SUPLEMEN PA MORIA 10-16 APRIL 2022, KEJADIN 18:17-19
Tema :
KESUSUREN JADI BANGSA SI MBELIN
Nats :
KEJADIN 18:17-19
Tujuan :
Gelah Moria:
- Meteh padan Tuhan nandangi Abraham eme nehken pasu-pasu man anak ras kesusurenna
- Ertanggungjawab nikapken kesusuren gelah nggeluh benar ras bujur.
Pendahuluan
Marjorie L. Thompson, ibas bukuna: “Keluarga Sebagai Pusat Pembentukan”ngataken maka : Keluarga me tempat si pertama ras utama ibas pembentukan rohani anak guna menghasilkan generasi si malang man Tuhan. Emaka guna nikapken kesusuren ras generasi si malang man Tuhan, si nggeluh benar dingen bujur, keluarga, khususnya orang tua bertanggung jawab ras memiliki peran si sangat signifikan. Arah bahan PA nta sendah kita Moria ibabai ras ipersingeti, selaku nande si ngasup ngajarken dingen ndidik anak-anakta (kesusurenta), bagi pendilo Tuhan man Abraham guna mpersiapken kesusurenta jadi bangsa si mbelin si setia ras nggeluh rikut singena ate Tuhan.
Pembahasan teks
Abraham eme salah sada tokoh Alkitab si luar biasa. Kinitekenna teruji, emaka labo mengheranken adi ia igelari “Bapa kalak si erkiniteken”. Abraham ngaloken pendilo sekaligus janji perpadanen ibas Dibata nari guna (Kej. 12: 1-3). Ibas ngaloken pendilo Tuhan, piga-piga hal si arus ilakoken Abraham:
1. Nadingken kinitekenna si ndekah, Politheisme (Penyembahan berhala/ banyak ilah) beralih ku Monotheisme, mengakui YHWH (Dibata) saja selaku Dibata si man sembahen.
2. Nadingken negrina, keluargana ras kemapanan geluhna (zona nyaman) menuju ketidakmapanan/nomaden (zona iman), aminna gia lenga itehna ija negeri siipadanken Tuhan man bana.
3. Idilo guna ngaloken Pasu-pasu sekaligus jadi saluran pasu-pasu man nterem jelma.
Ibas kerina turi-turin (kisah) kerna Abraham, bagin pengogenta enda pe cukup menarik guna sirenungken sebab ncidahken relasi ras hubungan si luar biasa akrab antara Abraham ras Dibata. Kejadin 18: 17-19 ncidahken : relasi intim antara Dibata ras Abraham seh maka la ate Dibata merahasiakan man Abraham kai si ateNa ilakokenNa nandangi Sodom & Gomora (ija Lot ras keluargana tading). Dibata berinisiatif guna nurikenca man Abraham, janah la terjeng nuriken rencanaNa tapi adi si oge lanjutan perikop enda siidah terjadi “tawar-menawar” antara Abraham ras Tuhan (Kej 18:22-33). Abraham ndatken keistimewaan si luar biasa erkiteken Tuhan nggit nuriken rencanaNa man Abraham. Bagepe arah bagin perikop teks enda pe siidah maka Dibatanta eme Dibata si la otoriter, tapi demokratis. Dibata si nggit berdiskusi dingen nggit megiken Abraham. Adi sioge keseluruhen ayat enda siidah maka uga Abraham bernegosiasi (tawar menawar) ras Dibata kerna Sodom & Gomora, ncidahken kesabaren ras keleng ate Dibata si belinen asangken rawaNa.
Ayat 19 : icidahken ijenda alasan uga maka Dibata nuriken rencanaNa man Abraham, eme erkiteken Tuhan nggo milih Abraham jadi bagin ibas rencana Dibata si mbelin. Ibas kesusuren Abraham nari nge tubuh Yesus Kristus sebagai Juruselamat dunia ini (Mat 1:1), bagepe kerina kalak si tek igelari jadi kesusuren/anak-anak Abraham. Abraham igelari nini nterem bangsa, janah alu si e me pagi kai siipadanken Dibata man Abraham tergenepi. Ipilih Dibata Abraham guna ertanggung jawab nikapken kesusurenna jadi bangsa si mbelin, si erkemalangen man Tuhan dingen nggeluh benar ras bujur. Jadi bangsa si mbelin si erkuasa dingen jadi alat guna mpepaler pasu-pasu (saluran berkat) Dibata nandangi nterem bangsa. Kepatuhen ras ketaatan Abraham rikut ras kesusurenna jadi syarat ngaloken kerina kai si nggo ipadanken Dibata.
Aplikasi :
Pesan penting siipelajari kita arah teks ogen ras temanta enda, eme :
- Kita idilo guna nehken tanggung jawabta selaku orang tua si nikapken kesusurenta (generasinta) jadi bangsa si malang man Tuhan, nggeluh benar dingen bujur, janah enda me syarat mutlak ras jadi jaminan maka sialoken pasu-pasu Tuhan man kesusuren ras isi jabunta. Ibas teksta kita erlajar kerna model kepemimpinen siiterapken Dibata, relasi si bersahabat antara Dibata ras Abraham. Orangtua pe perlu mengupayakan model sibagenda rupa ibas relasina ras anak-anakna, bersifat demokratis dan bukan otoriter. Orangtua perlu menjadi pemimpin sekaligus sahabat, pemberi ketetapan sekaligus penerima masukan; maka rumah jadi ingan si menyenangkan man anak-anakta. Dibata nggit megiken Abraham bage ka tentuna kita erlajar jadi orang tua si nggit “mendengar” labo hanya “didengar”. Anak merasa iergai ras ibegiken. Situasi sib agenda rupa pe banci membentuk karakter ras harga diri anak si pada akhirna membentuk kiniteken ras persepsina kerna Tuhan.
- Melala tantangen ibas kemajuan jaman enda ibas ndidik ras mpebelin anak-anakta, emaka si arus silakoken sipemena ras utama eme: jadi usihen bas kerina dampar geluh (bdk. Ul. 6:4-9), cara geluh orang tua mempengaruhi efektifitas pengajaren. Jadi usihen (Teladan) eme cara si terbaik ras paling efektif mbangun karakter ras kiniteken anak gelah nggeluh erkemalangen man Tuhan. La banci ipungkiri, bahwa proses pembelajaran ras pengajaren si paling efektif, terutama si berkaitan ras pembentukan karakter ntah pe rohani/kiniteken labo arah kalak si deban nari, labo ibas ruang kelas (Pendidikan formal) nari, tapi justru imulai ibas keluarga nari, rumah nari, eme orang tua si jadi usihen. Lit istilah : “children see, children do” ertina anak-anak ngelakoken kai si idahna, emaka adi teladan ras contoh si mehuli, kegeluhen si benar dingen bujur siidahna ibas kegeluhen orang tuana teptep wari maka ia pe pasti terbentuk guna ngelakoken si mehuli, benar dingen bujur ibas kerina dampar geluhna.
- Guna nikapken kesusuren si erkemalangen man Tuhan maka harus sibangun relasinta ras isi jabunta ras Dibata. alu jadiken keluarga ntah pe rumahta selaku "gereja" sikitikna ija kepekaanna nandangi kehadiren Tuhan ikembangken. Ibadah/Mezbah doa keluarga eme sarana si perlu ibas mbangun karakter & kiniteken anak-anakta. Lebih asa si e ibadah/mezbah doa keluarga pe banci mpeturah keharmonisan ibas jabu. Menurut penelitian Pitirin Sorokin, dekan Fakultas Sosiologi Universitas Haver, ibadah keluarga berkaitan erat kal ras keharmonisan keluarga, sebab keluarga si tiap wari beribadah ras ertoto radu ras, tingkat persentasi perceraian si terjadi sangat kecil. Keluarga si harmonis, terbuka ras erkiniteken tentunya jadi ingan si ideal guna terbentukna generasi si erkemalangen man Tuhan.
Pdt Jenny Eva Karosekali STh., M.Min
GBKP Rg. Harapan Indah
