SUPLEMEN PJJ TANGGAL 12-18 NOVEMBER 2023, 2 PETRUS 3:9-15

BERSIH DINGEN LA ERPANDANGEN (ADVENT)

Teks: 2 Petrus 3:9-15

 

Makna minggu advent sering sekali menjadi kabur, erkiteken ibas minggu advent enda ka nge melala kesibukan-kesibukan guna perayaan Natal. Memang makna minggu advent sebagai minggu -minggu “Nimai ras Ersikap”, rusur kel nge sikataken tapi mekatep persikapen e terjeng persikapen-persikapen guna perayaan.

Sekalak tokoh gereja sitergelar Agustinus, pernah ngataken maka “orang Kristen harus merasakan masa-masa Advent sama seperti orang yang akan tenggelam dan sangat menantikan pertolongan untuk diselamatkan”. Erkiteken mehergana keselamatan si reh e, sebab hanya jika ada orang yang datang turun tangan meolong kita maka kita selamat (anugerah) emaka harus teridah sikap si tuhu-tuhu ngergaken keselamaten e alu mpesikap diri, mbersihken diri, ngambekken biak-biak si erbahanca sia-sia keselamaten si ibereken man banta. Emaka erkiteken situasi enda ka nge maka rusur lit reh penungkunen, “katawari kin Dibata reh peduakaliken? Ija kin Ia?bapa-bapanta enggo mate, tapi kerina bali denga ka nge? (ay. 4). Tempa-tempa enggo ndekahsa siakap. Penungkunen enda mekatep peturah keraguan sierbahanca manusia lanai makeken waktu alu mehuli guna ngelakoken persikapen. Keraguan kerna kebenaren padan kerehen Dibata sipeduakaliken mempengaruhi kesiapen ras ketutusan manusia.

Emaka Petrus arah pengogenta mpersingeti mulihi kerna pentingna kita makeken waktu ras kesempaten alu mehuli. Kerehen Dibata sipedua kaliken eme sada kepastian. Untuk menentukan waktu bukan bagian kita sebagai manusia. Sebab waktu Tuhan berbeda ras waktu manusia. Kerehen Dibata sipeduakaliken bali bagi kerehen pinangko (ay.10). Emaka waktu e ipakeken sebagai kesempaten sope kerehen DIbata e, kesempaten guna erbahan persikapen si mehuli bagi siitekanken ibas ay.14 “Pala-palai gelah kam bersih dingen la erpandangen I lebe-lebe Dibata janah nggeluh alu dame ras Ia”. Erkiteken meherga kel kita ilebe-lebe Dibata maka, la ateNa sada pe kita ikernepken, emaka bahanlah maka kesabaren Dibata e jadi kesempaten guna terkelin. Kata “erpala-pala/ berusaha”, memperlihatkan ada perjuangan yang dilakukan secara terus-menerus supaya menjadi baik, lebih baik dan semakin baik.

Presiden Wiford Woodfuff pernah mengatakan, “sekalipun esok adalah hari kedatanganNya maka hari ini saya tetap akan menanam cherry”.

Tujuan Tuhan datang ke dunia nanti adalah untuk menghakimi dan menghukum orang-orang yang berdosa.  Selain itu kedatangan Tuhan nanti juga untuk memberikan upah kepada orang percaya yang setia sampai akhir. Kedatangan Kristus kali yang kedua itu bukan dongeng, bukan tafsiran, bukan khayalan, namun suatu yang pasti! Jauhkan diri dari segala bentuk kecemaran, sebab Tuhan  "...memanggil kita bukan untuk melakukan apa yang cemar, melainkan apa yang kudus."  (1 Tesalonika 4:7). 

Ada beberapa poin penting si arus silakoken, ibas minggu advent enda eme:

  1. Berjaga-jaga (Mat.25:13)
  2. Bertobat (Mat. 3:2-3)
  3. Tetap berbuat baik (Titus 2:7-8)

Pdt. Sri Pinta Ginting-Rg.Cisalak

SUPLEMEN PJJ TANGGAL 05-11 NOVEMBER 2023, 1 TIMOTIUS 1:11-14

ERBERITA, ERKINITEKEN RAS KEKELENGEN

(Menyongsong Sasaran Pelayanan GBKP Tahun 2024)

1 Tim. 1:11-14

 

Teks PJJ nta minggu enda eme bagin surat siitulis Rasul Paulus man Timotius. Melalui surat enda Paulus ersura-sura lako mpersingeti Timotius segelah Timotius banci nandai wilayah pelayanenna ras ngasup tetap mpertahanken kemurnian Injil ras kekudusan nggeluh erkiteken she kel buena guru-guru palsu alu pengajaren-pengajaren sibanci mabai kita papak. Paulus enggo ningetken maka guru-guru Palsu pasti selalu berusaha memutarbalikkan pengajaren kerna Kristus e. Emaka Paulus pe tegas ngataken maka Pengajaren si tuhu e me Berita Si Meriah si rehna ibas Kristus nari bagi sienggo iajarken Kristus man Paulus bagepe rasul-rasulna guna iajarken ka man kerina jelma. Tujuan dari pengajaren Berita Si Meriah bukanlah hanya untuk menambah pengetahuan mengenal Alkitab saja, melainkan perubahan moral si mbages ibas pusuh nari si teridah ibas nggeluh sikeleng-kelengen, kekudusan, ketulusan hati. Jadi pengajaren e si ialoken e harus teridah ibas kegeluhen moral ras sikap nggeluh si lebih mehuli. Pengajaran e ikataken berhasil Ketika menghasilkan kekudusan ibas nggeluh ras gaya hidup si lebih mehuli. Sebagaiman tokoh Paulus si ndube lenga bertobat, sope lenga ngaloken Berita Si Meriah e, dahinna encekuraki, menyiksa bagepe gombang-gombangi Kristus. E gaya hidup nai sope lenge tek man Tuhan. Paulus nggeluh dengan cara yang seperti itu erkiteken la kin iangkana kai siibahanna e .

Jadi nginget ras ngidah uga ndube cara nggeluh Paulus si la mehuli, emaka rutang akapna rusur guna mereken pengajaren e man kerina kalak aminna pe ietehna labo ia metunggung tapi erkiteken enggo ialokenna lias ate Tuhan e, la atena ngadi guna erberita man kalak sideban. Janah pengajaren siisehkenna e leben enggo I pegeluhna bas dirina alu nggeluh lebih mehuli ras ngena ate DIbata (teladan), bagi pesanna pe man Timotius.

Tahun 2024, si reh, bengket me kita ku sasaren pelayanen “Berkarya dan Berguna Untuk Orang Lain”, janah sasaran tahun pelayanan enda eme kelanjuten ibas tahun pelayanan 2023, Jemaat Menjadi Pelaku Aktif Pelayanan. Hidup berkarya dan berguna hanya bisa dilakukan ketika kita benar-benar menyadari diri kita dipanggil menjadi subjek. Subjek nuduhken pelaku yang bersifat aktif labo pasif. Janah Tema PJJ enda nuduhken 3 dahin siharus ialoken, Erberita ilakoken gelah banci ieteh ras iangkai apai si mehuli ras la mehuli. Gelah pengajaren e mpeturah prilaku nggeluh si lebih mehuli. Kita harus kepate ngidah mbuena kejadian ras praktek-praktek nggeluh sila mehuli si jadi bas sekelewetta. Pembunuhan, judi, narkoba, erlua-lua ras sidebanna menjadi pinakit si arus itambari gelah ula reh kelekna ras reh Buena kalak si terjangkit. Dan pengajaren e perlu I terus iberitaken janah simaba berita pe harus encidahken keteladanen. Erberita eme sada bentuk keleng ateta man kalak sideban. Sebab la ateta temanta e bene ras papak. Emaka sibabai ia ibas dalan nggeluh simehuli. Ibas kita nehken Berita Si Meriah e, pasti melala tantangan, tapi bagi siikataken Paulus ibas ay. 12, maka Dibata Tuhanta Yesus Kristus mereken gegeh man banta ibas ndahiken dahinna. Mari siterusken semangat “kerja menjadi pelaku aktif”, gelah keberadanta banci tuhu-tuhu ernanam ras erguna man itengah-tengah doni enda. Kita bisa belajar dari pensil. Pensil berguna kalo ada tangan yang menggerakkannya. Allah adalah tangan yang menggerakkan kita, dan kita harus siap bergerak kemana saja sang tangan membimbing kita, menulis kata/kalimat dan meninggalkan kata/kalimat untuk bisa dilihat dan dibaca dan berguna bagi orang lain.

 

 

Pdt.Sri Pinta Br Ginting-GBKP runggun Cisalak

SUPLEMEN PJJ TANGGAL 29 OKTOBER-04 NOVEMBER 2023, JOP 42:11

Ogen : Jop 42 : 11

Tema : Mediate Erkade-kade

           

Kita manusia itepa Dibata selaku makhluk sosial si la ngasup nggeluh si sada. Kita perlu kehadiren kalak sideban ibas kegeluhenta guna banci saling melengkapi, mendukung, mpersingetti erpalasken kekelengen. Erkiteken si e ibereken ras ihadirken Dibata man banta keluarga, sangkep nggeluh, teman meriah bagepe kerina kalak si lit isekelewetta sibanci mengisi ras “memberi warna” kegeluhenta arah kehadirenna. Labo saja teman guna ndalani kegeluhen si dem alu perbeben enda (ingan nuri-nuri ntah pe simereken semangat), ntah pe guna saling melengkapi ibas keterbatasen ras pe saling mpersingetti ibas kekurangenta saja tapi pe jadi teman ras inganta guna mewujudnyataken kinitekenta man Dibata arah kegeluhen sikeleng-kelengen.

Seiring ras perkembangen jaman bagepe tuntuten kegeluhen ras kesibuken megati jadi alasen sierbahanca enggo urak kel biak mediate, kepate ras sikeleng-kelengen ibas kegeluhenta genduari enda. Melala genduari si hanya fokus ku bas kegeluhen pribadi ras jabuna saja, nggeluh erjuang kuga segelah keperlun jabu tercukupi seh maka sangkep geluh bagepe sekelewet lanai iperdiateken; dahin-dahin ibas peradaten ras sosial pe lanai idahi bagepe persadan ibas kegeluhenta selaku gereja pe mawen enggo terabaiken. Wari-wari keri ipakeken hanya untuk erdahin, ngataken sibuk, seh maka lit nge deba kade-kadena pe lanai itandaina, termasuk tetangga bahken teman sada gereja pe la nandai ia. Ula lebe nehken penampat ras keleng ate, mereken waktunta saja pe mekatep mberat ras jadi beban siakap. Enggo tempa-tempa maka kita si sibukna ibas kegeluhen enda ntah pe kita me siakap si melalana dahinta bagepe si melalana perjuangen geluhta.

Ogenta nuriken kerna Dibata mpekena ras masu-masu mulihi kegeluhen Jop sindube ngenanami erbage-bage kiniseran. Jope me sekalak si bayak, mehuli dingen malang man Tuhan (Jop 1 : 1). Tapi kerina kebayaken Jop e keri erkiteken “intervensi” Iblis si iijinken Dibata guna muat kerina si lit ibas Jop (erta kebayakenna ras anak-anakna), termasuk pe kesehatenna (daging kulana ugahen) kecuali kesahna (Jop. 1 : 12, 2 : 6). La saja e, tapi ndeharana pe lanai jadi temanna rikut pe ras teman-temanna : Elipas – Bildad ras Sopar pe nuduh ras menghakimi Jop ibas kiniseranna. Ibas kiniseranna e Jop bergumul ras Dibata, janah aminna Jop pernah “mempertanyaken” kuasa Dibata tapi kedungennta isedarina kesalahenna, iakunina keterbatasenna ibas ngantusi ras ngertiken kerina rencana ras perbahanen Dibata ibas kegeluhenna (Jop. 42 : 1 – 6). Ipetangkas Dibata pe man teman-teman Jop maka kai siikatakenna kerna Dibata ras kerna Jop la tuhu, janah e erbahanca nembeh ate Dibata man bana teluna. Emaka isuruh Tuhan kalak enda nehken persembahenna, reh njumpai Jop dingen mindo segelah itotoken Jo pia teluna. Jop notoken teluna temanna e. Kegeluhen Jop pe ipasu-pasu Tuhan janah ibereken Tuhan erta-erta kebayaken dua kali lipat buena asa sienggona. Kesetian ras kebenaren Jop erbahanca ia jadi kalak si menang ibas pengujin dingen ndatken pujin pe ibas Dibata nari. Ibas pengogenta Jop 42 : 11 nuriken kerna kuga senina-senina ras turang Jop bagepe teman-temanna reh ndahi Jop. Ialo-alo Jop ia kerina alu dem keriahen ukur dingen ras-ras ia ije man-man. Icidahkenna pe kemediatenna ras keleng atena nandangi Jop alu nehken kata pergegeh ibas kiniseran si ijinken Dibata jadi ibas kegeluhen Jop bagepe sekalak-sekalak ia mereken duit ras sada cincin man Jop.

Arah Tema PJJnta sekali enda : “Metemue Erkade-kade” ngingetken kita mulihi kerna kuga kin seharusna orat geluhta selaku kalak sierkiniteken, selaku kalak Karo si erbudaya dingen keberadannta selaku manusia selaku mahkluk sosial ibas ndalani kegeluhenta dingen encibalken dirinta. Ula min situasi/ tuntuten geluh ras kesibukennta singatur kita tapi alu penampat Dibata ngasup dingen pentar min kita ngaturken kegeluhenta enda. Emaka lit piga-piga hal sijadi persinget ras perenungen man banta arah bahan PJJnta sekali enda :

  • Arus siinget maka kuga kel gia sikapna kegeluhenta, ntah melala gia ertanta (rumah, mobil, taneh, deposito) tetap nge kita perlu kehadiren kalak sideban ibas kegeluhennta. Alu bage kuga kel pe kita sibukna ntah kuga kel gia buena tuntuten geluhta, la e erbahanca kita la ermediate dingen la kepate nandangi kade-kadenta, sangkep geluhta, teman sada perpulungenta bagepe sekelewetta.
  • Amin pe mawen ibas kegeluhen persadanta baik keluarga, kade-kade, sangkep geluh, teman meriah bagepe lingkungen sekelewetta megati ka nge ije terjadi geseken, perbedaan pemahamen ras pendapat sibanci sierbahanca kita kecewa bagepe sikitiken ukur. E kerina sianggap min jadi sada kebayaken man banta bagepe jadi proses ibas mbentuk kita reh dewasana ibas rukur, ngaloken ras menyikapi kinierbagen kegeluhenta. Ula persoalen sikitik e lalap sipebelin, ula min kita ermenek-menek (dendam); adi lit si kurang payo e lah si man cakapenkenta.
  • Jop la nginget-nginget salah lepak teman-temanna ndube, ngasup ia ngalemisa dingen ertoto kerna teman-temanna. Kita pe arusna bage selaku kalak sierkiniteken, ngasup kita ngelepasken pengampunen dingen dikune kita salah nggit ka kita meteruk ukur ngakui kesalahenta e. Alu bage hubungenta pe tetap mehuli, kedamen ras kesangapen pe ibereken Dibata ku bas kegeluhenta.
  • Tetap min kita jadi kalak si mediate ras kepate ibas kegeluhen enda. Nggit kita jadi kalak si metemue man sangkep geluhta, la kita hitung-hitungen ibas kiniulin ras keleng ate, dikune lit si man sampaten ikut min kita muat bagin ije sue ras kengasupennta ntah si lang-langna hadir kita (arah kehadiren ras kata siipeseh kita pe banci kita nampati kade-kade, sangkep geluh, teman sada perpulungen bagepe sekelewetta)dingen ula kita rayo-ayo tapi seri min siidah ras perlakuanta nandangi kerina kade-kadenta e (sebab megati genduari sibayak niayak bas perkade-kaden e). Kerinana e silakoken erpalasken kekelengen sienggo isuhken Jesus man banta anak-anakna.

1 Timotius 5 : 8 “Adi lit si la mperdiateken kade-kadena, terlebih-lebih keluargana, enggo

   ipersokenna kinitekenna. Jahaten me ia asangken kalak si la tek man Jesus Kristus”

Pdt. Elba Pranata Barus

Info Kontak

GBKP Klasis Bekasi - Denpasar
Jl. Jatiwaringin raya No. 45/88
Pondok Gede - Bekasi
Indonesia

Phone:
(021-9898xxxxx)

Mediate

GBKP-KBD