Suplemen Bimbingen PA Moria Tgl. 26 April - 02 Mei 2015, Ogen Ulangen 6:1-9
Ogen : Ulangen 6 : 1 - 9
Thema : Orangtua sijadi Usihen
(1) Lit Ungkapen ngataken;
Jika kamu ingin hidup berbulan-bulan tanamlah tanaman PALAWIJA
Jika kamu ingin hidup bertahun-tahun tanamlah tanaman KERAS (Kelapa, Durian dsbnya)
Jika kamu ingin hidup Selama-lamanya tanamlah IMAN
Penungkunen: Kai nge sienggo sisuanken tah siate sisuanken ibas kegeluhenta terlebih-lebih man anak-anakta?
(2) Ibas Kitab Ulangen 6 enda Musa mpersingeti orangtua bangsa Israel gelah nuanken undang-undang Tuhan, janah enda me pe Pengakun kiniteken bangsa Israel eme : “Tuhan Dibata sisada e kap Dibatanta”. Engkai maka e jadi “Pengakun Kiniteken” sabab banci saja ibas perdalinen kegeluhen i kawes kemuhen, arah lebe tah arah pudi nari melala dibata-dibata sideban siatena meneken kalak sitek e.
(3) Kuga dage cara nuanken Undang-undang e ?!!
“Iajarken/ipersingeti”.
“Ija” ras “ndigan”???
- Sanga kam i Rumah
- Sanga kam ibas perdalinen
- Sanga kam ngadi-ngadi
- Sanga kam erdahin
E ertina ibas kerina paksa ras ingan, ibas teptep kejadin arus ihubungken ras Kata Dibata. Janah kata Dibata e arus jadi bagin ibas kegeluhen secara pribadi; “iketken ibas pergelangen tan, pakeken ibas perdempaken”. Bagepe secara Komunitas Jabu ras Kuta; “Suratken e ibas binangun rumahndu ras ibabo pintun gerbangndu”.
(4) Kai kin perulihen kalak sipatuh man undang-undang Tuhan???
“gelah gedang umumurndu ibas negeri e”,
“Mejuah-juah ras jadi bangsa simbelin me kam”
“janah ngiani taneh simehumur e”
Mari cuba siperdiateken kisah kegeluhen Jonathan Edward dan Max Jukes enda. Jonathan Edward eme sekalak si nggeluh benar ras mbiar man Tuhan. Sedangken Max Jukes eme sekalak ateis sila mbiar man Tuhan.
Kenca lebih 100 tahun, iban me penelitian man sinursur duana kalak enda ulihna:
Jonathan Edward lit 1.400 sinusurna alu kecibal bagi sitersena ijenda: 13 kalak jadi rektor, 65 kalak jadi dosen, 2 kalak jadi dekan fakultas, 100 kalak jadi sarjana hukum, 30 kalak jadi hakim agung, 66 kalak jadi dokter, 80 kalak jadi pejabat penting pemerintahan, 3 kalak jadi anggota DPR, 3 kalak jadi walikota, 1 kalak jadi menteri, 1 kalak jadi wakil presiden.
Sedangken Max Jukes lit 700 kalak sinursurna alu kecibal: 100 kalak selaku anak haram, 181 kalak jadi pelacur, 142 kalak jadi pengemis, 46 kalak jadi narapidana.
(5) Arah data sinisingetken enda ndai iulihi penungken sidatas ndai: “kai dage siateta sisuanken man anak-anakta?” Tentu ninda IMAN/KINITEKEN. Carana cukup jadi Usihen (Bd. Thema-nta).Gambaren kegeluhen anak pagin, mbelin kal pengaruhna arah sikap nggeluh Orang tua genduari.
Pdt. Iswan Ginting Manik,M.Div/GBKP Cililitan. HP. 0812.7020.9020.
