SUPLEMEN PA MAMRE 10-16 APRIL 2022 (HUT KAKR)

Suplemen PA Mamre Tanggal 10-16 Apri 2022 (HUT KAKR)

(Membangun Kesadaran Lingkungan Hidup Bagi Anak-Anak GBKP)

Teks : Masmur 104:5-15

Tema  : Doni Ingan Tading Kerina Tinepa

Tujun : Gelah mamre

Meteh maka kerina tinepa Dibata e sada ingan tading (sada rumah) ras manusia.

Nuriken hubungen kerina tinepa ras manusia man anak KAKR.

Metode: DISKUSI

 

1. Membangun kesadaran Lingkungan tentu jadi tanggungjababta ras-ras. Doni enda e me rumahta ras-ras sijadi inganta tading, ija Dibata mereken mandat lako njagai dingen ngusahaisa. Tapi kinata siterjadi justru doni enda nggo ceda erkiteken kerangapen manusia. Adi sinen kubas bahan oratenta Masmur 104:5-15 teridah maka Dibata erkuasa nandangi kerina tinepaNa (5-15). Dibata njadiken doni enda jadi ingan tading kerina tinepaNa alu tujun segelah kerina muji gelarNa. Pe masmur menggambarkan kinimbisaan ras kiniulin kerina tinepaNa. Kemulian ras pemeliharaan Dibata teridah arah dinamika alam enda. Em sababna maka selaku tinepa Dibata simulia, kita ibere tanggungjabab nerusi kegeluhen kerina tinepa silit termasuk doni inganta tading.

2. Masmur 104 e me ende-enden si la terpisahken i bas masmur 103 nari, si menyatakan pengataken bujur erkiteken perbahanen Dibata arah sejarah bagepe arah kerina tinepaNa. Selaku mamre i bas PA enda ibabai me kita uga nuriken man anak-anakta kerna mbangun kesadaren kerna lingkungen sijadi bagin dirinta itengah-tengah doni enda. Masmur 104 e me ende-enden kerna Dibata sinjadiken sinasalit, ras pe Ia me si pekena-kenasa. Masmur enda pe menekanken uga keterlibaten Dibata ibas kerina tinepaNa. Masmur enda ngajuk kita lako ngerespon kedolatenNa, alu dua hal:

• Terus menerus muji ras mpermuliaken gelarNa alu nggeluh badia.
• Ola mbiar erkiteken IA me ulu gegeh ras IA erkuasa nandangi kerina silit.

3. Njagai ras ngkuasai tentu nuriken kerna: Kata kerja memelihara dan mengusahakan bermakna tentang tanggungjawab. Memelihara berarti menjaga dengan baik, memperhatikan dengan sungguh-sungguh. Sementara mengusahakan artinya segenap tindakan atau pekerjaan manusia dalam mendayagunakan pikiran, tenaga, kemampuan serta ketrampilannya terhadap suatu objek yang telah dimandatkan oleh Allah. Ngidah hal enda maka erti njagai ras ngusahai e me sada bentuk pengataken byujurta man Dibata ras sekaligus risiken tanggungjababta makeken talenta ntahpe pemere Dibata. 

4. Temanta: Doni ingan tading kerina tinepa,

• nuriken uga keterkawiten sada ras sidebanna.
• Nuriken kerna sada bentuk tangguingjabab i bas pekena-kena tinepa si enggo ceda.
• Sadar kerna lingkungen alu njagai ekositem silit i doni enda.
• Nerusi kerna pentingna ngajarken man anak-anak KAKR uga makeken kebenaren kata Dibata guna kemulian Dibata arah kerina tinepa alu mehuli.
• Erbahan aksi peduli ras kreatif ngerawat lingkungen I bas HUT KAKR.

Pdt.Walder Mazmur Ginting-Rg. Karawang