SUPLEMEN PA MORIA 21-27 AGUSTUS 2022, HAKIM-HAKIM 13:2-16

THEMA                 : TURIKEN KAI ARUS IBAHAN KAMI

BAHAN OGEN    : HAKIM-HAKIM 13:2-16

TUJUAN:

1. Gelah Moria meteh ndehara Manoah nuriken berita si ibegina i bas malaikat nari man perbulangenna

2. Gelah Moria terbuka i bas jabu kerna kai-kai pe


 

PENARUH

Pengalamen i salah-ertiken keluarga entah pe teman-teman si lit i sekelewetta mungkin jadi pengalamen si pernah ialami kita sekalak-sekalak. Di kune terjadi situasi sibagenda rupana tentu menimbulken ketidak-nyamanen sebab kerina dahin si ibahan kita banci itangkap berbeda ibas pemikiren kalak sideban. Banci saja motivasi kita ibas ngelakoken perbahanen si mehuli ipertanyaken, tole pe mungkin ka timbul kecurigaan ibas erbage hal si idahiken kita sehingga menimbulken atmosfir si negatif. Memang kondisi salah pengertian enda la bo terhindari kita ibas dinamika kegeluhen si tep-tep wari, amin bage gia situhuna salah pengertian enda banci nge iatasi/ iminimalisir alu membangun komunikasi ras keterbukaan baik ibas pendahin, pelayanenta, terutama ibas keluarga-nta sekalak-sekalak. Alu litna komunikasi si mehuli ras keterbukaan i tengah-tengah jabu, kita lebih saling memahami sada ras sidebanna, memiliki sada visi/ tujuan si jelas ibas ndalani kegeluhen enda. Tentuna bas jabu/ komunitas si saling memahami, banci igejapken dame sejahtera , kinitekenta pe turah, dingen ertambah ka gegeh kengasupen guna menghadapi persoalen kegeluhen sebab siangkan ras sitatang-tatangen kita sada ras sidebanna ibas

PENDALAMAN TEKS

Si jadi konteks kitab Hakim-Hakim si oge kita bas paksa enda, eme bangsa Israel iserahken Tuhan ku bas kekuasaan kalak Pilistin erkiteken kejahaten si ilakokan bangsa Israel i lebe-lebe Tuhan. Israel takluk iteruh kekuasan kalak Pilistin empat puluh tahun dekahna tentu labo guna ngkernepken bangsa enda, tapi ibas keleng ate Tuhan, masa-masa enda ipake Tuhan jadi sada masa pembentuken man bangsa Israel, segelah bangsa Israel jera ibas dosa-dosana nari; bangsa Israel tek maka kuasa Tuhan ngenca si banci mereken keselamaten man bangsaNa. Erkiteken keleng ate Tuhan nandangi bangsaNa, maka Tuhan mulahi bangsa Israel ibas kekuasan kalak Pilistin janah rencana keselamaten enda ibenaken lewat ketubuhen Simson i tengah-tengah jabu Manoah. Siidah maka bahan pengogenta enda nuriken kerna kecibal ndehara Manoah (si la tersinget gelarna) si la banci mupus (bdk. Ay.2) ija ibas kondisi si ianggap la sempurna enda, malekat Tuhan reh nehken berita meriah ketubuhan sekalak anak dilaki si bakal ipake Tuhan mulahi bangsaNa.

Ibas berita si meriah ku tengah jabu Manoah, lit piga-piga hal penting si perlu ijaga siisehken malekat Tuhan man Manoah ras ndeharana terkait ras ketubuhen anak ku tengah jabuna. Ibas proses penyampaian hal-hal si penting enda siidah maka bas jabu Manoah terbangun komunikasi si mehuli antara ndehara ras perbulangen. Kai si-ipeseh malaikat Tuhan man ndehara Manoah minter ka ituriken ndehara Manoah man perbulangenna (bdk. Ay.6). Ibas pola komunikasi si terjadi siidah maka labo hanya kejujuran saja, tapi tambah si e lit keterbukaan antara ndehara ras perbulangan ibas relasi tep-tep wari. Perlu sicatat bahwa kejujuren situhuna la identik/ persis sama ras keterbukaan. Ibas kejujuren, kita nehken kai situhuna si terjadi, kita la menutupi fakta, la erbual man kalak sideban. Keterbukaan sendiri lebih luas jangkauanna asangken kejujuren sebab adi kita terbuka ertina kita pang ras nggit nuriken pendapat, pemikiren, penggejapen, termasuk gejolak emosi si rasaken kita amin pe kai si gejapken kita e bukan merupakan sada hal si mehuli. Keterbukaan enda merupaken sada hal si perlu si pupuk ibas relasi sehari-hari segelah alu keterbukaan kita banci berbagi pandangan, berbagi guna ndatken solusi si mehuli tole nari kita pe semakin erpenandai/menjiwai pasangen, anak-anak bagepe teman-teman ta.

Siidah maka ibas keterbukaan si lit bas keluarga Manoah, keluarga enda ndatken pergegeh si luar biasa guna ersikap ngalo-ngalo ketubuhen anak i tengah jabu alu ngelakoken kerina si ipeseh malekat si njumpai ia duana. Pergegeh si idat keluarga Manoah berupa kengasupen guna njagai kegeluhen bagi singena ate Tuhan. Berdasarken budaya si lit bas paksa si e, kegeluhen jelma sinterem ndeher kal ras anggur entah pe jenis lau inemen si deban si erbahanca mabuk. Bage ka pe mengkonsumsi pangan si la bersih/haram si enggo leben ipersembahken man dibata-dibata si deban enggo iakap biasa. Tentu enda jadi sada perjuangen untuk banci ngaturken pola nggeluh si berbeda ras lingkungen sekitar. Apalagi anggur merupaken salah sada ulih sinuan si iusahaken bangsa Israel. Paksa seh musim pemetiken anggur, mejile ras mbue hasil anggur e seh maka banci morah ate si natapsa. Erkiteken lit keterbukaan ibas jabu maka ngasup Manoah ras ndeharana sitatang-tatangen ibas ndalanken sura-sura Tuhan si ipeseh arah malekatNa nari. La seh ije ngenca, tole nari komunikasi si mehuli erbahan ersada ka ukur Manoah ras ndeharana guna ertoto bagepe ersembah man Tuhan ibas kerina pengalamen kegeluhenna.

APLIKASI/PENUTUP

  1. Keterbukaan ras kejujuren banci terjadi adi lit rasa aman ras siteken ibas sada keluarga/sada komunitas. Tanpa lit rasa percaya ras pe rasa aman, labo mungkin banci situriken isi pusuhta secara terbuka sehingga kedekaten bagi siniarapken la terjadi. Perlu kita terus erlajar jadi pribadi si terteki sehingga banci kita meningkatkan kualitas relasi, kualitas komunikasi ras kualitas persadan i tengah-tengah jabu ras perpulungenta.
  2. Lit kiniteruken rukur bas dirinta bahwa kita bersedia nggeluh iteruh pimpinen ras sura-sura Dibata. Bagi kai si isehken Manoah; O Tuhan, suruh mulihken jelma i bas Dibata nari e ku kami nuriken kai si arus ibahan kami, kenca tubuh anak e (ay. 8). Lit kata” kami” pe i je si encidahken nggit ia erlajar ras-ras, mbegiken “arahan” bas Tuhan nari sierbahanca ietehna kai si arus ilakokenna ibas sura-sura Dibata nandangi jabuna. Bagi kai si ipeseh Manoah enda, kita selaku orangtua pe perlu tetap “bertanya” kepada Tuhan kai nge si perlu silakoken segelah ngasup kita mpebelin anak-anak ta ras ertanggungjawab nandangi keluarga si enggo ibereken Tuhan ku tengah-tengah kegeluhenta?
  3. Ibas kita membina relasi si lit ije keterbukaan sip indo ka hikmat kebijaksanaan bas Tuhan nari gelah lit ka pemeteh bas kita guna encibalken ranan , pikiren, masuken, rsd. bas paksa si payo ras alu cara si banci ialoken segelah keterbukaan enda la jadi faktor penghambat relasi, tapi jadi hal si membangun bas kegeluhen si tep-tep wari.

Pdt. Eden P. Funu-Tarigan, S.si (Teol)-Perpulungen Kupang

 

Info Kontak

GBKP Klasis Bekasi - Denpasar
Jl. Jatiwaringin raya No. 45/88
Pondok Gede - Bekasi
Indonesia

Phone:
(021-9898xxxxx)

Mediate

GBKP-KBD