SUPLEMEN PA MORIA 07-13 AGUSTUS 2022, PERBAHANEN RASUL 17:16-21
THEMA : MERINCUH KAMI METEHSA
BAHAN OGEN : Perbahanen Rasul 17:16-21
TUJUN :
1. Gelah Moria ngidah maka kalak Aten nggit megi dingen meteh kerna si mbaru
2. Gelah Moria nggit erlajar ras nemani bage pe ngawasi anak i bas erlajar
PENGANTAR
Lit sada ungkapen bijak ngatakenca: “Perubahan adalah sebuah keniscayaan yang tidak terhindarkan (change is inevitable).” Adi sipegermetken kerna situasi ras kondisi zaman si genduari terlebih kenca kita mengalami pandemi, tentu tangkas kel teridah man banta lit perbedaan cara nggeluh terlebih bas gaya hidup ras percepatan penggunaan teknologi. Genduari kita sangana lit bas era si igelari revolusi industry 4.0 ija iutamaken kecepatan ras ketersediaan informasi sehingga iterapken teknologi digital ibas erbage-bage dampar kegeluhen. La ngadi seh ije, iprediksi ku pudi wari enda, zaman masih akan terus berkembang alu sehna kita ku bas era revolusi industri 5.0 ija kemajuan akan semakin bertambah seh terbentuk super smart society. Tentu ibas perkembangen sibagenda rupana lit sisi positif ras negative si banci terjadi. Amin bage gia sada hal si perlu terus ilakoken ibas tantangan zaman eme mpesikap dirinta, keluarga khususna anak-anakta alu membuka diri lewat erlajar tentang erbage-bage hal sehingga ngasup kita ngalaken kerina perkembangen si terjadi alu payo, ras tetap ngelakoken si ngena ate Tuhan.
PENDALAMAN TEKS
Ibas pengogenta ituriken kerna Rasul Paulus si sangana ertima kerna kerehen Silas ras Timotius i Athen. Asum ia ertima iidahna maka terjadi politheisme si luar biasa ibas kuta e. Lit sada penafsir si ngatakenca maka lokasi Paulus ibas ia ertima enda eme sada ingan si memungkinken ia ngidah pemandangen kuta Athen ija patung-patung, kuil, bagepe ritual penyembahen meliputi kerina kuta enda. Ije turah atena nembeh (parwxuneto). Kata parwxuneto/nembeh ijenda seri ras kata si ipergunaken ncidahken pernembeh ate Dibata man Bangsa Israel si memberontak alu ersembah man dibata-dibata si deban (bdk. Yes. 65:2-3). Ibas perbahanen si la ngena ate Dibata enda Rasul Paulus merasakan dorongen guna mberitaken berita simeriah man kalak Athen gelah kalak enda pe erpenandai kerna Kristus ras nadingken penembahen man dibata-dibata si deban. Tentu enda jadi sada tantangen tersendiri menginget Kuta Athen enda terkenal sebage kota pendidikan kerna ije lit 4 sekolah tinggi filsafat si mapan. Sada hal si menarik ijenda siidah maka Rasul Paulus pe nggit terus erlajar kerna uga cara si tepat segelah berita si meriah enda banci iangkai kalak Athen. Biasana Rasul Paulus erbahan pengajaren i rumah pertoton/ Sinagoge kenca ia seh bas sada ingan, tapi bas pengogenta icidahken maka Rasul Paulus terus berusaha alu makeken kerina waktu ras kesempaten si lit bas ia, baik bas rumah pertoton, bas tiga seh dungna ia ndatken kesempaten nehken pengajaren bas sidang aeropagus sue ras kebiasaan si lit i kuta Athen. La saja erlajar ras mpelimbarui cara ibas nehken pengajaren, siidah pe maka Rasul Paulus terus mengasah dirina guna erberita simeriah alu cara si banci ialoken kerina golongen. Siidah bas ayat selanjutna ibas nehken pengajaren Rasul Paulus menghormati kalak si berbeda kiniteken ras ia (bdk. Ay.22), ia erbahan kalak si enterem tertarik guna mbegiken pengajaren e alu make istilah si ndeher bas kegeluhen kalak Athen (bdk. Ay. 24-29). Alu bage reh teremna ka jelma si banci mbegiken pengajaren kerna Berita si meriah.
Ayat 18 bas pengogenta encidahken 2 golongen filsafat si terbesar ras iakui i Kuta Athen eme: golongan Epikurea ras golongen Stoa. Ibas 2 golongen enda sendiri lit perbedaan pengajaren; menurut golongen Epikurea, si terutama bas kegeluhen enda emekap mengusahaken kesenangen ras kedamen. Nggeluh bas doni enda berlangsung sekali saja ras labo lit kegeluhen kenca kematen. Emaka asa bancina selama nggeluh bas doni enda, lakoken kerinana guna kesenangen nggeluh. Sementara menurut aliras Stoa: Pikiren/ rasio manusia si paling penting ibas mengendaliken kegeluhen. Amin pe 2 pandangen enda iakui i Athen, tapi banci siidah maka kerina ilmu/pandangen enda bertentangen ras ajaren iman Kristen. Emaka ibas pokok-pokok pengajaren iman si isehken Rasul Paulus man kalak Athen ianggap sada hal/ pemeteh si mbaru. Selaku masyarakat si ndeher ras pendidiken ras pengajaren enda jadi sada biak positif man kalak Athen maka ia ka pe nggit terus erlajar alu megiken pengajaren Rasul Paulus (bdk. Ay. 20; merincuh kami metehsa..) Tentu ibas sienda banci si nehen maka amin pe kalak Athen nggo meganjang pemetehna ibas bidang ke-ilmuan, kepeken labo lit pengetahuan si sempurna sebab lit denga terus hal si mbaru si perlu ieteh/ ipelajari. Keinginen guna terus erlajar maba kita bengket ku bas pemeteh si mbaru ras semakin erpenandai kerna Dibata.
PENGKENAINA
- Selaku anak-anak Dibata si berhikmat perlu sitanamken keinginan untuk terus erlajar sesuai ras konteks kegeluhen si ihadapi kita segelah kita ngasup ras bijak ibas ngalaken perkembangen bagepe tantangen zaman enda bagi si ngena ate Tuhan. Ibas kita terus erlajar, sipindo gegeh bas Tuhan nari simpengasup kita terus mpelimbarui diri bas kegeluhen si tep-tep wari.
- Bagi pengalamen Rasul Paulus bas pengogenta, ibas kerlajar memang perlu usaha ras kinigenggengen, sebab banci jadi labo mis teridah hasil siniarapken kita genduari. Ibas usaha si ibahan Rasul Paulus guna nehken pengajarenna, siidah maka lit ka nge kalak si erpenulak ras nokohi ia (bdk. Ay. 18 ). Tapi di samping sie, pada akhirnya usaha memang tidak menghianati hasil sebab lit kang dungna kalak si tek man Kristus termasuk piga-piga tokoh penting i kuta Athen.
- Anak-anakta sangat perlu ipersiapkan ibas menghadapi perubahan zaman. La cukup hanya mengandalkan sekolah saja, tapi pe pendampingen orangtua sebagai mitra belajar sangat iperluken gelah anak-anak banci berhasil bas pendidikan si itempuh.
Pdt. Eden P. Funu-Tarigan, S.si (Teol)-Perpulungen Kupang
