SUPLEMEN PA MAMRE 13-19 OKTOBER 2024, 2 TIMOTIUS 1:3-8
NANDE SI JADI USIHEN
2 Timotius 1: 3-8
Si sadari ntah lang maka kiniersadan itengah-tengah jabu memiliki peran penting guna pertumbuhan ras kemajuan bangsa ras Negara termasuk kemajuan ras pertumbuhan gereja. Pertumbuhan ras kemajuan bangsa ras Negara termasuk gereja ibenai ibas kemajuan itengah-tengah jabu. Ije tangas siidah maka pentingna peranan orangtua ibas membentuk ras membangun karakter keluarga, ija orangtua me si pemenana kal si jadi ikuten, usihen itengah-tengah jabu, bagi pepatah “Buah jatuh tidak jauh dari pohonnya”, khususna peranan nande. Nande em pilar utama si penting kal si dukung, segelah nande la saja terampil ibas merawat diri tapi mendidik ras mendidik anak mulai sejak dini sebab secara umum deheren nge nande ras anak-anak asangken perbulangen.
Emaka mari kita erlajar arah tokoh Alkitab erpalasken 2 Timotius 1: 3-8 ibas mendidik ras ngajarken anak mulai sejak dini.
Pembahasen
Kitab 2 Timotius 1: 3-8, nuriken maka peranen orangtua mbelin kal mempengaruhi karakterr, janah sie igejapken rasul Paulus si erbahansa ngasup ia ngalaken erbage-bage tantangan dingen tetap ukurna ngukurken si mehuli, la terjeng ngukuri dirina jine tapi tetap ilitkenna waktu ras kesempatenna guna ertoto man anak rohanina Timotius suari ras berngi.
Selaku bapa rohani Timotius, igejapkenna maka labo menukah ikut ibas dahin pelayanan, erbage-bage tantangan megati si igejapken bagi si enggo igejapken rasul Paulus. Sebab rikutken catatan tradisi Alkitab maka surat 2 Timotius enda itulis rasul Paulus ibas situasi keadaan si sulit, ia ipenjara janah enterem teman-teman sepelayananna nadingken ia bahkan meragukan kerna kerasulan rasul Paulus.
Tentu situasi si ialami rasul Paulus, banci jadi melukai pusuh orang-orang terdekat si setia man bana termasuk Timotius, si mungkin saja mela ia njumpai rasul Paulus bagi teman-temanna si enggo nadingken ia (2 Tim 2:17). Tapi keteguhan rasul Paulus tetap ertahan ibas kinitekenna, igejapkenna sie mbelin kal pengaruh pengajaran si enggo ialokenna ibas nini-ninina. Bage ka iharapkenna nandangi Timotius, iingetna maka banci Timotius ikut melayani amin nguda denga, sie mbelin kal pengaruh ninina Lois ras nandena Eunike (2 Tim.1:6). Erkiteken la jarang orangtua, la siap melepasken anakna nentuken pilihen kerna jalan hidupna. Sebab secara umum orangtua mengharapken kegeluhen anak sukses. Tapi beda ras orangtua nandena ras ninina, ija adi si nen la lit penolaken tapi arah surat rasul Paulus ngit melepas Timotius ngikuti rasul Paulus ibas pelayanan misina.
Jadi dukungan orangtua sejak awal enda, iharapken menjadi kekuatan si pegara api semangat kiniteken, pelayanan Timotus, la ia surut melayani amin gia erbage-bage tantangan percuban.
Bage ka itengah-tengah jabu, tentu peranan nande enda mbelin kal mempengaruhi karakter anak sejak dini. Ija nande ibas jabu dahinna la saja enda urusen rumah tapi ikut ka ibas ngaturken anak-anak. Memang kemajuan teknologi gundari enda, mbelin kal nampati pendahin pernanden, ija kerna soal urusen rumah tangga melala enggo ibantu alat ras teknologi ras bahkan si ekonomina mapan enggo lit si nampati urusan-urusan rumah. Jadi peranan nande, gundari enda lebih kubas masalah manajemen rumah tangga. Amin umumna la saja soal manajemen rumah tangga tapi aktif ras terlibat ibas pekerjaanna, sebab la kerina keluarga kegeluhenna mapan.
Tentu pengajaran nande, itengah-tengah jabu iharapken la saja ngukurken soal pendidikan sekolahna jine tapi pe la lupa mengajarken kiniteken man anak sejak dini. Segelah karakterna kinitekenna berakar mulai sejak dini, tetap ngukurken ras ngelakoken si mehuli janah anak ola mementingkan diri sendiri tapi kuga ia pe pagi berperan maba kiniulin jadi berkat ras pasu-pasu la terjeng jabu, tapi ku bas pelayanan gereja ras kemajuan kegeluhen bangsa ras Negara.
Mbue kalak pentar, tapi la jadi pasu-pasu sebab isalahgunakenna kepentarenna, ipakekenna labo guna kiniulin man si enterem si erbahansa maka kecedaan ibas tatanan si lit. Tentu sie labo mehuli, si mehuli em kuga i ape jadi anak yang takut akan Tuhan janah erguna ras maba kiniulin ibas pendahin si idahikenna. Idahikenna dahinna sebagai pelayanan man Tuhan.
Aplikasina
Kinata ibas pustaka sibadia, peranan pernanden mbelin kal ibas nehi sura-sura Tuhan, terlebih ibas mewarisken kiniteken itengah-tengah jabu. Janah dampak pendidiken si isuankenna sejak dini berakar ras mempengaruhi kegeluhen anak.
