SUPLEMEN PEKAN KELUARGA GBKP WARI IV, KHOTBAH I TESALONIKA 2:7-12

Invocatio : O anak-anak si kitik denga, kusuratken enda man bandu, sebab itandaindu bapa. Kusuratken enda man bandu orang tua, sebab itandaindu Ia si enggo lit ope denga tembe doni enda. Kusuratken man bandu si nguda denga, sebab kam megegeh; kata Dibata ngeluh ibas kam janah enggo italukenndu si jahat. ( I Johanes 2:14 )

Ogen        : I Samuel 2 :18-22

Tema       : Orat Geluh Bapa Nande Kempak Anak

---

 

1. Invicatio : I Yohanes pasal 2 ngerana kerna orat ngeluh kalak sit ek sierdalan ibas terang. Baik anak-anak, orang tua, kalak si nguda kerina menundukka diri kempak Dibata. uga kerina kalak sitek man Dibata baik anak-anak, orang tua ras kalak singuda kerinana menundukkan diri kempak Dibata. kalak singuda banci ngatasi si iblis eme erkiteken kata DIbata tading ras ngeluh ibas dirina. Ilakokenna kai sijadi sura-sura Dibata sitersurat ibas kataNa.
2. Ogen nuriken kerna Samuel, Hana, Elkana ras imam Eli. Samuel mulai kitik-kitikna nari enggo ia erdahin ibas rumah pertoton sebab bage kin ndube nazar nandina Hana sewaktu Hana mindo pupus man Dibata. Emaka kenca she waktuna Hana naruhken Samuel ku Silo guna erdahin ibas rumah pertoton. Asum kitik denga pe Samuel terus ia erdahin ndahiken dahin Tuhan. hal enda ngataken maka Samuel tutus ia ibas ndahiken dahin Tuhan amin pe ia kitik denga alu make baju si badia ibas lenen nari. Amin pe ia tading I Silo ibas rumah pertoton perhatian nandena Hana labo urak tapi Hana tetap nehken keleng atena man Samuel alu mereken bajuna setiap tahunna man anakna Samuel setiap perbulangenna lawes ku Silo guna ersembah. Hubungan anatara nande, bapa ras anak-anak tetap lit amin gia la ia tading ibas sada rumah. Ngidah perbahanen Hana ras Elkana singgo mereken anakna Samuel jadi sierdahin ibas rumah pertoton emaka imam Eli masu-masi ia alu nina “ mbera-mbera ibereken Tuhan man banndu anak tole arah ndeharandu enda jadi gancih anak si enggo iendeskenndu man BaNa”. janah kenca ia mulih ku kuta, Tuhan masu-masu Hana alu mupus telu anak dilaki ras dua anak diberu.

3. Prikop I Tesalonika pasal 2 pernyataan Paulus I jenda labo guna membela dirina tapi guna menegasken bahwa usaha ras perjuangen Paulus ras teman-temanna adalah semata-mata ibas Tuhan nari. Tuhan nge si milih ras ndilo Paulus ras teman-temanna sebagai pemberita injil labo erkiteken usaha manusia tapi hanya erkiteken perkuah ate Dibata.

Ibas prikopta I tesalonika 2:7 Rasul Paulus ngatkenca maka asum ia itengah- tengah perpulungen ia melias bagi sekalak nande nandangi anakna. Enda teridah arah rasul Paulus meriah ukurna ibas meritaken berita simeriah man perpulungen tapi pe mereken dirina jine man perpulungen e. Keleng ate eteridah arah pendahinna suari ras berngi gelah ola ia jadi tanggungen perpulungen. Ayat 7-9 enda igambarken kerna nande sidem keleng ate simereken geluhna pe kempak anak-anakna. Dalam artian mau berkorban guna anak-anakna ras gelah ula jadi beban man anak-anakna.

Ibas ayat 9-12 ije igambarken rasul Paulus dirina ras teman-temanna bagi sekalak bapa man perpulungen. Prinsip kebapaan rasul Paulus sinicidahkenna eme :

• Sekalak bapa harus bekerja keras guna anak-anakna.

Ay 9.. o senina-senina, tentu ingetnndu denga kelatihen kami erdahin. Paulus mengajak perpulungen Tesalonika akan jerih lelah ibas ia meritaken berita si mehuli. “ton kopon hemon kai ton moxthon”. “Kopon” siertina bekerja dengan sangat sengsara atau menekannkan rasa letih yang luar biasa. Keletihan yang amat sangat. Sedangken kata “ moxthon” ertina dengan bekerja sangat keras seperti buruh yang bekerja dan mengalami kesulitan serta menyiratkan suatu bentuk pengeluaran energi dan usaha yang besar. Hal e encidahken kelatihen situhu-tuhu sinialami rasul Paulus. . Ciger wari ia erban tenda ras berngi ia meritaken berita simeriah. Jadi rasul Paulus tuhu-tuhu kerja keras suari ras berngi meritaken berita simeriah ras gelah ula jadi beban perpulungen.

• Sekalak bapa harus jadi teladan hidup dalam kekudusan

Ibas ay 10 “kam me saksi kami, bage pe Dibata; lagu langakah kami man bandu…..”. ayat enda jelasken tentang uga sekalak bapa jadi teladan man anak-anakna. Ia ndiko perpulungen gelah ngidah setiap lagu langkahna gelah jadi saksina bage pe ngundang Tuhan guna jadi saksina ibas lagu langkahna sila teridah,maksudna eme kai silit ibas ukurna silateridah manusia. Arah enda ngatakenca buktikenca maka Paulus e ngeluh alu benar sesuai ras kata Dibata bahwa ia ngeluh bujur dingen la ersalah. Ibas perjanjian baru nuriken maka cukup dua kalak saksi. Emaka nina rasul Paulus kam jadi saksi kami ras Dibata. Dibata jadi saksi eme kerna tindakan sila teridah silit ibas ukur manusia. Adi perpulungen e jadi saksi ibas perbahanen siteridah arah pengkebet geluh rasul Paulus ras teman-teman. Alu bage maka teridah tuhu-tuhu kai siniukurken ras kai sinilakoken rasul Paulus ras teman-temanna. Hal enda pe situhuna ngatkenca man si atena menyerang rasul Paulus bahwa ia ngelakoken sibenar la ersalah, la ercacat.

Kata Yunani sinipake eme “hagios” siertina suci, kudus, hidup yang sesuai dengan tata etika Allah, dan kata ini menggambarkan keadaan moral yang memiliki kualitas yang superior.

Kata berlaku adil ibas kata Yunanina “dikaios” siertina benar. kata ini mengarahkan suatu kualitas hidup yang benar dan adil sesuai kebenaran Allah. hidup benar kepada Allah harus seimbang dengan hidup benar kepada sesame

Kalau kata tidak bercela ipake kata “hamemptos” ertina tida bercacat. Bahwa kehidupan rasul Paulus tidak bisa ditemukan suatu kesalahan bahkan para musuhnya yang selalu mencari-cari kesalahan dia namun tidak dapat membuktikan bahwa Paulus bersalah. Jadi banci isimpulken maka Paulus benar-benar banci jadi teladan man kerina kalak sitek I Tesalonika. Ije me teridah konsep kebapaan sebagai teladan.

• Sekalak bapa harus peduli man anak-anakna.

Ayat 11-12 “ietehndu kai sibahan kami…bali ras perbahanen sekalak bapa nandangi anak-anakna. Iajuk kami kam dingen ipetetap kami ukurndu, bage pe ipindo kami kam gelah nggeluh rikutken singena ate Dibata…”ibas bagian enda 3 telu prinsip penting tentang kebapaan eme ibas pertumbuhan sekalak anak ras obas pembentuken sesekalak ibas Tuhan. kata-kata harus banci memenuhi setiap kebutuhan eme kata-kata guna nasehat, kata-kata guna menguatkan, kata-kata guna mindo/memohon.

Membangun waktu secara khusus guna menasehati secara pribadi ras guna mengembangkan hubungan pribadi. Kata sinipake rasul Paulus eme “parakalountes” siertina terus-menerus. Terus menerus menasehati. Ertina terus menerus iingetken rasul Paulus guna tetap ngeluh badia. Bage ka pe kata “paramuthoumenoi” si ertina terus menerus menguatkan. Hal e ilakoken gelah perpulungen e memegeh ras tambah daya dan tetap ngasup ngalaken kerina perbebenna. Ras kata “marturomenoi” ertina terus-menerus memohon dengan sangat.memohon dengan khitmad bukan dengan paksaan gelah ngeluh sue ras sura-sura Tuhan. gelah alu bage perpulungen Tesalonika ngenanami kemalemen ate ibas kinirajaan Tuhan.

PENGKENAINA:

Keluarga ibentuk Dibata ije lit bapa, nande ras anak-anak. Kerina terhubung sada ras sidebanna ras iikat oleh ikaten sibereken Dibata eme sada keluarga, peran bapa ras nande man anak-anakna she kel belinna. Keluarga e menjadi tempat persemaian iman guna menumbuhken iman itengah-tengah kegeluhen anak-anak. Emaka banci ikataken maka orang tua adalah pengaruh utama ibas perkembangen kiniteken anak-anak, perkembangen penandaina nandangi kegeluhen ras pelajaren ngeluh ersosial. Emaka cara ngeluh bapa ras nande ibas ngepkep anak-anakna harus ipergermetken gelah tuhu-tuhu arah orat geluh bapa ras nande tuhu-tuhu membangun karakter simehuli man anak-anak.

Orat ngeluh siarus ilakoken bapa ras nande arah 3 teks bacaanta eme

1. Melias (penuh kasih). Kata sinigambarken ndai eme la terjeng ngerana ngataken keleng ate tapia rah sikap hidup si mereken dirina sendiri guna kiniulin anak-anakna. Berkorban tanpa pamrih. Janah hal enda teridah arah Hana nandangi Samuel sitep-tep tahun iberekenna baju man bana sewaktu kunjungan ke Silo. Ndauh pe anakna Samuel tapi lalap ia rukur guna nehken perhatian ras engkelengisa.

2. Peduli man anak-anakna. Rasul Paulus memakai 3 prinsip ibas perpulungen Tesalonika eme menasehati terus-menerus, menguatkan terus meneru ras memohon dengan sangat. Ertina telu hal enda perlu ilakoken sekalak bapa man anak-anakna eme terus menerus inasehati. Kata nasehat ndai adi senen kubas penjelasen idatas berbeda ras merawa-rawa entah jungut-jungut. Tapi secara pribadi terus menerus ikataken seh anak e ngasup ngangkaisa ras ngelakokenca alu meriah ukur. Bage ka pe menguatkan terus menerus. Sebab melala si jadi pergumulen anak-anakta perlu kel ia pengaten ibas bapana atau orang tuana nari. Saja maun sanga perlu ia e ibas pergumulenna e melitlah kita orang tuana guna pegegehi ia. Bage ka pe memohon alu hikmat bukan memaksa agar ia melakukan kehendak Allah.
3. Orang tua menjadi teladan man anak-anak ibas kekudusan ngeluh

Bagi silakoken Paulus man perpulungen ,aka ibas ukur ras perbahanenna tuhu-tuhu ngeluh ibas kebenare. Sebagai orang tua kita pe menjaga kegeluhenta baik ibas pengerananta, pertemanenta (sosialitasta), perukurenta gelah tetap ibas si sue ras sura-sura Dibata.

4. Orang tua jadi teladan man anak-anak ibas kerja keras.

Arah kerja keras silakoken orang tua man anak-anakna baik guna kebutuhen kelaurga ras guna kegiatan-kegiatan gereja banci jadi teladan man bana.

Sijagalah hubungenta si mehuli ras anak-anakta. Amin pe generasita ras ia she bedana. Saja alu melala erlajar ras melala erpengendes amn Dibata maka kai silakokenta si mehuli ibas geluhta banci jadi simehuli man anak-anakta atau generasita.