Suplemen Bimbingen PA Moria, 29 Maret - 04 April 2015, Ogen Job 2:11-13

Ogen       : Job 2 : 11 - 13
Thema    : Kepate nandangi ODHA

(1)  Gambaren umum kegeluhen kiniteken Job
Job sekalak “Bapa Leluhur”, inegeri Us nari, ia nembah janah erkemalangen man Dibata, kalak mehuli janah ia me sibayakna i Timur ( Banci ipepayo ibas ,Job 1:1-3).Kisah/perdalinen kegeluhen Job, encidahken perbeben kiniteken kalak Yahudi ibas ia enggo ipilih selaku bangsa Dibata(Umat pilihen) si tentu mengharapken kegeluhen silebih mehuli kenca status selaku Bangsa Pilihen. Alu kata sideban adi mekelek perbeben payo nge ndia kita bangsa pilihen? Bujur kin ndia Dibata “ngukum kita adi mehuli nge perbahanenta ras tetap kita ibas kiniteken? Kai kin sidat adi kita mengandalken Tuhan???

Job ibas ibas ngalaken perbeben pang ngataken : “ Payo kin Dibata la bujur “ ??? Penungkunen enda labo encidahken keragun nandangi kebujuren Dibata tapi justru penungkunen simenantang; “cuba buktikenndu ija kinilabujuren Dibata e”
Job ibas mulana ngalaken perbeben enggo mereken pernyataan(kesimpulen) nina: “Tuhan simerekenca, gundari enggo ka ibuatNa.Terpujilah gelarNa”(1:21). Janah seh kubas akhir Job tetap mereken pengakun siluar biasa kerna penandaina ise Dibata e; Kepeken pemetehku kerna Kam terjeng sinituriken kalak ngenca, tepi genduari alu matangku jine, Kam enggo kuidah:(42:5)

(2) Moria sinikelengi Tuhan, arah turi-turin kegeluhen Job enda ipersingeti man banta :

• Dibata tuhu-tuhu kepate man banta. Tuhu la pulah kita ibas perbeben nari bahkan ibas turi-turin Job enda “iizinken Dibata”, tapi Dibata ibas paksana mereken serpang pulang. Dibata kepate kal man manusia sienggo ndabuh kubas dosa, emaka idaramina manusia e , ilebuhNa nina ija kam??(Kej.3:9), Ibas Heber 4 : 15a  isingetken;”Iman simbelinta e labo kalak silanggejabken kekoten-kekotenta”. Dibata tuhu-tuhu kepate alu mereken anakNa sitinggal reh ku doni enda. (Ope iteruken Renungen enda: Mehuli  iendeken lagu “Allah Peduli”)

BANYAK PERKARA, YANG TAK DAPAT KUMENGERTI
MENGAPAKAH HARUS TERJADI, DI DALAM KEHIDUPAN INI
SATU PERKARA, YANG KUSIMPAN DALAM HATI
TIADA SATU PUN 'KAN TERJADI, TANPA ALLAH PEDULI
REFF:
ALLAH MENGERTI, ALLAH PEDULI
SEGALA PERSOALAN YANG KITA HADAPI
TAK AKAN PERNAH DIBIARKAN-NYA
KUBERGUMUL SENDIRI, S'BAB ALLAH MENGERTI

• Adi Dibata pe kepate man banta emaka kit ape arus ka kepate man temanta manusia.

Socrates sang Filsof mengatakan :”Satu-satunya kejahatan adalah ketidakpedulian”.
Ketika Pemimpin tidak lagi peduli atas rakyaknya, Gereja tidak lagi peduli atas keadaan sekitarnya, antar jemaat tidak lagi peduli satu dengan lain, dsbnya, itulah kejahatan yang mungkin  sering kita laukan dan tidak kita sadari.

Rikutken Kamus besar Bahasa Indonesia;  Kepedulian/Peduli = Belas Kasihan/Welas Asih yang artinya; Emosi manusia yang muncul akibat penderitaan orang lain, perasaan yang memunculkan usaha mengurangi penderitaan orang lain.

Kepedulian Job temen-teman Job ( Elipas, Bildat ras Sopar )ibas bahan PA-nta icidahkenna alu : “Ibegina, ipersdana arihna ndahisa, iapulina, tangis ras ngandung ia, icaingkenna uisna, icaburkenna abu kudas ras ku takalna, kundul ia ibabo taneh”. Kepate la hanya terjeng cakap,”mekuah ate ari”, labo hanya terjeng notokenca tapi ndahisa.

(3) Moria sinikelengi Tuhan rikutken Tema-nta maka kita arus Kepate nandangi ODHA ( kalak si kena HIV/AIDS ), megati ibas perpulungen lit ungkapen negative nandangi ODHA enda, eme: “ah maka banci bage ma pengelegina nge” , “ nanami bekasndu nggiling e teman” rsbna. Banci banci kita erpengakap bage, tapi pernah nge kita rukur engkai maka kalak ndabuh kubas situasi sibage rupana, payo kin e pengelegina??? Tah kin ODHA enda kurang perhatian/lalit simpedulikenca, tah kin ijerumusken, kalak rsbna.
Ibas sisi sideban ODHA enda pasti ibas keberadanna membutuhkan perhatian, ise sirutang pusuh mperdiateken kecibalna. Tentu pengarapenta simbelinna eme arah litna kalak sirutang pusuh man bana lebih itandaina Tuhan, terselamatken ia. Ola min sempat ODHA enda selamat erkiteken tuhu-tuhu ia bertobat tapi kita la SELAMAT erkiteken kita la kepate,lapeduli.

Keputusen “Sanga” ras “Encari” ibas Study Kasus (BPAM Tahun 2015, hal 30) luar biasa adi enda erpalasken kepate erpalasken keleng ate, pang ngalaken teman uga litna, pang ngalaken siugapanape gelah teman SELAMAT.

Pdt. Iswan Ginting Manik,M.Div/GBKP Cililitan. HP. 0812.7020.9020.