SUPLEMEN PA MORIA 23-29 JUNI 2024, MAZMUR 128:1-6
Tema :
Jabu Si Malang Man Tuhan
Ogen:
Masmur 128:1-6
Tujun:
- Nuriken ulu kemalemen ate e me ibas Dibata nari
- Naksiken tanda-tanda kemalemen ate arah perukuren, pengerana ras perbahanen
Kebahagiaan entah pe kemalemen ate eme perayaken ibas tep-tep jabu. Adi ibas konseling pranikah isungkun kai nge tujun/arapenndu erjabu ningen man calon pengantin maka jawabenna eme “Kebahagiaan”. Tapi apakah memang tuhu, kerina keluarga ndatken kebahagiaan/kemalemen ate, kai kin sukat-sukat kemalemen ate, kai si arus silakoken segelah malem ateta bas jabunta. Penungkunen enda menjadi perenungen bersama man banta ibas mpebagesi bahan PA bersamanta wari enda.
Bahan PA nta ibas kitab masmur 128 eme nyanyian ziarah sirusur iendeken kerina peziarah singelakoken perdalanen ku Yerusalem, si berisi toto/pengharapan kerna pasu-pasu man ku bas jabu. Arah masmur enda teridah tuhu uga belinna ketedehen ate guna ndatken pasu-pasu/kemalemen ate ibas jabu.
Ibas pasal 128, kata “berbahagia/bahagia” ditulis sebanyak telu kali. Kata 'berbahagia' ibas teks Ibrani eme “ezer”, siertina diberkati secara jasmani maupun rohani. Emaka guna sie si harus lit ibas kerina anggota keluarga eme “Takut akan Tuhan” (ay.1). Takut akan Tuhan berarti lit kepatuhen ras ketaatan ibas kegeluhen kerina angota keluarga. Kemalemen ate labo dahin/tanggung jawab sekalak saja bas jabu e, tapi harus jadi tujuan/perayaken kerina anggota keluarga subuk bapa, nande ras anak-anak. Nggeluh erkemalangen man Dibata berarti lit kerelaan si turah bas pusuh tep-tep anggota keluarga guna ndalanken perentah Tuhan.
Kemalemen ate labo idatken ibas erta simelala, pemeteh simeganjang tapi kemalemen ate bas jabu turah ibas dasar/pondasi nggeluh erkiteken erkemalangen man Tuhan. Kalak si erkemalangen man Tuhan pasti ngasup nggeluh siergan bagepe sihamaten ibas perbahanen bagepe pengerana.
Kalak si nggeluh erkemalangen man Tuhan ngasup membedaken apai simenjadi hakna ras siapai si labo hakna. Emaka ibas ngaloken ulih pendahinna, silabo hakna labo ia nggit muatca ras man kenca tapi si jadi baginna aminna pe sitik. jadi sada keriahen bas pusuhna guna ibas man kenca. Emaka ibas kai pe ratur perdalanen jabu e erkiteken erkemalangen man Tuhan.
Tole pe alu lebih rinci ituriken ibas masmur enda uga gambaren sekalak ndehara (ay.3) sierkemalangen man Tuhan. Dua kali bahan PA nta bulan enda nuriken kerna uga belinna peranan sekalak ndehara bas jabu. Ndehara eme mahkota man perbulangen, batang anggur si meramis buahna. Batang anggur eme tanaman si penting man bangsa Israel. Memiliki kebun anggur nuduhken bahwa kita memiliki sarana/jaminan guna menjamin kebutuhen ras kegeluhen jabu. Dan kebun anggur si meramis buahna eme lambang kemakmuran. Jadi memiliki ndehara sierkemalangen man Tuhan, eme kebayaken si mereken kegeluhen. Emakalit sada kata bijak ngatakenca maka, “senyuman seorang isteri, seperti air yang menyejukkan di musim panas”. Senyuman sekalak nande/ndehara saja pe she kel belinna, mereken ketenangen bagepe kedamen. Emaka kai pe si jadi bas jabu e, dengan memiliki ndehara si erkemalangen man Tuhan pasti erbahanca jabu e megegeh ras dame.
Hal sipeduaken eme kerna anak-anak sierkemalangen man Tuhan ibarat tunas batang saitun isekelewet mejana (ay. 3). Jika pohon zaitun hampir mati atau ditebang, maka tunas baru akan tumbuh. Jumlahnya bisa mencapai lima batang pohon baru yang bermuculan di seputar induknya. Penggambaren “bagi tunas batang saitun isekelewet mejana”, melambangkan anak-anak sierkemalangen man Tuhan sitetap megegeh, kuat, kokoh ras memiliki kedekatan ras orangtuana. She maka dikune lit tantangan/godaan anak-anak tetap megegeh ras la nggit ngikutkenca erkiteken paguh ras memiliki hubungen si mehuli ras orangtuana. Emaka iangkaina uga perbahanen/pengerana si mpeturah kemalemen ate man orangtuana. Anak eme nagin sipenting bas keluarga. Prilaku ras perbahanen anak, ikut menjadi unsur penting guna mpeturah kemalemen ate/kebahagiaan bas jabu. Sikap-sikap menghormati orangtua, menghargai aturen bas jabu, bagepe komunikasi simehuli ras orangtua, mediate nandangi persoalen bas jabu, mpedauh diri ibas pergaulen si la mehuli eme penjabaren cara nggeluh anak sierkemalangen man Tuhan.
Emaka adi selaka dilaki/perbapan, memiliki ndehara ras anak-anak sierkelemalangen man Tuhan eme jadi pasu-pasu man bana. Saja sie pe labo terlepas ibas kecibal bapa si jadi contoh man jabu.
Dikune kerina anggota keluarga ngelumbaken biak nggeluh erkemalangen man Tuhan maka pasti melem kel ate. Keluarga Kristen sierkemalangen man Tuhan, bukan keluarga tanpa masalah/pergumulan sebab tep-tep jabu pasti punya masalahnya masing-masing. Emaka bagi majekken rumah ka nge enda, adi palasna enggo benar maka angin ras udah meter labo banci ngeruntuhken rumah enda. Kelebihan ras kekurangan tep-tep anggota pe pasti lit. tapi ingetlah maka kehadiran kita juga berfungsi guna menyempurnakan yang lainnya. Emaka hari siayaki kemalemen ate gelah jabuta pe malem atena alu ngelumbaken biak-biak nggeluh erkemalangen man Tuhan.
