SUPLEMEN PA MORIA TANGGAL 31 MARET - 06 APRIL 2019, ROMA 13:1-7
Nats : Roma 13:1-7
Thema : Makeken hak pilih (pilpres-pileg)
1. Ibas tanggal 17 April 2019 kita warga negara RI baik sitadin i Indonesia bagepe sitading i luar negeri ngelakoken sada pesta eme PESTA DEMOKRASI, sini ikataken pemilihen umum, bebas ras rahasia. Janah ibas priode enda ilakoken serentak (Pilpres ras Pileg). Tenta sada hal si luarbiasa kal si lakoken negaranta, ija banci ia ngelakoken pemilihen serentak i seluruh wilayah ija warga negara tading. Emaka kita sebagai warga negara, sekaligus sebagai warga gereja berkewajiben guna ikut mensukseskan Pesta Demokrasi enda, menggunakan hak suara ku TPS sada tanggung jawab nandangi keberlangsungen negaranta 5 tahun ku lebe, janah sienda kita harus wajib hukumna jadi teladan. Memang sada hal si mberat ngenda ibas Pesta Demokrasinta sekali enda, sebap pemilihen serentak e membingungken man banta, khusus Moria sienggo Zaitun, apaika ia tading ikuta kuta. Sebap lit pagi lima lembaren si baba ku bilik suara.
Lembaren:
1. PRESIDEN RAS WAKILNA 1lembar
2. PEMILIHEN DPD 1lembar
3. PEMILIHEN DPR RI 1lembar
4. PEMILIHEN DPRD TKT I 1lembar
5. PEMILIHEN DPRD TKT II 1lembar
Adi lembaren Presiden Wakil ras DPD labo rumitsa kal,tapi DPR e si rumit kal. Emaka masuk kita kubilik, hati-hati kita. Gunaken hak soranta ula kita golput alias la milih. Rutang kita man Negaranta adi la sigunaken hak pilihta.
2. Uraian nats
Rasul Paulus mereken sada kewajiban sebagai pengikut kristus, eme patuh nandani Pemerintah si erkuasa. Bas Negaranta enda lit sini ikataken Legislatif, Eeksekutif, Yudikatif. Pemerintah sebagai ndalanken undang-undang sini ibahan Legislatif, emaka adi salah pemerintah bagepe Legislatif ras rakyat, Yyudikatif ngadilisa. Emaka guna ndalanken program-program ras undang-undang si enggo i sahken DPD, DPR, emaka wajib i lakoken, tujunna eme guna kemajuan bangsa. Emaka pemerintah e enggo ibere kuasa oleh rakyatna guna ngaturken gelah kai sini iarapken rakyat ndai gelah banci tersehi kerinana. Emaka kemajuan sada bangsa terletak bas Pemerintah ndalanken tanggung jwabna. Pemerintah eme ibas Dibata nari ia perwakilen Dibata bas doni enda guna penuli tinepa Dibata kerina gelah reh jorena. Emaka gelah banci bagi mehuli perdalanen bangsanta 5 tahun kedepan maka ula kam la TPS, nehken sorandu. Pilih si mehuli, pilih si ertanggung jawab, pilih si kin sura-surana mbangun bangsana. Janah Paulus nehken maka tanggung jawab sebagai warga negara eme, malang man Dibata, malang man Pemerintah, ula kita erbahan jahat, harus nggalar pajak, janah pehagalah pemerintah.
3. Pengkenaina
Tgl 17 April 2019 ndai kita Pemilu, pemilihen eme keputusen si enggo ibahan pemerintahta, janah Eksekutif, Legislatif ikut memutus kenca undang-undang pemilu, emaka kita harus patuh ngikutisa, adi lapatuh berarti kita pe ikutnge labertanggung jawab nandangi kai si enggo putusken Pemerintahta, erkelang-kelangken DPR ndai. Emaka kuakap man banta si akan nehken hak soranta, maka si inget bahan PJJ nta keluaren 18:21, ija lit perlu iulasken eme:
a) Jitro sebagai mama, ia ibelakang Musa mere nasihat-nasihat (pembisik
Musa)
b) Musa sebagai pemilih
c) Pemimpin 1000, 100, 50, 10 siman pilihen
Gundari harus si nin ise siman pilihen tentuna ise arah pudi calon e tentuna pembisik, Partai pendukungna, banci sipelajari arah tim suksesna, tentuna arah orangna, sendiri.
Janah tole nina Jitro, pilih si erkemalangen man Dibata, ngasup memimpin alu payo penuh tanggung jawab sabar ras lemah lembut, dipercayai ras la ngaloken sogok dingen la nogok. Adi kalak si erkemalangen man Dibata, banci sinin arah ibadahna, keluargana, ras sosialna, perhatianna nandangi jelma sienterem. Adi terteki tentuna ia melasken kata bual, konsisten, kai belasken e idalanken. Kuga buena hartana, jenari nge ndia sumberna.
Enda me piga-piga kriteria si ni itawarken pe man banta si bakal milih 17 April 2019 enda. Saja ertoto kita, ope milih. Gelah tepat pilihenta, kenca milih sitotoken gelah menang pilihenta, kenca umumken sitotoken ka si terpilih gelah mehuli ia ngatur negara enda 5 tahun ke depan.
Sekali nari, Ayo ke TPS, Ayo Milih, Ula golput.
Selamat Milih
Pdt. Andarias Brahmana
