 1945, ertina nggo 78 tahun dekahna, tapi secara de facto (kenyataannya) lit denga ijah-ijenda masyarakatta si lenga ngenanami kemerdekaan si tuhu-tuhu, terjajah denga secara ekonomi, jelas denga teridah nyata kesenjangan sosial, jurang pemisah antara si bayak ras si musil, terjadi denga ketimpangan ras ke-laadilan i bidang hukum. Uga nggo peranta, selaku gereja ras kalak si tek, ngidah situasi si bagenda si terjadi i sekelewetta?

Bagepe secara rohani, kita si nggo tek man Kristus, secara de jure kita nggo ibebasken ibas dosa nari, tapi secara de facto megati denga kita tertaban dingen mereken dirinta tertaban alu erbage-bage sura-sura daging ras sura-sura doni enda. Persinget Paulus, mari ula sia-siaken kemerdekaan si nggo sialoken e, semangat terus guna njagai kemerdekaannta e alu jadi agen-agen Kristus si ngasup mbebasken kalak si deban si lit isekelewetta alu keleng ata dingen si sampat-sampaten.

 Pdt Jenny Eva Karosekali - Runggun Harapan Indah

RUNGGU KERNA KEGELUHEN

Rut 4 : 1-12

Tidak bisa terlepas dari pasal 1 sampai pasal 3 tentang bagaimana kehidupan Rut bersama dengan mertuanya, bersama dengan orang yang ia kasihi suaminya, perjalanan kehidupan mereka yang begitu panjang ia harus meninggalkan daerahnya tapi ia memutuskan saat suaminya meninggal untuk percaya kepada Allah dan ia tidak sekedar percaya tetapi menuruh pengharapan pada Tuhan yang empunya kehidupan dan karena itu ketika kita membaca di pasal 4 :1-17 kita akan endapati bagaimana pertahanan iman yang dimiliki oleh seorang yang bernama RUT dalam sebuah ketaatannya kepada Tuhan yang ia  wujud nyatakan dalam tanggung jawab iman sebagai seorang anak mantu dalam kehidupan keluarganya ia begitu patuh dan dengar-dengaran kepada ibu mertuanya.

Dan ini menjadi kebanggan seorang ibu Naomi sekalipun ia harus kehilangan suaminya, anak-anak yang ia kasihi dan ia cintai, ia harus kehilangan Elimelekh yang menjadi sandaran kehidupannya. Tetapi ia tidak kehilangan pengharapan karena ia peracaya sekalipun suaminya telah dipanggil oleh Tuhan tapi ia masih memiliki anak-anaknya. Tetapi  juga saat anak-anaknya dipanggil oleh Tuhan, ia tidak kehilangan Tuhan tetapi ia masih memiliki pengharapan yang sama. Karena ternyata anak mantunya yang bernama Rut masih tetap setia bahkan ia rela tidak kembali kedaerahnya, untuk mengambil keputusan dan percaya kepada Tuhan. Sehingga Naomi tidak sendiri, ada Rut menantunya yang masih tetap setia. Kerajinan, keuletan, kerja keras yang ditunjukan oleh seorang Rut itu tidak hanya membuat ibu mertuanya bangga tetapi oranng-orang yang ada disekitarnya merasa  terberkati oleh kehidupan yang dilakukan oleh Rut.

Kalau mau dipikir, Rut awalnya seorang yang tidak percaya kepada Tuhan tapi saat ia mengggambil keputusan untuk tetap ada tinggal bersama ibu mertuanya dan tidak akan pernah kemana-mana, ia sungguh-sungguh percaya kepada Tuhan dan kehidupannya diberkati. Mungkin ada yang bertanya apa bukti Rut diberkati dari hasil kerja kerasnya, dari ketaatannya yang kita temukan kitab Rut adalah sebagai tanda bukti autentik yang mau dinyatakan bagi kita bahwa setiap orang yang betul-betul percaya kepada Tuhan yang taat melakukan kehendaknya tetapi juga dalam setiap kehidupannya ia rajin bekerja keras berupaya. Tidak dibiarkan Tuhan tetapi justru diberkati Tuhan. Siapa yang akan menyangka kalau Rut akan bertemu dengan Boas, si penebus yang tidak hanya memberi dia rasa aman, nyaman, tetapi Boas menjadi suaminya bahkan dalam satu kehidupan keluarga mereka dilahirkan, dihadirkan seorang anak bernama Obet dan dari keturunan ini sampai pada raja Daud.

Keterangan Alkitab di pasal 4 ini memberikan penjelasan bahwa Boas telah pergi ke pintu gerbang dan duduk di sana. Kebetulan lewatlah penebus yang disebutkan Boas itu. Lalu berkatalah Boas: “Hai saudara, datanglah dahulu ke mari, duduklah di sini.” Maka datanglah ia, lalu duduk. (4:2) Kemudian dipilihnyalah sepuluh orang dari para tua-tua kota itu, dan berkata: “Duduklah kamu di sini.” Maka duduklah mereka. (4:3) Lalu berkatalah ia kepada penebus itu: “Tanah milik kepunyaan saudara kita Elimelekh hendak dijual oleh Naomi, yang telah pulang dari daerah Moab. (4:4) Jadi pikirku: baik juga hal itu kusampaikan kepadamu sebagai berikut: Belilah tanah itu di depan orang-orang yang duduk di sini dan di depan para tua-tua bangsa kita. Jika engkau mau menebusnya, tebuslah; tetapi jika engkau tidak mau menebusnya, beritahukanlah kepadaku, supaya aku tahu, sebab tidak ada orang yang dapat menebusnya kecuali engkau, dan sesudah engkau: aku.” Lalu berkatalah ia: “Aku akan menebusnya.”

Apa yang pernah dijanjikan oleh Boas kepada Rut dan bersumpah dihadapan Tuhan itu tidak pernah akan dilanggar oleh Boas tetapi aturan, kebiasaan di Israel harus demikian, keluarga terdekat dari Elimelek yang akan menjadi hak untuk menebus apakah saat itu Boas putus asa? Tidak. Apakah Boas merasa gagal untuk mengangkat harkat dan martabat dari kehidupan dari pada Rut seperti yang ia janjikan ditempat pengirikan? Tidak saudara. Di ayat 5 Tetapi kata Boas: “Pada waktu engkau membeli tanah itu dari tangan Naomi, engkau memperoleh Rut juga, perempuan Moab, isteri orang yang telah mati itu, untuk menegakkan nama orang itu di atas milik pusakanya.” Jadi tidak sekedar menebus harta miliknya tetapi juga istri dari pada anak Elimelek yang masih ada yang tinggal bersama-sama dengan Naomi yaitu Rut dan ternyata Tuhan punya rencana diluar dugaan manusia, bagaimana Tuhan mau mengangkat harkat dan martabat kehidupan dari pada Rut untuk menjadi berkat bagi banyak orang tidak hanya keluarganya tetapi semua orang termasuk menjadi berkat bagi kita. Ayat 6 lalu berkatalah penebus itu: “Jika demikian, aku ini tidak dapat menebusnya, sebab aku akan merusakkan milik pusakaku sendiri. Aku mengharap engkau menebus apa yang seharusnya aku tebus, sebab aku tidak dapat menebusnya.”.

Tuhan mempunyai rancangan yang indah bagi kehidupan dari pada Rut dan Naomi. Boas sungguh menjadi berkat bagi kehidupan dari Rut dan Naomi. Apa yang telah ia janjikan di tepat pengirikan dijawab, didengar oleh Tuhan . Dan akhirnya segala harta milik daripada Elimelek termasuk Rut  menjadi milik dari pada Boas. Boas yang menebus, dan inilah tugas dari pada Boas mengangkat harkat dan martabat dari pada Rut termasuk Noami yang masih setia mendampinginya.

Tema PJJ minggu ini, Runggu kerna kegeluhen. Prinsipnya semua jika dibicarakan dengan baik, maka hasilnya juga membawa kebaikan. Tidak ada manusia yang tidak luput dari persoalan kehidupan, di masa lalu, sekarang, dan akan datang. Belum selesai kemarin, yang baru sudah hadir dalam kehidupan ini. Namun, semuanya bisa diselesaikan. Kita butuh orang lain dan tidak pernah merasa sendiri dalam setiap persoalan. Realita kehidupan buruk dan tidaknya semuanya diselesaikan. Melakukannya atau menyelesaikannya dengan Kasih Allah.