Suplemen Bimbingan Khotbah Pekan Kebaktian Keluarga Wari V, Tgl.19 November 2015
Invocatio :
Kubaba ateku baNdu persembahen pengataken bujurku, janah kuertoto man baNdu
( Masmur 116:17 )
Ogen :
Perbahanen rasul-rasul 5: 1-11
Khotbah :
1 Samuel 1 : 1-4
Tema :
Jabu sinehken persembahen alu payo
Senina ras turang sinikelengi Tuhan Jesus….
Kai nge palas ibas kita nehken persembahen ?
Palas nehken persembahen eme pengataken bujur man Dibata erkiteken pemereNa. Ibas 2 Korinti 9 : 10-14 ikataken : Dibata nikapken benih man kalak simerdang bagepe nakan si man pangan. Ia sinikapken benih si iperlukenndu. Ia ka nge sipeturah benih e dingen simereken ulih erlipat ganda….Dibata erbahanca kam bayak ibas kai pe…..,PemereNa si la terkataken nari uga ulina”. Nehken persembahen eme “ buah kiniteken” kalak sitek man Tuhan Jesus nggejabken maka Ia nggo iselamatken.Kam nggo itukur Dibata alu mehergakel” ( 1 Korinti 6 : 20 )Kam itebusi alu dareh Kristus simeherga……. ( 1Petrus 1 : 19 ).Nehken persembahen silakoken erkiteken sigejabken nggo ipasu-pasu Tuhan geluhta,pemereNa simpar man banta. Ibas liturgy gerejanta GBKP nehken persembahen semal ilakoken kenca khotbah ntah pe kenca dung lakon siBadia ( Sakramen ) sebage tanda maka enggo leben sialoken perkuah ate Dibata emaka sialoi alu reh kita ngataken bujur kuadep-adepenNa.
Palas nehken persembahen eme pengataken bujur man Dibata erkiteken pemereNa. Ibas 2 Korinti 9 : 10-14 ikataken : Dibata nikapken benih man kalak simerdang bagepe nakan si man pangan. Ia sinikapken benih si iperlukenndu. Ia ka nge sipeturah benih e dingen simereken ulih erlipat ganda….Dibata erbahanca kam bayak ibas kai pe…..,PemereNa si la terkataken nari uga ulina”. Nehken persembahen eme “ buah kiniteken” kalak sitek man Tuhan Jesus nggejabken maka Ia nggo iselamatken.Kam nggo itukur Dibata alu mehergakel” ( 1 Korinti 6 : 20 )Kam itebusi alu dareh Kristus simeherga……. ( 1Petrus 1 : 19 ).Nehken persembahen silakoken erkiteken sigejabken nggo ipasu-pasu Tuhan geluhta,pemereNa simpar man banta. Ibas liturgy gerejanta GBKP nehken persembahen semal ilakoken kenca khotbah ntah pe kenca dung lakon siBadia ( Sakramen ) sebage tanda maka enggo leben sialoken perkuah ate Dibata emaka sialoi alu reh kita ngataken bujur kuadep-adepenNa.
Uga nehken persembahen sipayo ?
Rikutken 1 Samuel 1 : 1-4, ituriken kerna Elkana sekalak situtus ersembah ras nehken persembahen man Tuhan. Ketutusen Elkana ersembah ras nehken persembahen teridah arah kesetiaanNa ibas ngelakokenca eme “ Tiap tahun” ( bhs Ind : dari tahun ketahun ).Elkana nehken persembahen alu teratur, lalap ilakokenna. Itengah-tengah gerejanta GBKP situhuna nggo ibabai kita gelah ratur nehken persembahen siilakoken tep-tep ersembah al : persembahen ibas kebaktin-kebaktin gerejanta ( kebaktin minggu, PJJ, PA, rsd ) persembahen kerja rani ( sekali setahun ), persembahen persepuluhen. Selain siniaturken gereja situhuna melala alasen guna kita reh nehken persembahen alu teratur man Tuhan adi sigejab mbue pemereNa man banta al : Hari ulang tahun tambah umur, HUT perjabun, tamat sekolah, dat dahin, anak tubuh, rsd . Arah kai siilakoken Elkana, jadi penungkunen man banta enggo nge kita nehken persembahen man Tuhan, banci jadi jawabennta : nggo. Apakah kita nggo teratur ras lalap ngelakokenca ? mari sijawab masing-masing bas dirinta .
Rikutken 1 Samuel 1 : 1-4, ituriken kerna Elkana sekalak situtus ersembah ras nehken persembahen man Tuhan. Ketutusen Elkana ersembah ras nehken persembahen teridah arah kesetiaanNa ibas ngelakokenca eme “ Tiap tahun” ( bhs Ind : dari tahun ketahun ).Elkana nehken persembahen alu teratur, lalap ilakokenna. Itengah-tengah gerejanta GBKP situhuna nggo ibabai kita gelah ratur nehken persembahen siilakoken tep-tep ersembah al : persembahen ibas kebaktin-kebaktin gerejanta ( kebaktin minggu, PJJ, PA, rsd ) persembahen kerja rani ( sekali setahun ), persembahen persepuluhen. Selain siniaturken gereja situhuna melala alasen guna kita reh nehken persembahen alu teratur man Tuhan adi sigejab mbue pemereNa man banta al : Hari ulang tahun tambah umur, HUT perjabun, tamat sekolah, dat dahin, anak tubuh, rsd . Arah kai siilakoken Elkana, jadi penungkunen man banta enggo nge kita nehken persembahen man Tuhan, banci jadi jawabennta : nggo. Apakah kita nggo teratur ras lalap ngelakokenca ? mari sijawab masing-masing bas dirinta .
Ibas Ayat 3 ikataken: Elkana ersembah ras mpersembahken persembahen ( bhs. Indo : sujud menyembah dan mempersembahkan korban ) arah kata enda ibereken pengertin man banta : Bereken dirinta ersembah raduken persembahennta ku Tuhan. Labo persembahen isehken kugereja tapi jelmana la reh-reh kugereja padahal sehat ia, istilahna “ titip persembahen “. Janah perlu ka sitengeti gelah ula erkiteken rutinitas nehken persembahen dungna lanai mereken makna/penggejaben simbages kerna ersembah man Tuhan“ nggo biasa-biasa saja”. Melala pe sialoken bas Tuhan tetap ase saja lalap persembahenta. Seharusna arah penggejaben simbages kerna pemere Tuhan man banta, pribadi lepas pribadilah min kita reh ersembah ras nehken persembahen man Tuhan, she maka dinamika ersembah e semakin mehuli dari segi kualitas ras kuantitasna.
Ibas ogen Perbrasul-rasul 5 : 1-11, ilatarbelakangi persadan perukuren perpulungen ( ersada penggejaben ) maka erta-erta lit ibas ia labo sikerajengenna sisada tapi kerina iraskenna. Ananias ras sapira pe muat bagin ibas sada penggejaben e, arah dayaken tanehna tapi erbual ia kerna erga taneh. Emaka nina Petrus : “ o Ananias ngkai maka ipelepasndu iblis engkuasai ukurndu, she maka ibualindu kesah siBadia alu muniken sada bagin tukur taneh e ? Kesalahan Ananias ras sapira eme la jujur ibas ngataken hasil pendayaan tanehna. Kira-kira adi ibahasaken :erga tanehku asenda ngenca, la sue ras siialokenna, jenari ipersembahkenna, tatapen jelma ia nggo mere sepenuhna padahal la bage situhuna. ulin min ndai ikataken Ananias ras sapira : erga tanahku e asenda tapi kusehken jadi persembahen asenda ngenca/ la kerina….e jujur. Ibas Alkitab ituriken kerna persembahen diberu singgo mbalu (Luk.21:1-4) Penilaian Jesus nandangi persembahen labo hanya dari segi jumlah buena tapi segi nilai pemere e. Diberu singgo mbalu e jujur mere arah kai si lit bas ia.Ia mere leben nggo iukurkenna asa sibanci iberekenna. Nehken persembahen alu pusuh sijujur pentingkel. Ula tatapen jelma jadi sukat-sukatta tapi uga singena ate Tuhanlah silakoken. Amin
Pdt. Karvintaria br Ginting, STh
GBKP Rg. Klender
08126359640
