SUPLEMEN PA MAMRE 03-09 MARET 2024, PERBAHANEN RASUL 20:30-35

Teks :

Perbahanen Rasul 20 : 30-35

Tema :

Erdiate ras erpemere

Tujun: Gelah Mamre:

1) Ngangka erti Erdiate Erpemere I bas konteks perpulungen sipemena

2) Ngasup ndalanken mottona "Erdiate ras Erpemere".

 

1. Kata perlebe

Salah sada falsafah kalak karo sibanci sipedomani seh ngasa genduari eme “Endi Enta” Endi Enta eme singajarken kita kerna erdiate ras erpemere si menggambarken biak kegotongroyongen, kini ersadan. Endi Enta eme surat ukat si jadi sukat-sukat padin mere ngasa ngalo. Entah pe madin mere lebe maka ngalo. Ibas PA mamre sekalenda kita pe ibabai lako ngidah uga pentingna geluh si sampat-sampaten, encidahken biak si erdiate ras erpemere.

2. Uraian Teks

Teks PA nuriken kerna kata perpisahen paulus ras pertua-pertua bagepe perpulungen i Efesus. Lit piga-piga cataten penting si jadi pelajaren man mamre, subuk ibas jabu, gereja, ras masyarakat. Salah sadana eme :

-Tutus ngelai lako meritaken berita simeriah

‘Tutus ngelai lako meritaken berita simeriah’ Ertina situasi kiniseran la jadi penghambat man banta lako naksiken keselamaten si nggo ban Yesus Kristus

-Tetap geluh ibas kini ersadaan ran Kristus

Pengajaren enda mabai kita lako tetap metenget kerna ajaren si lapayo si erbanca perpecahen itengah-tengah perpulungen. Salah sada tugas pendahin si harus si jaga, eme njagai kiniteken ras empermakani perpulungen.

 -Tetap jadi usihen

‘Tetap jadi usihen’ mabai kita geluh sue ras sura-sura kristus, selaku pertua-pertua arus mereken dirina secara totalitas jadi saksi Kristus subuk ibas perukuren, pengerana, ras perbahanen.

3. Pengkenaina

Kerina kita tentu meteh kerna moto mamre ‘Erdiate dingen erpemere’ Erdiate ibas konteks perpulungen sipemena teridah arah perpulungen si mereken dirina laku ipakeken gereja, git muat bagin makeken pemere dibata lako nampati kalak si deban. Erdiate sendalanen ras kepate (Empati) Erdiate teridah uga kita git encidahken diri arah karya si erguna man kalak sideban. Uga geluh mamre ernanam ras mereken ngaruh positif itengah-tengah doni.

 

Pdt. Walder Mazmur Ginting-Runggun Karawang