SUPLEMEN PA MORIA TANGGAL 27 MEI - 02 JUNI 2018, OGEN I PETRUS 2:11-17
Tema :
Itandai arah Perbahanen si Mehuli
Semal adi sitandan kita sibelasken gelar, ingan tading, status erjabu entah langa…rsdna. Bagi kita kalak Karo ertutur lebe man sesekalak adi langa kita sitandan ras. Sitandan sehkal pentingna sabab ijenari banci lit hubungen komunikasi entahpe pertemanan ras kalak sideban. Erbuena sitandai kalak erbelangna komunikasi ras sapih-sapih jelma sienterem.Tapi nandai ras itandai kalak la terjeng ipepayo arah gelar ras identitasna saja. Megati ibas geluh sitep-tep wari banci saja sijumpai sesekalak aminna gia langa kita sitandan, tapi nggit ia nampati. Umpamana,asums idatasi motor lanai lit ingan kundul, minter sesekalak keke tedis ia, jenari iberena inganna kundul e man banta. Bagepe adi la pang kita ngepar ibas dalan simelala motor, alu la sieteh reh sesekalak ikeparkenna kita, ras melala tole kejadin sidebanna. Adi sipepayo, enggo kin lit kita nampati kalak aminna gia langa ia sitandai? Adi nampati kalak sienggo kita sitandan ras, enggo bage kin arusna nggeluh.Tapi kuga man kalak silanga sitandai? Ngelakoken perbahanen simehuli jadimin salah sada biak nggeluh si la erndobahen nandangi isepe. Seh kubas nehken sada-sada tanggungjawab pe arus ilakoken alu mehuli. Alu bage arah pembabai cara simehuli, ijenari me reh itandaina kalak banta.
Pdt. Merry Tatuwo
GBKP Perpulungen Makssar
