Suplemen Pekan Penatalayanen Wari I 19 Januari 2020
SUPLEMEN PEKAN PENATALAYANEN BERNGI I (Minggu 11 Januari 2020)
Invocatio : Erkiniteken ertina tek nandangi kai siniarapken kita, tek kerna si la idah(Heber 11:1)
O g e n : Markus 5 : 25 – 34
Kotbah : Kuan-kuanen 4 : 20 – 27
T e m a : Teridah min sinalsal Kinibujuren Ukurndu
- Kuan-Kuanen Bindu 4 nuriken kerna pengajaren “guru hikmat”, kerna dalin kalak sibujur ibandingken ras dalin kalak si labujur. Pengajaren e ibenaken alu nehken penjelasen kerna kuga pentingna kata-kata guru khikmat(ay.10-13), persinget jenari gelah ula erteman ras kalak jahat(ay.14-19) jenari itutup alu pengajuk gelah “murid” megiken ras mbuniken pengajaren e ibas pusuh.(ay.20-27).
- Rikutken bagin Renungenta ibas berngi I Pekan Penatalayanen Tahun 2020 enda, lit 4 hal siman jagan tandana kalak megiken ras muniken pengajaren, eme:
@.”Jahat”,(Jaga hati). “Manjar-anjar kam rukur”, “Ukurkenlah mbagese-mbages ope denga idalankenndu”.ay.23,26
@@.”Jamu”,(Jaga mulut). “Ula ndigan pe belaskenndu kata la tuhu, “pedauhlah ibas kam nari kata guak”.ay.24
@@@.”Jam”,(Jaga mata). “Teridah min arah matandu sinalsal kinibujuren ukurndu”.ay.25
@@@@.”Jaka”(Jaga Kaki). “Sada jingkang pe ola kam nilah ibas sibenar nari”.ay.27.
- Ibas kegeluhen kalak karo pe lit simanjagan/larangen, sinigelari “SUMBANG SISIWAH”. Ibas sumbang sisiwah enda pe lit 4 bagin simanjagan rikutken teksta berngi enda.
Sumbang sisiwah eme:
Pemenena:Sumbang PERKUNDUL. Peduaken:Sumbang PENGERANA. Sumbang Sipeteluken:Sumbang PENGENEN. Sipeempatken: Sumbang PERPAN. Sipelimaken: Sumbang SUMBANG PERDALIN. Sipeenemken: Sumbang PENDAHIN. Sipepituken: Sumbang PERUKUREN. Sipewaluhken: Sumbang PERIDI. Sipesiwahken: ras Sumbang PERPEDEM.
- Silebih penting asa sie kerina eme bagi kai sinituriken ibas Pustaka sibadia; “Dage tah kai gia ibanndu, subuk ibas ngerana tah perbahanen, bahanlah e ibas gelar Tuhan Jesus Kristus janah ngataken bujur man Dibata Bapa arah ia”.3:17.
“Perukurenndu bali min ras perukuren Kristus Jesus”.Fil.2:11.
“Dage ersinalsalah min terangndu ilebe-lebe kalak sienterem gelah idahna perbahanenndu si mehuli, ipujina Dibata, Bapandu si i Surga”.Mat.5:16
- Arah perukuren ras perbahanen bagi sinituriken idas enda kerina e berarti enggo kita maju piga-piga langkah guna tersehi Tema Umum Pekan Penalayanen Tahun enda “Seh ku tingkat kedewasan Kristus”. Cara nggeluh siniarapken ibas kita nari ibas berngi sipemena enda tare-tere bintangna denga, ibas berngi sipeduaken, sipeteluken ras seh ku sipepituken kita bakal iperlengkapi gelah tuhu-tuhu “Seh kutingkat kedewasan Kristus”.Erkiteken sie ola kita sitading-tading ibas 7 Berngi Pekan Penatalayanen enda.
Pdt. Iswan Ginting Manik
GBKP Rg Pondok Gede
