Lukas 15: 11-31
Meriah Ukurta, Anakta Enggo Meteh Mehuli

Perumpamaan enda ipake Yesus sebagai jawaban nangdangi respon kalak Yahudi ibas ayat 2. Interaksi Yesus ras pengalo cuke bagepe kalak perdosa erbansa jungut-jungut kalak Fasisi ras guru-guru agama. Yesus menyambut kerina jelma. Ibas perumpaman enda lit telu tokoh si dominan:
Anak si nguda: Meminta hak waris man bapana lenga pe bapana mate. Enda seri saja ras melecehkan posisi bapa si masih nggeluh, sebab ibas paksa sie pembagian warisan biasa ilakoken setelah bapa enggo metua. Ibas perumpamaan enda ia ikataken anak si nguda. Si secara hukum ras budaya ibas paksa si e liten me situhuna hak anak sintua guna menutut tading-tadingen. Karakter anak singuda enda semakin jelas ketika isehken bapana pemindonna e. Kata siipake penulis ijenda idayakenna si kerajangenna, isia-siakenna duitna.

Titik balik kegeluhen anak enda lit ketika terjadi kelihen. Duit si enggo isia-siakenna tentu la bertahan lama, sebab logikana kai pe meherga erkiteken kelihen. Jalan satu-satunya untuk menyambung hidup adalah menyerahkan si tersisa eme gegeh sebagai kalak si erdahin. Sebab duit enggo keri. Hidup jauh dari sang bapa si enggo itadingkenna mengingatkan kerina kemudahan sialokenna sanga ras bapana ndube. La perlu turun harkat jadi siermakan babi erkiteken melala suruh-suruhen bapana. Nakan urla-urla la perlu ia ngenanami nakan babi. Enda nuriken maka ia sampai pada titik nol. Tapi si enda kerina membawa ingatanna ku bas kekelengen bapana si labo pernah kurang man bana.

Perubahan status si enggo sampai ku bas titik nol ndai berubah ketika ia mengumpulkan seluruh keberanianna mulih ku bapana. Penulis Lukas memakai kalimat yang tegas guna menggambarken si e: Laweslah aku ndahi bapangku janah ningku man bana, o bapa aku enggo erdosa man Dibata dingen ersalah man bandu. Lanai aku metunggung pe igelari anakndu. Kalimat sideban si setara ras si e si encidahken posisi anak e: O bapa aku enggo erdosa man Dibata dingen ersalah man bandu. Lanai aku metunggung pe igelari anakndu. Dua kalimat di tempat yang berbeda enda ncidahken perubahen ras pengenalen diri anak e. Itehna perubahan akan terjadi ketika ia mulih ku bapana. Sipeduaken ia nggo mulai nandai bapana ras dirina alu payo.

Bapa: Ibas perumpamaan enda ituriken maka bapa e sekalak si cukup bayak. Enda banci siantusi ibas keterangen melala juak-juakna ras kata baju bagepe cincin ibas penutup perikop enda. Secara ekonomi la ia kurang. Karakter bapa semakin teridah setelah anak enda meminta bagianna. Narator bas cerita enda la nulisken engkai maka ibrena atau isehkenna pemindon anakna e (mungkin bukan di situ fokus pesan yang hendak di sampaikan penulis). Namun karakter bapa si paling jelas ituriken ibas cerita enda teridah ibas ayat 20b: Ndauh denga pe i rumah nari enggo idah bapana ia. Karakter bapa semakin kuat teridah alu kalimat: Mekuah ate bapana, emaka kiam ia ngayakisa, idakepna janah iemaina. Kalimat enda situhuna ncidahken sada kerahiman sekalak bapa. Ketedehen, kekelengen, kesetiaan nangdangi anak si enggo lawes nadingken ia, tapi itimaina lalap. Kesalahan anak tidak merubah sikap bapa man anak si enggo pernah melakukan kesalahan si fatal. Pedasken baba ku jenda uis si mejilena janah pakeken man bana! Tamaken cincin ku jari-jarina janah sepatui ia (22). Ia tetap anakna gia enggo pernah erdosa man bana.
Anak sintua: Arah cerita enda tampaknya anak sintua enda geluhna lurus-lurus saja. Ikataken ibas perumpamaan enda maka ia i juma nari. Enda ncidahken ia kalak si tutus, ertanggung jawab. Kalimat si deban si ncidahken situasina eme ketika ia njawab bapana: Enggo piga-piga tahun aku erdahin ras kam … la pernah kusimbak katandu. Tapi tampaknya karakter anak enda kontra produktif ras kai si jadi ketika agina mulih. Nembeh atena, ia menggambarkan dirina desken budak bapana (29), merasa bapana la adil ibas situasi e. Ia tidak bersuka cita ibas kemulihen agina.

Pengkenaina
Bagi enggo isinget i datas maka perumpamaan enda sendalanen ras perumpamaan biri biri si bene. Ipake Yesus sebagai respon terhadap sikap kalak Farisi ras guru-guru agama nangdagi kalak pemungut cuke ras kalak perdosa. Lit piga-piga pesan teologis si banci si buat arah perumpamaan enda:

1. Dosa ras perubahan
Karakter anak singuda ibas perumpamaan enda si idah tuhu-tuhu meluat, la terpuji. Tapi titik balikna pe siidah ketika ia menyadari ras menyesali alu sungguh-sungguh kerina perbahanenna. Itehna perubahan e banci lit adi mulih ia ku bapana, ku rumah bapana. Enda pe sada penegas man banta kerina. Perubahen e banci jadi man banta di kune si teh nggo tuhu-tuhu ndauh kita erdalan nadingken Bapa e. Titik balik bas kegeluhenta pe hanya banci jadi adi turah kesadaren mulihlah aku ku Bapaku. Enda me ikataken metanoia (pertobaten). Mulihi erdalan arah dalan siarusna kin idalani setelah menyadari kekeliruanna.

2. Bapa sang rahim
Kerahiman sang Bapa teridah arah kesetiaan nimai anakna si enggo lawes nundalken ia. Ada keyakinan pada diri Bapa bahwa anakna si lepak pasti kari mulih emaka itimaina lalap. Hal si paling tegas eme lalit perubahen sikap sang Bapa nangdangi anak si enggo erdosa tapi enggo mulih. Justru suka cita besar icidahkenna. Kesalahen, kegagalen anak sebagai anak, tidak merubah keleng ate Bapa e sama sekali.

Enda pe penginget man banta si bahwa Bapanta ibas Yesus Kristus e eme bapa si lalap nimai anakNa mulih man baNa. Kesalahan, keberdosaan, kegagalan anak tidak menutup pengampunan ras kelengen Bapa man banta. Si penting kita mulihi ras menyesali kerina dosa-dosa e.

3. Dukacita di tengah sukacita.
Karakter anak sintua kontras ras bapa si enggo ilecehken harkatna sebagai bapa, namun ermeriah ukur ketika anakna mulih. Ia gagal memahami arti anugerah, arti kekelengen. Bujur iakapna agina si enggo menyesal ndai iukum ka mulihi alu la padah isambut semeriah itu. Tapi man Bapana kemulihen anak si nguda e lebih dari segala-galanya. Melampui erta si enggo ikeriken, melampaui sakit hatina sebagai bapa, melampui kesalahan anak si la meteh mehuli tapi gundari enggo robah. Intina labo perlu iukum mulihi kalak si enggo robah. Labo perlu nguraki keleng ate nangdangi kalak si enggo meteh salah.

Temanta ibas pjj-ta sekali enda eme: Meriah ukurta, anakta enggo meteh mehuli. Tampaknya tema enda iangkat dari karakter sang Bapa ibas perumpamaan enda. Bapa si ncidahken keleng ate si la terbatas, si la nguraki keleng atena gia anakna nggo pernah erban dosa si mbelin. Sikap sang Bapa ibas cerita enda banci min menginspirasi kerina orang tua GBKP bas wari enda gelah banci ngaloken kerina anak-anak rikutken keberadanna sekalak-sekalak. Kebanggan jadi orang tua labo terjeng sanga anak meteh mehuli. Peran orang tua labo hanya saat anak berprestasi ras mengangkat nama baik keluarga. Tapi ibas kerapuhen anak pe orang tua tetap membuka tanna ngaloken anak si salah. Orang tua tetap merangkul anak ibas kerina keterbatasenna sebagai anak si kerap sekali melukai hati orang tua.

Pdt.Abdi E.Sebayang,M.Th-Rg. Graha Harapan

NGELITKEN SINIPERLUKEN
II Kronika 1:13-17

Menaken masa pemerintahenna sebagai raja, Salomo nerusken sura-sura bapana Daud guna majekken Rumah Pertoton. Tuhan masu-masu raja Salomo emaka paguh kuasana ibas kerajaan Israel. Taneh Gibeon eme ipilih Salomo guna ingan majekken rumah pertoton, sebab ibas daerah enda me Kemah Perjumpaan Dibata si ibahan Musa, emaka Taneh Gibeon penting kal man Salomo ibas menai kepeminpinena raduken majekken Rumah pertoton man Dibata. Raja Salomo ras kerina bangsa Israel ersembah man Tuhan I lebe-lebe kemah perjumpaan ras Tuhan, alu mpersembahken persembahan i babo batar-batar tembaga. Igelehna seribu asuh-asuhen jenari itutungna kerina ibabo batar-batar.

Ibas sada berngi icidahken Dibata baNa man Salomo nina, “Kai atendu kubereken man bandu ? (ay.7). Ije ituriken Salomo sura-surana man Dibatag una minpin ras ngerunggui kerina bangsa Israel. Nina Salomo “ O Tuhan Dibata, she ken dage padan si enggo ibahanndu man bapangku, emeka bereken man bangku kepentaren ras pemeteh si kuperluken guna ngerajai ia kerina (ay.9-10). Pemindon raja Salomo enda eme ertujun guna majekken Rumah Pertoton, sebab tupung sie peti perpadanen enggo itamaken Daud I Jerusalem, janah kemah perjumpaan e lit I denga I Gibeon. Salomo ersura-sura guna mpersada peti perpadanen ras kemah perjumpaan enda banci ersada.
Kai si jadi sura-sura raja Salomo i “respon” Dibata alu mehuli, Ia mereken kesempaten man raja Salomo guna mindo kai si iperlukenna eme kepentaren guna minpin ras ngerunggui bangsa Israel. Si enda ncidahken man bantam aka kai si ipindo Salomo labo terjeng kepentingenna tapi guna kepentingan rakyat eme keadilen ras kesejahteraan ibas masa pemerintahenna sebagai raja.

Guna encibalken sura-sura simehuli enda, raja Salomo mulai mperdiateken ekonomi rakyatna ras meningkatken pertahanen bangsa Israel. Salomo nambahi gegeh tentarana alu mpepulung 1.400 gereta kuda, rikut ras 12.000 tentara si erkuda. Salomo mengembangken sistem perdagangen ku wilayah-wilayah darat Israel si lenga pernah iban raja-raja sebelumna. Iaturkenna suruh-suruhenna guna ngkuasai perbinagaan kuda man raja-raja sideban. Sada gereta kuda idayaken 600 duit pirak, dingen kuda alu erga 150 duit pirak. Guna menjaga stabilitas keamanen raja Salomo namaken gereta tentarana I ibu kota Jerusalem, deba itamakenna ku kuta-kuta si deban.

Guna keperluan majekken Rumah Pertoton raja Salomo mbangun kerja sama perdagangan ras bagsa-bagsa si deban. Salomo mengimpor bahan-bahan bangunen, emas, perak bage pe kayu si mejile guna keperlun majekken rumah pertoton. Raja Salomo memajuken bidang perdagangan erkiteken letak Israel strategis ibas jalur perdagangan darat eme Mesir nari she ku Mesopotamia ras Asia kitik arus mentasi daerah si ikuasai Salomo, jadi arah upeti si idatken raja Salomo melala ndatken keuntungen man bangsa Israel.

Tema ta ibas perpulungen jabu-jabu enda eme ngelitken siniperluken, tentu sebagai jabu melala si iperluken kita guna kelangsungen geluh isi jabuta, bage pe uga ka kita ngelitken keperluan ibas perpulungen jabu-jabuta. Adi erlajar kita arah raja Salomo ibas ia minpin Israel guna keamanan ras kesejahteraan rakyatna, Salomo pang ngelakoken perbaikan system pemerintahen bage pe perdagangan. Pembaharuan enda icidahken alu mengali potensi/ kebayaken si lit ibas bangsa Israel, termasuk memanfaatken letak wilayah Israel si strategis. Ibas pendahin ras usaha bage pe guna kemajuan perpulungen perlu lalap ilitken sada pembaharuan/inovasi, gelah ibas pendahin bage pe usaha banci terlitken kerina kai si ibutuhken. Asa bancina lit lalap teridah hal simbaru si ilakoken kita ibas pendahin bage pe kemajun perpulungenta, ula ernalem man cara-cara atau program sidekah si lanai mendukung ibas kebutuhen jabu bagepe perpulungen.

Pdt. Rena Tety Br Ginting-GBKP Runggun Bandung Barat

DIBATA NGATURKEN KULA ALU SERASI
I Korinti 12:20-26

Ibas sada bangunen Gedung si mejile ras kokoh, lit ije erbage-bage bahan bangunen si banci erbahanca bangunen e banci pantek alu mejile ras nteguh. Ibas kerina bahan-bahan e lit semen, batu bata, besi, kersik, seng, kayu, cat tembok, baut, batu galang, kerikil, paku rsd. Kerina bahan-bahan enda i persada guna banci pajek bangunen ndai. Ibas kerina bahan-bahan ndai megati lit iakap bahan si paling penting guna banci ndatken bangunen si mehuli. Umpamana semen na arus simejile ntah pe meherga, cat tembokna arus si paling mbaru. Padahal adi iukurken kai ertina semen si mejile adi kersikna la lit, kai gunana cat tembok si paling mbaru ibas gedung adi baut-baut na lalit, tentu bangunen e banci mbulak.

Ibas bahan Perpulungen jabu-jabu ta paksa enda Paulus nuduhken gambaren kula manusia arah lit na pengangkaan maka lit bagin-bagin kula tertentu simerasa kurang meherga ras la tama bagin ibas mejile na sada kula. Sendalanen ras sie lit ka bagin-bagin kula si “merasa” dirina sangat penting ibas kula, sierbahanca lanai ia perlu kula sideban. Paulus mereken penjelasan maka pengejapen sib age salah ras lanai sue ras tujun Dibata ibas mbuena bagin-bagin ibas sada kula.

Mata ras takal ibas ayat 21 i bandingken/ikontrasken ras tan ras nahe si ncidahken mata ras takal eme hal si meganjang ras tan ras nahe sada hal simetruk. Gambaren posisi kula enda nuduhken posisi kepeminpinen (tuan ntah kalak bayak), janah tan ras nahe nuduhken ku bas perpulungen si pendahinna buruh ntah pe budak. Enda sada contok maka lit pengejapen kalak si erkuasa ras pengejapen i kuasai kalak. Ibas Kor.11:17-34 i cidahken uga perpulungen si bayak “merendahkan” perpulungen si musil. Ibas Lakon Persadaan Sibadia, perpulungen si lit buatenna “merasa” la perlu perpulungen sideban. Kalak enda man ras minem sampai mabuk tanpa merasa perlu nimai kalak sideban. Lit sikap diskriminatif, membanding-bandingken ras milih-milih teman eme sumber perpecahen bas perpulungen.

Paulus ngajarken perpulungen I korinti maka bagin kula si iakap la meherga justru e nge si mehergana “ tapi sebalikna ring-ring si tempa-tempa la megegeh, e nge la la banci lang na” (ay.22). Alu kata sideban Paulus ngajarken bahwa penampilan si le ergegeh/lemah la berhubungen ras “nilai yang sesungguhnya: ibas bagin kula. Nilai si lit ibas kula la tergantung ibas posisi ras bentuk , tapi kerinana mereken fungsi si berbeda simereken kiniersadaan ibas megegeh ras paguhna sada kula. Bagi sada pepetah ngataken:Jangan menilai buku dari sampulnya.

Dibata ngaturken kerina alu serasi, ring-ring si la meherga siakap ibas kula, eme si lebih ipehaga, janah ring-ring simehangke ncidahkenca, si e nge lebih iuisi alu mehuli. Jnah gelah kula e la erbelah-belah, tapi sada-sadai ring-ring e radu seri mperdiateken ring-ring sideban. Kalak si lit ibas status sosial si meganjang menurut ukuren doni (bayak), maka secara otomatis ia ngo ndatken perhatian ibas doni enda nari. Biasana doni enda melala mereken penghormatan, keistimewaan man kalak sim elala erta na, bahkan melala kalak si mengantungkan hidup ku bas kalak si melala ertana. Ibas konteks perpulungen Tuhan, kalak bayak (status sosial tinggi) lanai arusna ndarami, ndatken hal-hal (status sosial) ibas gereja/perpulungen sebab sienda enggo idatkenna ibas doni.

GBKP ibas tanggal 21 juli enggo 78 tahun njayo, ertina ngasup ngeluh mandiri ibas teologia, daya ras dana. Ngawan perpulungen ibas gereja labo seri, beda laatar belakang kegeluhen ras pendahin. Lit tading i kuta she ku kota besar, pendahi ta pe pelain-lain, lit erbinaga, ku juma, pegawai ras pengusaha. Ibas kerina si berbeda enda lalit si la penting man pertumbuhan gereja ta. Perbedaan si lit la jadi halangen untuk terus ndahiken dahin Tuhan. Taanda-tanda perpulungen Tuhan si dewasa eme mpebelin biak kiniersadaan, ras mpekitik perbedaan si lit. Dikune lit ibas runggunta sector-sektor si man sampaten, minterlah si sisampati, adi lit si kurang mari si sampati, ula sipandangi saja, sebab kai ertina lit ibas kita adi lakin radu ras si akapi kiniliten si lit ibas kita raduken ras kerina perpulungenta. Majeken kula Kristus bas perpulungen la banci lit si menonjol ras lalit si merasa la perlu, la pantas (la ngasup) kerina kita sada ring-ring guna majekken kula Kristus.

Pdt. Rena Tety br Ginting-GBKP Runggun Bandung Barat