SUPLEMEN PA MORIA 02-08 JUNI 2024, KUAN-KUANEN 12:4
Ogen :
Kuan-kuanen 12:4
Tema :
Jadi kemuliaan Perbulangen
Tujuan:
- Gelah Moria niksiki perbahanen si mehuli si jadi kemulian ras keriahen perbulangen
- Mpertahanken diri jadi ndehara si mehuli
Kata Penaruh
Kita tentu nginget keberadan diberu (Hawa) itepa Dibata eme guna jadi “Penolong” man perbulangen (Adam). Keberadan penolong nuduhken maka kehadiren ndehara memiliki pengaruh si mbelin bas kegeluhen sekalak perbulangen. Teks PA nta wari enda pe menggambarkan diberu/ndehara bali bagi sada mahkota. Mahkota biasana ibahan dari emas, perak, logam mulia, berlian ras permata. Janah biasana mahkota itamaken ibas takal manusia. Mahkota si mejile menjadi lambang sinuduhken keduduken, kehamaten bagepe kemulian kalak simakesa. Bage me iarapken kehadiran sekalak ndehara nandangi erbulangen. Guna si e kai siarus silakoken?? Bahan PA nta nuriken piga-piga poin sipenting lit ibas diri sekalak ndehara segelah kehadirennta jadi pasu-pasu simaba kehamaten ras kemulian man perbulangen.
Mpebagesi Pengangkan Kerna Ogen
Ibas pengogenta “Ndehara si mehuli (Ind: istri yang cakap/ a woman of valor), ibas bahasa ibrani eshet khayil siertina kekuatan, keperkasaan, efisiensi, kekayaan ras tentara. Arah definisi enda teridah maka istri yang cakap eme diberu siberbakat dan sukses, singasup ngatuken jabuna ras kerina dahin-dahinna bas usaha bagepe social/masyarakat. Istri yang cakap alu mbages ituriken ibas Kuan-kuanen 31:10-31, enda me pedah sipeseh nande Raja Lemuel man anak-anakna, terlebih lebih kerna Ndehara si cerdik. Ndehara si cerdik/istri yang cakap ibenai alu biak kegeluhen si erkemalangen man Dibata. Medak erpagipagi, ngatuken jabu ras anak-anakna, nggit mengembangken diri alu keterampilen si lit ibas ia, sikap kerina pendahin itengah-tengah jabu alu nikapken kerina keperlun bas jabu. Tep-tep wari nikapekn pangan, ngajari anak-anakna, nggit nampati man kalak di seban. Tep-tep ranan sibelakenna pe mnpeturah kemalemen ate man kalak sideban. Emaka diberu sierkemalangen man Dibata patut ndatken pujin erkiteken enda me bena-benana/palas persekolahen simpeturah biak-biak simehuli eme kiniteruken ukur guna ndatken kehamaten (Kua. 15:33)
Kalak sierkemalangen man Tuhan, meteruk ukur, emaka idatca kebayaken, kemulian dingen kegeluhen (Kua 22:4). Alu kata sideban Istri yang cakap pasti memiliki sifat yang bijaksana dan rendah hati emaka nande Lemuel pe ngataken maka ibas Kua. 31:10, “Andiko she kal serana muar ndehara si cerdik! Sabab ndauh kali a ergan asangken permata.” Jadi pasti kalak si ndatken ndehara si cerdik malem kel atena, erkiteken idatkenna kehamaten, si la banci idatken alu duit tapi hanya banci sialoken tupung ndehara nggeluh erkemalangen man Tuhan.
Sebalikna maka ndehara sinjuruken, bali bagi pinakit kanker. Pinakit kanker eme pinakit simengerogoti kula alu manjar-manjar, mematikan alu manjar-manjar. Emaka ndehara sinjuruken, kerina perbahanen pe mabai kiniseran/kinirugin man dirina bagepe man kalak sideban sebab itulakna kepentaren (Kua. 9:12). Kebodohen bali bagi diberu si pet kal ngerana si la meteh mela (Kua 9:13), ibr: Riuh berarti mengerutu, mengeluh. Adi nina kuan-kuan kalak karo “lebih pet ngerana asangken erdahin”, apalagi ranan si belasken eme ranan si la erketentun. Emaka kalak sindeher ras ia pe tep-tep wari ikelilingi situasi si labo mehuli, sebab nina karakter diri kita sangat dipengaruhi oleh circle yang dekat dengan kita. Emaka kita pengerana pe menekanken “ertemanlah ras kalak si maba kiniulin man kalak sideban”, gelah geluhta ola sia-sia. Dikune sekalak perbulangen ndatken ndehara alu karekter sinjuruken, maka labo idatkenkenna kemulian/kemalemen ate sebab rusur ke ipermaluken alu perbahanen bagepe pengerana ndeharana. Emaka alu bage maka ulih ndehara si cerdik ras ndehara sinjuruken ibas Amsal 14:1, “Perempuan yang bijak mendirikan rumahnya tetapi yang bodoh meruntuhkannya dengan tangannya sendiri”.
Pengkenaina
Karakter manusia selalu diproses ibas kegeluhen, karakter si mehuli akan semakin terbentuk seiring nggeluh erkemalangen man Tuhan ibahan jadi palas ibas kegeluhen. Sebab lit dua hal sibanci merubah karakter diri manusia eme kiniteken dan pendidikan (formal dan informal). Karakter simehuli pasti memberikan dampak simehuli man kalak sideban sindeher ras ia, apalagi sekalak ndehara. Keberadan ndehara/pernanden she kel pentingna bas jabu. Adi iukuri she kel mbuena tanggung jawab siarus idahiken sekalak ndehara tep-tep wari. Tapi bagepe rusul kel nge kehadiren ndehara labo pernah ipujiken. Amin bagepe labo e sada alasen guna ngadi ngelakoken simehuli. Sada kata bijak ngataken, “Senyum seorang ibu di dalam keluarga seperti mata air yang menyejukkan”.
Satu senyuman saja begitu luar biasa gunana bas jabu apalagi perbahanen-perbahanenna si mehuli. Emaka mari tetap ergiah-giah njagai ras ngeluh erkemalangen man Tuhan segelah tole reh mbuena kiniulin siteridah ibas geluhta, maba keriahen man perbulangen bagepe anak-anakta.
