SUPLEMEN PA MORIA TANGGAL 29 JULI-04 AGUSTUS 2018, OGEN II SAMUEL 6:15-22

 II samuel 6:15-22

Tema : kutandai diringku ras pasangenku

Tujun : gelah moria :
- Ngidah perbedaan mihal ras Daud ibas mpermuliakan Tuhan
- Nandai dirina ras pasangenna arah tipologi

1. Kerina kita tentu ersura-sura segelah jabuta eme perjabun si harmonis. Kita moria banci nggeluh sikeleng-kelengen ras perbulangenta. Apalagi ka siinget tupung kita ngerondong mbarenda, seakan-akan lanai lit pagi masalah sila terpecahken. erkiteken kekelengen siicidahken pasangenta e man banta. Tapi kinatana kenca kita erjabu, mbue si menam “erkadiola” engkai ? apakah pasangenna ndai la engkengi ia? Atau ia si enggo lanai ngasup engkelengi pasangenna ndai, erkiteken pasangenna ndai enggo berubah ?

2. Situhuna kekelengen si enggo lit tupung kita erteman, seharusna e tetap sipupuk alu kita ngasup nandai dirinta ras pasangenta. Perjabun sada iketen sibadia siseharusna tetap sijaga keutuhenna. Sajamaun-maun enggo urak keleng ateta ndai erkiteken sifat ras karakter pasangenta la sitandai. Emaka rusur torah perjengilen, arah perjengilen-perjengilen si la terdungi ndai torah me perukuren-perukuren negatif nandangi pasangenta. Padahal lenga bo tentu bage, saja ban lenga sitandai sifatna ndai emaka perukuren sinegatif ndai melekat ibas dirinta.

3. Mihal ndehara Daud ngelakuken perukuren si negative man Daud erkiteken la ietehna ras la itandaina Daud selaku perbulangenna. Mari sinen kai silakoken mihal man Daud : “tupung peti perpadanen baba ku Jerusalem, landek-landek Daud ban riahna ukurna tetapi Mihal ndeharana si ngidahsa arah jendela, Mihal memandang rendah Daud ibas ukurna”. Emaka kenca dung pesta ndai mulih Daud ku rumah alu meriah ukur tapi kai nina Mihal alu merawa ras berjut “ibas wari enda raja enggo erbahan sada gelar simbelin man bana, itelanjangina bana ilebe-lebediberu-diberu singidangianak buahna. Ia desken kalak lenge tuhu-tuhu”. Tentu Daud la ngaloken perkataan ndeharana Mihal sebab Daud ilakokenna landek-landek e erkiten ia memberikan hormat kepada TUhan. Emaka nina Daud jawabsa “ilebe-lebe TUhan aku landek labo aku ngerendahken diringku, irendahkenndu aku alu ngidah aku landek ras diberu-diberu ah, tapi situhuna radu ras kami mpermuliaken TUhan.” Ibas percakapen sibanci siidah ndai maka MIhal punya perukuren negative man perbulangenna Daud erkiteken la itandaina perbulangenna Daud sangat menghormati Tuhan.

4. Adi banci sinen sekentisik ibas jabu-jabuta sekalak-sekalak, kai nge sirusurna erbahanca maka torah perjengilen ibas kita ? la kinlah erkiteken la sitandai perbulangenta , ras perbulangenta pe la ka nandai kita. Emaka siakap rendah kalak sideban ras kita siakap sibenarna. Emaka selaku moria marilah kita erlajar nandai dirinta. Uga kin sifatna situhuna ras erlajar ka kita nandai perbulangenta segelah kita banci ngangkai engkai maka kita bage sifatta ras engkai maka perbulangenta bage sifatna. Alu e banci kita la rusursa megelut, nembeh ate, curiga, berprasangka negative, sebab kita nggo nandai sifatta ras sifat perbulangenna.

Pdt. Kristaloni br Sinulingga

GBKP Runggun Yogyakarta