SUPLEMEN PA MAMRE TANGGAL 24-30 APRIL 2022, IMAMAT 26:3-5
(Kesadaran tentang lingkungan: komitmen mamre dalam creative merawat lingkungan)
Teks :
Imamat 26:3-5
Tema :
Patuh man perentah Dibata
Tujun : Gelah mamre
Mereken undang-undang Dibata jadi palas geluhna.
Meteh sura-sura Dibata i bas makeken tinepaNa e.
Metode : diskusi
1. Uga siakap adi lalit aturen bas doni enda? Tentu banci sibayangken uga rontangna doni enda sebab jelmana rate-ate. Nah uga ka bicara sebalikna, lit iban aturen ntah undang-undang? Tentu lit ije kiniraturen. Aminnape megati lit nge sila ndalankenca ntah ngelakonca. Sekalenda i bas PA wari enda siorati me kerna perentah Dibata sijadi aturen man banta.
2. Imamat 26:3-5, perikop enda merupaken kesimpulen i bas kerina isi hukum imamat. Ayat 3 risiken kerna janji pasu-pasu. Dibata sienggo bertindak menebus dosa perpulungen-Na i bas perbudaken Mesir njanjiken kerna pasu-pasu Tuhan, baik ibas segi ekonomi, keamanan ras iterusken man kerina kesusuren bangsa enda. Erbage peraturen sijadi prinsip i bas kitab keluaren ras Imamat e me sada perentah ras pedoman lako ngaturken bangsa enda segelah tetap setia man Dibata. Salah sada pasu-pasu Dibata man bangsaNa e me mereken taneh man bangsa enda. Tentu siarus i dalanken bangsa enda la ngelupaken undang-undang Dibata sijadi palas kubas kegeluhenna.
3. Adi siperdiateken uga kiniulin Dibata man bangsa enda, tentu bagi siisingetken i bas kitab Ulangen 6:1-9, uga bangsa enda tetap nginget perpadanen ras pe uga pemeliharaan Dibata kempak bangsaNa. Sura-sura Dibata makeken tinepaNa guna mpermuliaken gelarNa, tentu e kange simabai kita (mamre sadar akan lingkungan). Uga komitmenta lako tetap kreatif merawat lingkungen teridah arah aksi siilakoken kita.
4. Arah PA enda ate gelah sisadari mbue cara Dibata lako pekena doni enda ras kegeluhenta. Tentuna arah kepentaren siiberekenna man banta lako nerusken tanggungjabab sienggo iberekenNa man Adam ndube, lako njagai dingen ngusahai alu mehuli. Bagi tema: patuh man perentah Dibata, mabai dingen ngajuk kita tetap kreatif ibas ngerawat lingkungenta. Sejak awal kerina nggo ijadiken Dibata alu kiniraturen, tentu kita pe iajuk selaku mamre segelah tetap makeken kerina pemereNa guna njagai kerlangsungen doni enda.
Pdt. Walder Mazmur Ginting-Rg. Karawang
