SUPLEMEN PJJ TANGGAL 20-26 FEBRUARI 2022, OGEN II KORINTI 4:1-6

IDILO JADI TERANG (II Korinti 4:1-6)

(Gereja yang Ideal)

 

PENGANTAR

Melala rusur pernyataan si ngatakenca maka kita e me terang doni (bdk. Mat. 5:14-16). Ertina, geluhta berdampak, erguna man kalak si deban, labo hanya man dirinta sendiri. Arah pernyataan si enda me erlumba tetap kita berbenah diri, maka ula min kita jadi batu antuken man si deban, si erbahanca tondel ukur kalak seh makana bene pe kinitekenna. Si enda banci jadi, adi komunitasta entah pe temanta merampek denga kinitekenna. Kecuali si enggo dewasa kinitekenna, enggo pasti geluhna terpengaruh kalak si deban, ia enggo banci memutusken kai si mehuli, si membangun guna dirina.

Bage me i bas bahan PJJta minggu enda, ilumbaken man banta maka kita selaku kalak si enggo iselamatken Tuhan, tugas tanggung jawabta e me jadi terang man sekelewetta. Ibenaken i bas dirinta, jabunta, lingkungen i ja kita tading, gerejanta, inganta erdahin, ras bas masyarakat si nterem. Gelah adi idahna perbahanenta si mehuli, ipujina Dibata, Bapanta si ni surga.

 ISI

I bas perikop enda, Paulus mencoba membuktiken maka pelayanen mberitaken Berita Si Meriah si ilakokenna labo tujunna guna dirina sendiri tapi man kalak si deban, ras guna kemulian Kristus. Lebe ikataken Paulus maka pelayanen si idahikenna erpalasken perkuah ate Dibata. Ertina, labo erkiteken gegeh, kebeluhen ras kiniulin Paulus, tapi erkiteken perkuah ate Dibata. Sabab radu ras sieteh kita latar belakang Paulus sope ia jadi per-Berita Si Meriah, iayak-ayakna ras isiksana eterem kalak Kristen. Maka adi genduari banci ia melayani, si e kerina pelin-pelin erkiteken perkuah ate Dibata. Arah si e me la ia erleja-leja (tawar hati) aminna sekali mbue tantangen si man hadapen i bas ia melayani (banci siidah i bas ay. 8-12, “arah apai pe kami itindih, meripuk, bingung kami tapi la seh putus asa”). Walau pe mbue si man alanken erkiteken buena pergumulen, la ia nggit ngelakoken si la mehuli. Itulakna perbahanen si erbuni-buni, e me mberitaken Berita Si Meriah si labo kebenaren tapi pemberitaanna si la payo, si memutarbaliken Kata Dibata (bdk. 1 Kor 2:17, “si lang-langna kami labo bali ras enterem kalak si deban, si njajaken Kata Dibata guna keuntungenna jine). Paulus labo nipui dingen labo iputarbalikkenna Kata Dibata.

Paulus mengutip Kej. 1:3 “ersinalsallah terang i bas gelap nari” i ja kata enda ibelasken asum itepa Dibata doni enda ras kerina isina, i ja doni lume denga, la lit tempasna. Lawit si mbelang ergalumbang itutupi gelap mesangat. Idah Dibata maka terang ndai tuhu-tuhu mehuli. Ertina, labo hanya doni si gelap ndube banci iterangi Dibata, pusuhta si gelap denga pe banci iterangiNa asum tetap kita tek ras rembak ras IA. Alu bage terang si lit bas kita tetap banci ersinalsal. Enggo pasti Iblis la senang, asum kita nerangi doni enda ras sekelewetta. Alu erbage cara iusahakenna maka terang si lit bas kita banci nimpet. E maka tetap kita alu konsisten sijaga geluhta gelah tetap rembak ras Tuhan, ernalem man Tuhan (desken HP si tetap icasken asum tading sitik nari batrena, gelah ula sempat nimpet).

 PENGKENAINA

Gereja si ideal labo ngerana soal gedung tapi kita kalak si tek man baNa, si enggo ngaloken keselamaten bas Kristus nari, rutang pusuhta tetap banci nerangi sekelewetta, benaken jabu ras jiran tetangga, bage pe sesama kalak Kristen. Cuplikan lagu GB 69, “ku mulai dari diri sendiri” untuk melakukan si banci memotivasi kita guna nehken tanggung jawabta.

Kai si banci silakoken kita? Sada lebe geluhta harus berdampak positif man kalak si lit bas sekelewetta. Erlumba kita nehken perbahanen si mehuli. Ula sikuit narkoba, seks bebas, judi, mbungaken sen, entah pe hal-hal si bersifat hedonis (perbahanen-perbahanen guna kesenangen dirina sendiri), materialistis, konsumtif, rsd.

Rikutken Tema Tahun Pelayanen gerejanta 2022 “Kreatif merawat lingkungan” mari siusahaken dirinta, keluarganta, komunitas kalak si tek menjadi sahabat alam. Labo hanya terjeng nuan-nuan, tapi sijaga sirawat gelah ula arah perbahanenta reh cedana kondisi doni enda. Enggo waktuna kita bertobat. Buang sampah pada tempatnya, bahkan sampah-sampah entah limbah si banci denga siolah, siusahaken gelah siolah (daur ulang). Sampah organik iolah jadi pupuk alami ras pembersih lantai. Sikurangi pemakaian plastik, adi labo ndauhsa ingan si bakal situju kita la perlu sipake kendaraanta, cukup jalan kaki (naik sepeda), hemat pemakain energi rumah tangga (AC, lampu, kran air, kipas angin), rsd.

Sebage gereja, iperdiateken kami adi enggo pajek gereja (GBKP, HKBP, HKI rsd.) i bas sada wilayah maka mulai marak i je ingan guna erjudi ras minum tuak. Enggo pasti gereja kita kalak Kristen jadi batu antuken labo nari jadi pasu-pasu (berkat). Bertobat kita, ras siperembak dirinta katawari paksa pe ras Kristus gelah tetap ngasup kita jadi terang man sekelewetta alu bage gelar Dibatanta tetap terpuji. Janah perbahanenta si mehuli e, labo terjeng pencitraan (konteks jaman Paulus, melala guru-guru palsu si motivasina melayani guna dirina) tapi tulus i bas dirinta guna kemulian gelar Tuhan, ras arah perbahanenta mpengaruhi ras memotivasi kalak si deban gelah tetap erbahan si mehuli.

Pdt. Larena br. Sinuhadji-Rg. Cikarang