SUPLEMEN PA MORIA 20-26 MARET 2022, OGEN IMAMAT 25:1-7

Tema  :

TANEH GUNA KEHAGAAN MAN TUHAN

Tujuan  :

- Meteh taneh si ingani kita e pemere Tuhan.

 - Ngusahaken taneh alu mehuli

 

Kata pendahuluan

Taneh em tinepa Dibata, jadi si empuna taneh em Dibata. Dingen Dibata si mereken langsung kepercayaan man manusia sebagai tinepa Dibata si ‘imagodei’ guna makaiken ras mengelola taneh guna tujuan si mehuli (well being). Adi siperdiateken asal kata taneh ibas bahasa Ibrani igelari ‘erets’ si ertina bermakna ganda ‘melahirken’ ras ‘negri’. Adi sinen ibas kitab Kejadin, ibas taneh nari kerina sinuan-sinuan turahen, ras rubia-rubia lit, digen manusia pe itepa ibas abu taneh nari. Kerina sinuan-sinuan ras si ngeluh ‘taneh’ sijadi inganna (Kej. 1: 11-12).

Jadi manusia pemena dahin ras pendahinna umumna em makaiken ras mengelola taneh alu tujuan guna pemuliaken Tuhan, labo guna erate-ate tapi ikut pe guna pekena-kenasa.

Enda me si jadi bahan PA Moria ibas Minggu enda

Pembahasen

Kitab Imamat megati igelari ‘Hukum Kekudusan’, perbahan enda tradisi para Imam. Ija kebiasaan enda enggo lit ope masa pembuangen kerna tradisi uga ngeluh badia. Badia berarti ‘suci, murni, menganggap suci’. Jadi badia em ipeserap, terpisah dikhususkan ibas kebiasaan doni enda. Perbahan ‘Badia’ em sifat ntah karakter Dibata Israel (bnd Im. 11: 44-45; 19:2; Yes 6:3) emaka bangsana pe iarapken ngeluh badia (1Pet. 1:16 ‘sebab ada tertulis, kuduslah kamu sebab Aku kudus.”; bnd Rm 3: 23).

Adi si nehen ibas kita Kejadian, ‘taneh’ salah sada tinepa Dibata si kena kutuk erkiteken manusia enggo ndabuh kubas dosa. Emaka guna pekena taneh, benaken Abram idilo Tuhan jadi ‘mitra ras tanNa’ dingen ije ‘ijanjikenNa man Abram kerna taneh perpadanen man sinusurna’. Ija taneh sipadankenNa, mulai jadi sekerajaan bangsa Israel kenca ndarat ibas Perbudaken Mesir nari. Bangsa Israel enggo banci tading menetap dingen berusaha, erdahin subuk kujuma makaiken taneh, rsd. Ope seh ku negri si padanken maka Musa enggo persingeti ras ngajarken bangsa Israel kai-kai arus ilakokenna sebagai bangsa Pilihen Tuhan khususna makaiken taneh ras hasilna. Tapi bangsa Israel lanai bas perdalanenna lanai ndalanken pedah Tuhan si kedungenna taneh perpadanen ndai pe arus itadingken erkiteken bangsa Israel iangkut ku pembuangen.

Jadi tradisi imam, nuriken ka mulihken man bangsa Israel si mulih ibas pembuangen nari ku negri si ibereken Tuhan khususna ibas ia pagi erdahin kujuma makaiken taneh alu motivasi ras tujuan pemuliaken gelar Tuhan, guna pebadiaken Tuhan, tanda maka Tuhan si empuna taneh ras si mereken man manusia makaiken guna kiniulin bersama.

Ay. 1 nuriken maka si ituriken alu tegas labo aturen ibas Musa nari rehna ntah aturen enda ibahan-bahan Musa jine tapi enda ketetapen ibas TUHAN nari.

Ay. 2 nuriken kerna hal-hal si arus ilakoken bangsa Israel kenca ia tanding ibas negri si ibereken TUHAN, ija ibas tahun pe 7 maka bangsa Israel la banci makeken taneh ‘terulang’ selama setahun dingen enda tujunna guna kehagaan TUHAN.

Ay. 3 iperjelas maka selama 6 tahun makaiken taneh arusna enggo cukup guna keperlun bangsaNa.

Ay 4 iulihi ka tahun pe 7 em tahun pengadi-ngadin man jumandu. Maka la banci kai pe isuanken bas tahun enda.

Ay. 5 Adi lit kin pe hasil juma ibas tahun pe 7, si empu juma la banci ranisa.

Ay. 6 mulihi isingetken TUHAN, selama 6 tahun erdahin makaiken juma oratna enggo cukup guna keperlun kegeluhen bage pe kerina si tading ibas jabuna subuk budak, pertandang ras kalak si erdahinna.

Ay. 7 ijelaskenna ka mulihken maka si labo bekas kita nuan banci ibuat guna ipan termasuk rubia-rubia si meliar.

Jadi renungen PA Moria enda nuriken

1. Ujian kiniteken bangsa Israel selaku bangsa pilihen TUHAN. Apakah bangsa enda tetap setia ras patuh man TUHAN ntah lebih erngena ate man tinepaNa ‘doni’. Perbahanken selama bangsa Israel erdalan ibas padang gurun, la ia nuan ‘erdahin’ tapi icukupken TUHAN kerina si perlukenna, tanda TUHAN memperdiateken ras pekena-kena bangsaNa.
2. Bentuk pengakuan ras kesaksian kesetian bangsa TUHAN, si arus ituriken dingen isaksiken bangsana man si nursurna gelah tetap erkemalangen man Tuhan. Emaka nina ‘guna kehagan TUHAN’.
3. Sebagai cara TUHAN memperdiateken keseimbangan tinepana, ntah tanda TUHAN peduli lingkungan hidup.

Kuga aplikasina ibas zaman si gundari enda?

• Taneh si bereken TUHAN enda lanai taneh ingannta tedis tapi taneh em tanggung jawab ntah pendahinnta sekalak-sekalak (guru, kujuma, PNS, rsd). Jadi ibas ndalanken, tentu perentah Tuhan enda labo hal si menukah, terlebih ibas zaman si gundari enda maka keinginan hidup reh Buena, si semakin tinggi. Uga maka keinginan nin kami sebab kebutuhan hidup kita, adi rikutken standar gaji tiap daerah siakap enggo cukup tapi si erbahan la cukup ras megati kurang erkiteken tuntutan keinginan hidup makin tinggi.
• Keinginan hidup si semakin tinggi, emaka kita pe ituntut guna tetap erdahin seh maka wari Minggu pe lanai lit waktunta guna Muji Tuhan, pulung ras keluarga, kade-kade, rsd.
• Keinginan hidup si semakin tinggi, maka turah kuan-kuan ‘cari haram sulit apa lagi yang halal’. Emaka lanai si pikirken akibatna si tabahi me batang-batang kayu tanpa reboisasi. La si gejap maka dampakna kita ka nge si ngejapkensa, ras bas pendahinnta si lakoken ka korupsi, nepotisme, ras kolusi.
• Jadi kai pe pendahinnta ibas jaman si gundari enda, memang labo nari kita kerina si erdahin ku juma. Tapi sada hal si patut si inget maka kita ngeluh denga seh asa gundari erkiteken Tuhan masu-masu taneh. Maka man denga kita ras lit denga banci si pan kita.
• Jadi enggo banci si bayangken kune lanai lit taneh man perjuman guna nuan-nuan erkiteken sawit meherga maka sabah pe lanai page si suan tapi sawit dingen taneh meherga si dayanken guna membangun mall, hotel rsd.

Saran

Upaya menjaga keseimbangan lingkungan hidup arah kata enda em erkemalangen man TUHAN gelah ola keinginan jadi penggurunnta. Sebab keinginan hidup si pebelin:

• maka kita akan ndabuh menghalalkan segala cara termasuk korupsi. Korupsi tindaken kita mengabaikan hak-hak kalak si deban si arusna ngalokensa.
• Bage pe si erbahansa lanai lit waktunta guna muji Tuhan ras sulit kita berbagi man temannta ntah nampati temannta sebab siakap kerina si lit ibas kita enda em si kerajangennta tanpa si sadari sie kerina titipen ibas TUHAN jine guna si pakai. Ola ngayakin si man tadingenken ras tadingken si man ayaken. Bagi bangsa Israel, bengket ku pembuangen sebab lanai setia man Tuhan ndahiken dahin kuga arusna sebagai penyembahen guna Tuhan. Menjaga lingkungan hidup arah kita ndahiken dahinnta jadi alatnta guna pemuliaken Tuhan ras makaiken si lit bas kita guna kemulian Tuhan.

Pdt. Resta Riswanto Barus, S.Th. MM-Rg. Samarinda