SUPLEMEN PA MAMRE TANGGAL 31 JULI-06 AGUSTUS 2022
Teks : Kuan-kuanen 1:5-7
Tema : ERKEMALANGEN MAN TUHAN NAMBAHI PEMETEH GUNA NALUKEN PERBEBEN GELUH
Tujun : gelah Mamre:
- Nuriken kerna erkemalangen man Tuhan si banci nambahi pemeteh
- Ngasup memahami pengajaren siimaksud arah tindaken sederhana
1. KATA PENARUH
Kitab Kuan-kuanen enda eme bagin arah Kanon, menarik erkiteken penggelarenna pe terjadi perubahen. Kitab Kuan-kuanen enda (Amsal) seharusna berjudul “misyle syelomoh” siertina Amsal-amsal Salomo. Erkiteken ipersingkat kalak Yahudi jadi Misyle (Amsal-amsal), emaka ibas Alkitab bahasa Indonesia kitab enda ibere judul AMSAL.
Menurut Klien, Blomberg, dan Hubbard Jr ibas bukuna Pengantar Tafsiran Alkitab, Kitab Kuan-kuanen eme Kitab Hikmat/kepentaren. Tujun Kitab Kuan-kuanen enda iperjelas arah Kuan-kuanen 1:2-6, eme mereken Hikmat/kepentaren bagepe tuntunen man singogesa segelah nggeluh ibas peraten Tuhan bagepe kegeluhen bas jabu banci jadi pasu-pasu nandangi kalak sideban. Penekanen Kitab Kuan-kuanen enda eme; erkemalangen man Dibata eme jadi dasar ntahsa pe sipemenana si la banci la lit segelah ndatken pemeteh (Amsal 1:7; 9:10).
Selain mereken konsep si lebih esensial kerna kebijaksanaan (pentar), kitab Kuan-kuanen pe mereken petunjuk praktis kerna penerapen/aplikasi kerna kepentaren ibas kegeluhen tep-tep wari. Pentar eme pemeteh si rehna ibas Dibata nari guna ngelakoken simehuli subuk ibas pengerana, perbahanen bagepe perukuren ibas kerina situasi si lit.[1] Adi sipebagesi ras siukurken ibas kerina kitab Kuan-kuanen enda, seh kel bayakna kerna pengajaren ras orat nggeluh si erbahanca tep-tep kalak sierkiniteken jadi er-prinsip guna mbaba terang kemulian Tuhan ibas kegeluhenna. Ibas Padan Sindekah, kitab Kuan-kuanen enda ijadiken pedoman ibas pendidiken ras kurikulum Israel kuno. Tujunna ijadiken enda pedoman pendidiken eme guna ncidahken kebenaren-kebenaren spiritual nandangi kerina manusia, terkhusus man usia nguda ntahpe danak-danak[2].
Kalimat kitab Kuan-kuanen enda eme jenis kalimat sastra, janah labo ngenca bermakna sastra tapi lit muatenna kerna pengajaren Kata Dibata sinibelasken Salomo arah pengarak-ngarak Kesah SiBadia. Sekalak Teolog si tergelar Matthew Henry ngatakenca:
Pertama-tama dari amsal ini (1:7) selaras dengan apa yang sudah difirmankan Allah kepada manusia pada mulanya (Ayub 28:28, sesungguhnya, takut akan Tuhan, itulah hikmat). Karena itu, walaupun Salomo orang besar, dan namanya merupakan jaminan bagi tulisan-tulisannya seperti nama orang-orang besar lain, namun, sesungguhnya yang ada di sini lebih dari pada Salomo. Allahlah yang berbicara melalui Salomo yang juga saat ini dan di sini berbicara kepada kita[3]
Janah kai nge artina erkemalangen man Tuhan nambahi pemeteh guna naluken geluh adi ihubungken arah pengolahen lahan kritis/tandus jadi lumbung pangan? Mari si pebagesi Kata Dibata enda!
2. URAIAN TEKS/TAFSIREN
Bahan oratenta ibas PA Mamre wari enda eme bagin arah “Pendahuluan” kitab Kuan-kuanen enda. Sebab kuan-kuanen 1:1-7 berfungsi jadi pengantar ntahpe pendahuluan si terbagi ibas 3 bagin, eme: Superskripsi (1:1), tujun (1:2-6) ras moto (1:7). Ibas keseluruhen kitab Kuan-kuanen enda jadi kalimat-kalimat Hikmat” (wisdom sentences). Ibas bagin si pemena (1:1) ikataken jadi superskripsi erkiteken kalimat pengantar ras penekanen guna bengket ku ayat 2-6. Erkiteken kitab Kuan-kuanen enda bagin arah kitab Kanon, maka statusna seri arah Kitab sideban ibas Padan SiNdekah nari.
Ibas bagin si peduaken, eme tujun arah Kitab Kuan-kuanen simereken dua bentuk pengajaren Hikmat/kepentaren. Si pemena eme pemahaman hikmat secara praktis (ay. 2, 3a, 4, 5, 6) ras sipeduaken eme pemahamen hikmat secara teologis (3b). Pemahamen bentuk si pemena enda teridah ibas pengertin ras pemaken kata kerja infinitif, membentuk struktur si mpersadaken keseluruhen kalimat ibas perikop. Jadi kiniersadan bentuk sipemena ras sipeduaken jadikensa kitab Kuan-kuanen 1:2-6 enda bersifat praktis dan teologis.
Bagin si peteluken (1:7) eme moto kitab Kuan-kuanen. Pemahamen hikmat/kepentaren si bersifat teologis erkiteken bersumber ibas Dibata nari. Menurut buku Pdt. Prof. Risnawaty Sinulingga sierjudul “KITAB AMSAL 1-9” ngatakenca ibas ayat 7 enda beda ras ayat sebelumna (2-6) erkiteken kalimat sipemena labo ibenaken arah kata kerja infinitif (pemakaian kata untuk, ditujukan kepada seseorang) tapi dem alu pemaknaan teologi, menekanken kerna kesadaren ibas erkiniteken man Dibata.
Senina-senina Mamre sikelengi Tuhanta Yesus Kristus, Kitab Kuan-kuanen mbedaken pemahamen kerna HIKMAT (hokhma) ras PENGETAHUAN (da’ath). Ndarami hikmat/pentar labo kerna tanpa usaha manusia ndube tapi erkemalanen man Dibata eme “Cikal bakal” pemeteh man manusia.
“Takut akan TUHAN adalah permulaan pengetahuan, tetapi orang bodoh menghina hikmat dan didikan”. (Ams. 1:7) “Guna ndatken pemeteh, sipemenana si labandi la lit ibas kalak eme mehamat dingen erkemalangen man TUHAN. Kalak lenge la nggit mperdiateken kepentaren dingen la ia nggit erlajar”.
Kata erkemalangen/takut man TUHAN digunaken 19 kali ibas kitab Kuan-kuanen (Kuan-kuanen. 1:7,29; 2:5; 3:7; 8:13; 9:10; 10:27; 14:2,26,27; 15:16,33; 16:6; 19:23; 22:4; 23:17; 24:21; 28:14; 31:30). Kata ‘erkemalangen/takut’ ibas Kitab Kuan-kuanen makeken kata ibas bahasa Ibrani “yara” dan “yir’a” si asal katana arah kata dasar “yare” siartina ‘takut’ atau ‘menakuti’. Ibas bahasa inggris ipake kata ‘fear’ sada kata benda banci berubah ku kata kerja, emaka kata enda mengacu ku kata ‘yare YHWH’ ibas kitab Kuan-kuanen menggambarken suatu sikap ‘hormat atau segan’ kempak TUHAN, yang harus diaplikasiken tep-tep jelma ibas kegeluhenna. Robert Alden ngatakenca, “Terjemahan ‘takut’ ijenda situhuna labo berkonotasi negatif, malah seharusna gambaren sikap si positif nandangi Tuhan. adi kita erbahan kesalahen maka kita patut nge mbiar/takut, tapi adi kita bas benar janah hubungen ras Dibata pe mehuli, maka istilah sipas eme hormat”[4].
Erkemalangen man TUHAN ertina merasa gentar (takjub) atau segan, hormat kempak Dibata si Badia dingen Mbelin, Mahamulia, Mahakudus, ras Erkuasa/Mahakuasa. “takut akan TUHAN merupakan ketakutan yang kudus, dimana sikap ini adalah dampak dari pengenalan orang percaya akan Allah yang hidup”[5]. Erkemalangen ibas arti ‘perasaan takut’, maupun ‘ketakutan yang amat sangat’. Ibas kitab Luk. 21:11, TB: LAI memilih kata ‘mengejutkan’. Adi ibas kitab Heber (Ibrani. 10:31), TB LAI nterjemahkenca ‘ngeri’[6]. Melala kebiaren ntahpe ngeri ibas pengakap manusia, lit si mbiar, ngeri nandangi kegelapen, mbiar ras ngeri nandangi kematen, mbiar ibas ingan si meganjang, mbiar nandangi kegagalen ras sidebanna. Ibas pengertin erkemalangen/takut nandangi Dibata labo seri pemaknaanna.
Erkemalangen/Takut man Dibata eme kesadaren ibas kinibadian, keadilan ras kebenaren-Na selaku Dibata si dem alu keleng ate ibas pengampunanNya man manusia. Cara sitepat ibas erkemalangen man Dibata eme sitandai Dibata salu Kuasa ras Keleng ateNa man banta (bd. Ams 2:5). Erkemalangen man Dibata artina tunduk ibas kekagumenta ras penghormatan badia erkiteken kemuliaan, kekudusen, keagungan, ras kuasa-Na simbelin (Flp 2:12).
3. APLIKASI
Kitab Kuan-kuanen mendefinisiken erkemalangen/takut man TUHAN alu piga-piga pemaknaan eme: Pertama(1:7) ”takut akan TUHAN” adalah permulaan pengetahuan (bdg. 1:29; 9:10; 15:33 Ayb. 28:28; Mzm. 111:10). Kedua (2:4,5) ”takut akan TUHAN” digambarkan seperti harta terpendam. Ketiga (8:13) ”takut akan TUHAN” ialah membenci kejahatan (bdg. 3:7; 16:6). Keempat (10:27) ”takut akan TUHAN” akan memperpanjang umur. Kelima (14:2,26,27) orang yang berjalan dalam kejujuran adalah orang yang “takut akan TUHAN” (ayt 2; bdg. 23:17), dalam “takut akan TUHAN” ada ketenteraman yang besar (ayt 26; bdg. 15:16; 28:14), “takut akan TUHAN” adalah sumber kehidupan (ayt 27; 19:23; 22:4). Keenam (31:30) isteri yang “takut akan TUHAN” dipuji-puji.
Melala kalak Kristen salah/lepak ibas persepsi kerna erkemalangen/takut man TUHAN. silalana kalak Kristen ngartikenca erkemalangen/takut man TUHAN alu ketaatan ndalanken perentah Tuhan kerna rasa takut akan hukuman. Takut akan TUHAN bukanlah sebuah karunia tetapi merupakan sebuah pilihan (Amsal 1:29). Kitab Kuan-kuanen mpeseri hal erkemalangen man TUHAN ras pengetahuan kerna Allah (Amsal 2:5-6)”. Amsal 15:33…”takut akan TUHAN adalah didikan yang mendatangkan hikmat, dan kerendahan hati mendahului kehormatan…”.Dalam terjemahan (BIS) mengatakan, “takut akan TUHAN adalah dasar pendidikan yang baik”, berarti bahwa seseorang akan berhikmat atau seseorang yang akan memiliki hikmat harus didasarkan atau berlandaskan takut akan TUHAN.
Secara garis besar, maka kalak sierkemalangen man Dibata la ia mbiar ibas perbeben geluh, la ia mbiar terpuruk ibas perbeben, sebab ietehna maka lit si erkuasa (Dibata) asangken perbeben e. Kalak sierkemalangen man Dibata ibereken kepentaren ibas ndalani kegeluhen. Amin gia situasi si gundari sinanami kita ntah mesera ibas pendahin (pengurangan karyawan, PHK), ibas usaha (kai pe gundari kebutuhen nggo meherga) ras sidebanna, ije pentingna kita Mamre memaknai erkemalangen man Dibata (kepentaren ras pemeteh) rehna ibas Dibata nari janah kita erlajar ibas kegeluhenta baik ibas pendidiken, pengalamen bagepe pengajaren. Pengolahan lahan kritis/tandus banci simanfaatken alu pengetahuan ras hikmat. Mengolah lahan kritis/tandus alu teknologi konservasi sitepat salu ketentuan si ibenarken arah pemerintah nari. Nggo sepatutna Mamre berinovasi arah kepentaren ras pemeteh ibas Dibata nari arah tetap erkemalangen man Tuhan. Ula kari Mamre taren berinovasi nggo lupa erkemalangen man Dibata si akhirna muncul keegoisan ras meganjang ukur piah lanai nggit berbagi (shareing) ras teman sidebanna, lebih na kamengganggap lebih baik asa kalak sideban piah jadina nambahi perbeben geluh. Mari kita erkemalangen man dibata ras Selamat berinovasi.
Pdt. Anton Keliat-Runggun Semarang
[1] Tremper Longman III, Hikmat dan Hidup Sukses: Panduan untuk Memperoleh Manfaat dari Kitab Amsal, terj. James C. Pantou (Jakarta: Persekutuan Pembaca Alkitab, 2007), 4–12.
[2] Meno Soebagjo, Hormat kepada Tuhan dalam Sistem Pendidikan Kebijaksanaan Israel Kuno (Jakarta: Grasindo dan Satya Wacana University Press, 1994),
[3] Matthew Henry, Kitab Amsal, Tafsiran Matthew Henry, terj. Iris Ardaneswari et al. (Surabaya: Momentum, 2013),
[4] Robert Alden, Perilaku Yang Bijaksana : Tafsiran Amsal Salomo (Lembaga Reformed Injili Indonesia, 1991)
[5] Ibid
[6] W.R.F. Kamus Alkitab, (Jakarta: PT.BPK. Gunung Mulia, 2007)
