SUPLEMEN PA MORIA 14-20 AGUSTUS 2022, 2 KORINTI 8:16-24
THEMA : TEMAN ERDAHIN
BAHAN OGEN : 2 KORINTI 8:16-24
TUJUAN:
- Gelah Moria meteh Paulus merluken teman i bas dahinna
- Gelah Moria nggit ndarami teman erdahin guna nambahi ras mpebelin usaha
PENARUH
Sarah Catherine Gilbert emekap sekalak tokoh perempuan si berpengaruh dan sangat low profile. Ia iakui ibas karya kemanusiaan si luar biasa si ibahanna sebagai salah sada cara doni enda banci nggeluh berdampingen ras pandemic covid si terus berlanjut seh paksa genduari. Sarah Catherine Gilbert emekap penemu vaksin Astra Zeneca si ipergunaken i berbagai ingan guna membentuk daya tahan tubuh manusia terhadap virus corona. Situhuna ibas ia menjadi penemu vaksin enda, ia berkesempaten guna nambahi kesuksesan ras kebayakenna. Itengah godaan kesempatan guna muat keuntungan sebesar-besarnya, Sarah Catherine Gilbert milih guna bekerja sama alu rela melepasken hak paten si jadi hakna secara pribadi, alu sukarela ia mpediat vaksin penemuanna enda iakses rakyat si rulo segelah jadi sada penampat si erguna. Enda jadi sada contoh kerja sama si seh kal ulina sebab idur kerja sama enda enterem jelma banci selamat ras pe sehat bas pandemi nari. Keselamatan jelma si rulo lebih penting ibandingken memenuhi kepentingen diri pribadi. Arah kisah nyata enda kita erlajar maka mbue tuhu hal-hal si banci sidahiken ras sidungi sekalak-sekalak, tapi dahin e akan jadi lebih mehuli, lebih berkualitas, lebih berguna mbangun kiniersadan adi idahiken ras-ras. Tuhan si sembah kita pe ngergaken kerjasama si ilakoken anak-anakNa sebab melalui erdahin ras-ras terjadi peluang nehken kekelengen/ mediate sada ras sidebanna, nehken kesaksin kerna persadan/ persekutuan si mehuli, bagi si ngena ate Tuhan.
PENDALAMAN TEKS
Salah sada keputusenn Konsili Rasuli sekitar tahun 49 eme gelah Rasul-Rasul mereken penampat man kalak si membutuhken/ musil khususna man anggota perpulungen si memerluken penampat si tading i Yerusalem. Ibas ndahiken kesepakaten enda, Rasul Paulus njemba kerina perpulungen si lit i Korintus, Roma, Makedonia, Akhaya, ras perpulungen sideban i Asia Kecil guna ikut mereken penampat berupa persembahen materi/ dana gelah pelayanan guna kalak musil i Yerusalem enda banci tetap erdalan. Kerina perpulungen si tersena bas surat enda inganna pedauh-dauh sada ras sidebanna, seh maka Rasul Paulus arus ndalani jarak si ndauh, guna ndahi ras njemba perpulungen e sada persada. La terjeng ije saja tole kendala sinihadapi Rasul Paulus eme ngaturken administrasi/pencatatan ras pengelolaan persembahen e seh ku bas mpertanggungjawabken kerina pemere si enggo ialoken ibas perpulungen nari. Kerina kendala e erbahanca Rasul Paulus sadar maka kepeken ia la ngasup ndahikenca kerina dahin pelayanen enda sisada. Ia perlu teman si terteki ras banci erdahin ras-ras alu mehuli segelah kerina pelayanen banci erdalan alu mehuli, ras hasilna pe maksimal. Mari sipergermetken piga-piga poin si banci siidah bas pengogenta sekali enda:
- Antara Rasul Paulus, Titus ras pe rekan pelayanan si deban terjalin kerjasama si kompak ras bersih.
Dahin pelayanen si iserahken man Titus, labo sada dahin si mesukah i lakoken. Ipindoken Paulus gelah Titus lawes ku Korintus guna mpepulung persembahen ibas perpulungen nari. Banci jadi labo enterem kalak si merasa terpanggil guna ndahiken pelayanen sibagenda rupana, tapi siidah ibas teks ta maka Titus meriah ras ergiah-giah ukurna ibas ndahiken dahin e. Engkai maka banci ia ermeriah ukur? Erkiteken ia berbagi visi/ ketedehen ukur si seri guna kiniulin perpulungen i Korintus. Bali bagi Rasul Paulus, ia pe keleng atena nandangi perpulungen, ertutus ate ibas pelayanenna, tahan uji ras pe la mengharapken pamrih ibas pelayanen si ilakokenna. Ibas kekompaken ras pusuh si bersih terjadi kerjasama ras pelayanen si berkualitas i tengah-tengah kegeluhen ras perpulungenta.
- Saling ngergaken ras saling membutuhken. Rasul Paulus sepenuhna sadar maka kerina persembahen si ialoken emekap sikerajangen Tuhan, guna dahin-dahin Tuhan i tengah-tengah perpulungen. Ibas kesadaren sib agenda rupana Rasul Paulus nggejapken maka penerimaan ras pengelolaan persembahen enda perlu ilakoken alu mehuli sebagai bentuk tanggungjawab pelayanen man Tuhan, bagepe man perpulungen bahwa pelayan si erdahin e kerina emkap pelayan si jujur ras berintegritas. Ibas panggilen sibagenda rupana Paulus pe sadar kerna keterbatasen si lit ibas ia emaka ia la memaksaken dirina guna ndungisa kerina dahin-dahin e, ia memerluken kalak si deban si banci nampati sesuai ras kualifikasi si iperluken. Guna si e, maka iutus me Titus ras piga-piga kalak si ianggap memiliki kualifikasi si tepat ras kesetiaan ibas pelayanen. Paulus pe mujiken Titus ras teman-teman si nampati ibas pelayanen, alu bage teridah relasi saling ngergaken ras saling melengkapi.
- Kerjasama si berkesinambungen. Tentu labo murah ibas ndalenken pelayanen ngumpulken persembahen enda alu sukarela bagi sinilakoken Paulus, Titus ras 2 kalak utusen perpulungen. Siidah maka alu kerelaan hati si luar biasa tetap idalanken kerina pelayanen e seh maka isaksikan Rasul Paulus kerna pendahin Titus ibas ay. 24 , kerna kerelaan ras semangat na si luar biasa ngelai perpulungen kerina. Engkai maka ngasup Titus ndahiken pelayenna? Erkiteken pusuhna idemi keleng ate nandangi perpulungen. Alu lit na keleng ate bas kita, amin pe timbul dinamika ibas dahin si idahiken, tetap kita ngasup bekerja sama alu mehuli, ras dinamika e justru semakin memperkokoh kiniersadan itengah-tengah keluarga, pelayanen ras pendahinta.
APLIKASI/PENUTUP
- Ibas sada komunitas, baik bas keluarga, pelayanen, pendahin kerja sama sangat-sangat iperluken guna ndatken ulih si mehuli. Labo mungkin terjadi keluarga bahagia kune lalit kerjasama si mehuli antara ndehara ras perbulangen, bagepe ras anak-anak. Labo mungkin sada tim sepakbola banci menang ibas perlumbanna adi anggota tim erbahan permainen sendiri-sendiri. Bage ka pe bas gereja, bas pendahin kerjasama si mehuli eme sada kearusen.
- Ibas paksa si genduari igelari era keterbukaan ras konektivitas, ertina jejaring/ kemitraan seh kel perluna segelah sada dahi banci berkembang alu mehuli. Moria perlu membuka wawasan ras menambah informasi segelah banci terjadi peluang-peluang kesempaten guna bekerja sama seh gelah semakin luar biasa dampak/ perubahan si banci ilakoken lewat erbage-bage kemitraan si ibuka kita. Terlebih bas paksa genduari pemerintah-ta misalna membuka erbage-bage peluang usaha/ pelatihen guna UMKM, banci ka siaturken pelayanen lintas gereja, bermitra ras LSM, bagepe peluang si debanna.
- Ibas kita mengembangken kerja sama ibas dahin-dahinta, perlu sikembangken karakter si positif. Kita perlu ertutus ate, mereken si terbaik, saling mendukung, terteki ibas dahin-dahin, ras seterusna gelah alu bage kerjasama si dalanken jadi sada kerja sama si erkesinambungen, jadi kerja sama si maba pasu-pasu ku bas kegeluhen bagepe guna sekelewetta.
Pdt. Eden P. Funu-Tarigan, S.si (Teol)-Perpulungen Kupang
