SABTU 16 APRIL 2022, KHOTBAH 1 PETRUS 4:1-8 (SABTU PENGHARAPAN)

Invocatio:

Pengarapenku man Dibata bali ras pengarapen kalak enda maka lit nge kekeken I bas simate nari, subuk kalak sibujur bagepe kalak silabujur (Perb.24:15)

Ogen   :

Job 14:1-14(Responsoria)

Tema   :

Nggeluh Bagi Si Ngena Ate Dibata

 

1. Kata Perlebe

La sigejap nggo ka kita seh kubas sabtu pengarapen, ija gereja I babai ngerenungken uga kerna keselamaten sienggo iban Jesus arah kematen-Na guna dosanta. Sabtu pengarapen (sabtu sunyi) e me kenca kita kebaktin Jumat simbelin, i ja gereja i babai lako tetap njagai ketenengen. I bas kebaktin sabtu pengarapen enda, gereja ngejapken ras sekaligus mengenang kesendirian Jesus i bas kuburen bagepe uga kita ibabai lako ngukuri keleng ate Jesus Kristus i kayu persilang. (Rasid Racman,Hari raya Liturgi,73).

Wari enda, kita selaku ngawan niperpulungen ras serayan uga muat bagin I bas kematen Jesus. Siertina maka kematen Jesus jadi kematenta i bas dosanta, ras kekeken-Na mereken kegeluhen simbaru man banta sijadi pengarapenta man ba-Na.

2. Pebagesi teks

• Latarbelakang ras tujun surat 1 Petrus

- Surat sipemena arah dua surat siisuratken Petrus iakui Petrus isuratken I bas penampat Silas (Yun.Silvanus) selaku juru tulisna(bnd.1Petrus 5:12). Litpe tujun surat enda itujuken man kalak sireh tandang ras merap marpar ikerina wilayah Propinsi Asia kitik kekaisaren Romawi (1 Petrus1:1).

- kemungkinen iantara kalak sitandang e lit kalak sienggo jera ras sinanggapi kotbah petrus I bas wari pentakosta ras nggo mulih kukutana sekalak-sekalak alu kiniteken simbaru.(Perb.2:9-11).

-kalak sitek iikataken ijenda e me kalak pertandang atau kalak sireh(1 Petrus 2:11) lako ningetken maka perziarah kalak enda banci saja ndatken kiniseran ras penganiayaan bagi sinihadapi Jesus arah doni enda. Alu kesimpulen litpe tujun isuratken petrus suratna enda selaku tanggapen kerna laporen kalak sitek i Asia kitik kerna litna perlawanen I bas kalak Kristen(1 Petrus 4:12-16).

-petrus nuartken surat pengarapen sidem alu keriahen enda segelah kalak sitek man Jesus mereken bimbingen praktis man kalak singgo ndatken kiniseran simberat. Petrus mbiar adi kalak sitek mpekeke ke lasenagen pemerentah ras mereken nasehat man kalak Kristen gelah ngikut keteladanen Jesus Kristus I bas kiniseran.

• Tafsiren

-Sope nats oratenta I bas 1 Petrus 4:1-8 enda, Petrus nuriken kerna kiniseran Kristus selaku teladan kalak sitek, genduari ijelaskenna mekai erti kiniseran I bas nggeluh erkiniteken selaku kalak sitek man Jesus. Adi nggo lit kalak sitek ngasup ngalaken kiniseran -secara kula erkiteken kebenaren, berarti kalak sibage ngasup nggalari erga alu tujun gelah badia. Alu kata sideban Petrus ngajuk kalak sitek lako erjuang I bas kebadian aminna pe arus ndatken kiniseran secara kula.( ayat2).

-Bagepe nina Petrus, man kalak si masuk kubas perkuah ate Kristus, kalak sibage arus nadingken dosana, kaipe siterjadi (ayat 3,4). Ibas ayat 5, Petrus nggo ningetken soal kalak singgeluh ras simate, kerina pasti i hakimi Tuhan. Ras I bas ayat 6, Petrus ningetken kerna kalak sitek (erkiteken kinitekenna) I hakimi ras iukum mate. Bali halna ras Kristus, kalak sitek banci I pemate kulana, tapi kesahna lang. lit pe sinimaksudken Petrus ijenda e me, penilaian terakhir kualitas nggeluh kalak sitek la banci iukur alu kula ntah pe doni enda, tapi arus lit prinsip kebenaren Tuhan I bas kata-Na. manusia banci munuh kula, tapi lalit sibanci muat kinitekenta ntahpe nirangken kita ras keleng ate Tuhan. Ayat 7-8, mabai kita uga kita engkuasai dirinta ras tetap erpengendes man Tuhan saja, tetap ertoto bagepe ncidahken kelenga ate sebab keleng ate namburi dosa.

-Ogenta Jop 14:1-14, nuriken uga kiniseran si mesangat siinanami Jop sierbanca turah perukurenna lako milih kematen I bas ndungisa, tapi keduangenna idatna me dalan e me tatap erpengarapen bas kiniseranna. Kiniteken Jop labo turah bage-bage saja tanpa litna proses erkiniteken man Tuhan. Pengarapenna mabai I mulihi tek man Dibata. Maka bas paksana pagi kekeken ras kemenangen jadi I bas kita. Bagepe I bas invocation, Paulus nuratken litna pengarapen kerna kekeken I bas simate nari subuk kalak sibujur bagepe kalak sila bujur, kerina nge pagi ipekekena lako I hakimi-Na.

3.Pengkenaina

1. Rikutken kata Dibata enda, I babai kita lako nggeluh bagi singena ate-Na, aminnape genduari kita lit ibas situasi krisis, baik ekonominta, kesehatenta ras kiniseran erkiteken doni enda.
2. paksa kita mate kerna doni enda, Jesus Kristus menyataken diri-Na I bas dirinta. Ertina “hanya setelah hidup lama kita mati, Kristus bangkit di dalam diri kita, orang disekitar anda hanya melihat tubuh jasmani kita, tetapi manusia batiniah kita akan menjadi pribadi yang sama sekali berbeda. ertina kalak siisekelewetta ngidah kesaksin kalak Kristen simaba dame ras kemalemen ate.
3. sabtu pengarapen enda I babai kita salu tema: Nggelu Bagi Singena Ate Dibata, siertina uga kita tetap ngelumbaken kegeluhen singena ate Tuhan. Sebab la sia-sia pengarapenta kerna Kristus guna keselamatenta. Tetap erjuang I bas kinitekennta bali halna bagi kalak siikut lari marathon. Sipenting labo kubas uga menakennca tapi uga kita ndungisa. Selamat sabtu pengarapen.

                                                                                    Pdt.Walder Mazmur Ginting,M.Th - Rg. Karawang