SUPLEMEN PA MORIA 13-19 MARET 2022, OGEN JEREMIA 31:15;47:2

Tema  : 

ILEMBA LAU BELIN

Nats  :

Jeremia 31: 15; 47: 2

Tujuan  :

- Meteh maka Lau banci maba kecedaan.

  - Nuriken perbahanen-perbahanen si banci encedai lau ras si maba kiniseran

 

Kata pendahuluan

Usur si begi, terjadina longsong ras banjir bandang si encedai dingen memakan korban jiwa. Jadina taneh longsor ras banjir bandang banci pengaruh alam tapi banci erdandanken ulahnta manusia si lanai perdiateken lingkungennta, misalna:

• Faktor membuang sampah secara sembarang ku selokan ntah ku sungai
• Faktor nabah kayu kerangen alu sembarangan ntah pe nabah batang kayu ibas kemiringen tertentu.

Jadi arah tema PA Moria si sekali enda ipersingeti kita arah temanta ILEMBA LAU SI BELIN. Tujuan ras harapen arah PA Morianta si sekali enda penting guna perdiateken lingkungen dingen ola ka min erkiteken lagu langkahnta si erbahansa terjadina taneh longsor ntah pe banjir.

Pembahasan teks

Renungen PA Moria Minggu enda ibuat arah surat Jeremia 31: 15; 47: 2, nuriken kerna bencana si mbelin si jadi man bangsa Israel. Jermia 31: 15 “Nina TUHAN, “Terbegi sora i Rama nari, sora tangis si meriso, Itangisi Rahel anakna, enggo bene kal kerina, e maka iapuli pe atena lang,”

Rama em kota si kitik, berkisar 8 km isebelah Utara Jerusalem dingen kota enda memiliki sejarah perbahanken Jakub pernah mendiriken

1. Terbegi sora i Rama nari. Rama bahasa Ibrani ‘RAMAH’ secara harafiah sebuah Puncak atau Tempat Tinggi (Yeh. 16: 24). Banci jadi enda sada pembatas wilayah ntah benteng ras banci enda ingan ersembah man Tuhan. Banci jadi Rama lit kaitenna sejarah Pustaka kerna Jakub mendiriken sada tugu batu sebagai perjanjian Jakub ras Laban si igelari ‘Galed ras Mizpa’.
2. Rikutken tafsiren maka penduduk kalak Yahudi di Rama ope ibaba ku pembuangen maka mbue mate ibunuh ibas serangen Babel si erbahansa terbegi sora tagis si meriso, itangisi Rahel anakna, enggo bene kal kerina e maka iapuli pe atena lang. Rahel em deharah Jakub si sehken ngenana atena anak-anakna, dikune anak-anakna maka ngeluh kin pe atena lanai. Enda nuriken penderitaan si mbelin. Enda nuriken kerna getemna pusuh Jeremia ngidah kejadian si jadi man bangsana kerna bencana peperangen si jadi si erbahansa mbue korban jiwa itengah-tengah bangsana. Kejadian enda tempa-tempa iakap Tuhan lanai erkuasa dingen erdolat, Tuhan enggo talu. Tapi adi si oge kelanjuten nats enda nuriken kerna turahna pengharapen, maka sisa-sisa si tading si iangkut kubas pembuangen bakal mulihken (ay.16).
3. Kitab Matius mengutif kata-kata Jeremia (Mat. 2:18) nuriken kerna kesadisan raja Herodes perbahanken ibegina nubuaten ketubuhen sekalak raja di atas segala raja, si memimpin bangsa Israel bahkan memimpin umat ibas doni enda. Nubuaten enda jadi pikirenna si erbahansa latih ukurna emaka iperentahkenna guna munuh kerina anak umur 2 tahun kuteruh i kota Betlehem termasuk i kota Rama.

La saja seh ije ibas Jeremia 47: 2, ituriken Jeremia nubuaten maka bencana enda labo saja man bangsa Israel tapi pe bencana enda engkenai bangsa Mesir selaku ‘sahabat palsu’ ras man kalak Pilistin em si jadi ‘musuh belin’ bangsa Israel. Maka ibas masana pagi ‘mulsak me lau belin’ i Utara nari si erbahansa serko ras nderkuh ia kerina. Lit penafsir ngataken maka ‘lau’ nuriken mbuena bangsa ras kaum (why 17:15) ras nuriken ‘seh me masana’ kesusahen si mbelin si jadi (Mas. 69:2). Jadi enda nuriken maka kesusahen-kesusahen si inanami kita banci erkiteken perbahanen kalak man kita ras banci jadi erkiteken factor alam. Enggo kin seh waktuna bencana enda jadi.

 Aplikasi

Kai banci si pelajari kita arah renungen PA Moria si sekali enda. iakap kami, renungennta si sekali enda cukup-cukup mengerikan ras nuriken:

1. Kiniseran-kinieran bagian kegeluhennta si la tersirangken, perbahan kita enggo ndabuh kubas ‘dosa’. Dosa si erbahansa kita menderita, susah ras latih. Jadi kesusahannta la pe si darami kita pasti reh me. Erbage-bage si erbahansa kita susah, ndele ate, dingen ngeluh ibas penderitaan, salah sada em erkiteken bencana alam, peperangen, rsd.
2. Ola si darami si erbahansa kita susah, menderita, ndele ate rsd. La si jaga lingkungennta, si tuhuna enggo si suanken atenta ndele dingen ceda.
3. Tetap erpengarapen man Tuhan bicara gundari enda kita iperhadapken kubas keadaan si erbahan ukurnta gulut. Tetap tek maka tan Tuhan tetap ngasup menopang dingen nampati kita. ola tadingken Tuhan amin gia igejapken kita genduari tempa-tempa Tuhan lanai erdiaten, erkuasa dingen siakap pertotonnta sia-sia.

 

Pdt. Resta Riswanto Barus, S.Th. MM-Rg. Samarinda