SUPLEMEN PA MORIA TANGGAL 19-25 AGTUSTUS 2018, OGEN SALOMO 2:11-14
Tema :
Kinijilen simeherga man perbulangen
Tujun : gelah moria:
• Meteh maka kinijilen ndehara nambahi kemalemen ate ras keleng ate.
• Ngasup mereken pujin (apresiasi) ras ndalanken kinijilen si tuhu-tuhu.
Kata penaruh
Sada keriahen adi ibas sada pasangen e tetap lit ukur sitedehen ibas ia duana. Tentu ibas jabu e lit keriahen ukur, kemalemen ate ras tetap lit kesetiaan. Saja adi genduari banci jadi sekalak ndehara lanai bo atena tedeh nandangi perbulangenna sudah ada pria idaman lain (PIL) bage pe sekalak perbulangen lanai bo lit tedeh ukurna man ndeharana sebab enggo lit perempuan idaman lain (WIL). Mungkin masalahna banci saja kerna nggo urakna komonikasi antara perbulangen ras ndeharana, erkiteken keegoisen sada ras sidebanna, nggo jarang jumpa, karena luka-luka hati sada ras sidebanna, karena masalah ekonomi ras sidebanna. Mbue hal sierbahanca ibas jabu e lanai lit tedeh ate ras kedekatan sada ras sidebanna. Tapi ibas prikopta ngerana soal uga kinijilen simeherga man perbulangen.
Mpebagesi pengangkan kerna ogen
Kitab ende-enden Salomo eme kitab sinuriken kerna hubungen Dibata ras manusia si seh kel intimna. Ibaratken bagi sekalak dilaki ras sekalak diberu. Ibas prikopta end ape kita nuriken soal uga sekalak sidilaki si she kel atena tedehna man sekalak sidiberu. Janah diberu e igelarina impalna ertina sekalak sidiberu silit hubungenna ras ia. Adi genduari banci sikataken eme man ndeharana.
Ije ituriken bahwa sekalak dilaki si ertedeh ate man impalna. Igambarken I je kerna keadaan paksa mbergeh ras paksa perudan nggo lepas, ibas mbal-mbal bunga nggo terlak, buah ara enggo mulai tasak, bau bunga anggur nggo teranggeh rsd e gambaren bahwa suasana guna banci jumpa nggo sangat mendukung ras menggambarken perjumpaan si she kel indah. Emaka sidilaki ndai sangat mengarapken kel gelah impalna ndai reh man bana. Nina “mari impalku ikutken aku, mari impal, mari keleng ateku ikutken aku”.
Isamping sie pe igambarkenna bahwa impalna ndai bagi nderpati sicebuni ibas ling-ling batu. Si enggambarken rupa simejile ibas impalna ndai, gelah banci iidahna ra sorana pe banci ibegina. Ia sangat merindukan untuk melihat kinijilen pasangenna ndai. Ia memuji akan kinijilen pasangenna ras ingin segera jumpa ras ngidahsa.
Pengkenaina
Andiko alangkah indahna adi ibas sada keluarga e sekalak dilaki mempunyai sifat sitetap tedeh atena man ndeharana. Si ingin berjumpa ras ndeharana sebab ibas ia ndeharana e me sipaling mejile. Ertina amin pe ia erdahin rusur nadingken ndeharana entah tugas luar, ia akan sangat merindukan istrina yang di rumah ras tetap mengganggap ndeharana e me diberu sipaling mejilena. Emaka ia la pernah tergoda nandangi nandangi diberu sideban. i a akan melawan godaan sir eh man bana si atena encedaken jabuna.
Selaku ndehara pe tetap menjaga kesetiaanna man perbulangenna. Ia tetap ertedeh ate man perbulangenna. Ras la mudah tergoda nandangi dilaki si deban. Amin pe secara pisik, dahin rsd lebih mantapen asangken perbulangenna. Sebagai ndehara ia tetap menunjukkan akan sifatna si menghormati, menghargai, engkakam membangun kinijilen pusuh sinicidahkenna arah perbahanenna man perbulangenna. Sebab sifat simehuli sirehna arah pusuh nari nge kinijilen si tuhu-tuhu. Janah I samping si e selaku ndehara kit ape tetap merawat kinijilen jasmani kita. Ras kerina e silakuken hanya untuk menjaga ketertariken perbulangennta man banta labo guna dilaki si deban. Adi kita enggo erjabu, ula pediat jabunta ceda erkiteken kalak sideban, orang tua entah temanta si gel-gel. Adi enggo erjabu selamatken perjabunta, kubur masalalunta, nggeluhlah ibas Tuhan. Janah bereken pe pujin man pasangenta.
Ibas bulan agustus enda mamre erulang tahun. Selaku Moria marilah bereken ucapen selamat ulang tahun man mamre janah tetap apresiasi mamre guna tetap jadi imam ras teladan ibas jabu. Bagepe marilah selaku moria sijaga tetap kinijilenta sila pernah luntur eme inner beauty.
Pdt.Kristaloni br Sinulingga-GBKP Runggun Yogyakarta
