Minggu 27 Mei 2018, Khotbah Yohanes 3:1-8

Invocatio :

“Ndarat kenca Yesus ibas lau nari, rempet idahNa langit talang, janah kesah si Badia nusur ku baboNa bagi Nderapati” (Markus 1:10).

Ogen  :

Yehezkiel 36: 25-28

Tema   :

kerina kam arus tubuh peduakaliken

1. Kata perlebe

Melala kita ngataken maka adi enggo ikut kugereja, ikut perpulungen jabu-jabu reh ka ku PA kategorial nggo pasti bengket kubas kerajaan Dibata. Memang adi bagi silakoken ibas geluhta terlihat enggo mehuli tetapi apakah hal enda enggo sada kebenaren si pasti ? akap kami e perlu irenungken kembali. Sada sisimungkin enggo mehuli tapi ibas sisi sideban e perlu kembali sirenungken. Gelah ula kita terjebak kubas kesombongan rohani ? si perlu terus siperhatiken eme pusuh ukurta enda ipelimbarui Dibata. Uga kin maksudna pusuh ukur siipelimbarui Dibata ?

2. Isi

Prikopta eme percakapen Nikodemus ras Yesus. Nikodemus eme sekalak pemimpin agama kalak Yahudi ras ia kalak parisi bahken ia I juluki pengajar Israel ( ay 10). Ibas sada berngi, Ia reh ndahi Yesus alu nungkun nina : “O guru, ieteh kami maka Kam me guru si isuruh Dibata. Sabab ise pe labo ngasup erbahan tanda-tanda sengget bagi siibahanNdu, adi la kin Dibata ras ia”. Nikodemus reh man Yesus ibas berngi, mungkin enda ilakokenna gelah ula ieteh jelma sienterem. Tapi ibas sisi sideban teridah maka Nikodemus secara terbuka reh man Yesus amin pe Yesus ianggapna sebagai “guru”. Bagi Nikodemus tanda-tanda sengget sini bahan Yesus e ncidahken maka Yesus e lebihen asang Yohanes. Ras tanda-tanda Mujizat sibahan Yesus e mungkin sebagai tanda kerajaan Dibata secara politik. Tapi Yesus njababsa alu mereken pengertin simbaru man NIkodemus tentang kerajaan Dibata. Nina Yesus “ise pe labo ngejapken Dibata rajana adi labo ia tubuh pedua kaliken”. Megi perkataan Yesus Niodemus balik nungkun “banci kin kalak mbelin tubuh pedua kaliken ?”. ijenda teridah konsep kerajaan Dibata ibas pimikiren Nikodemus ras kerajaan Dibata simaksud Yesus berbeda. Nikodemus sebagai pemimpin agama Yahudi masih terikat akan pemikiren kalak Yahudi yang mengklaim dirinya sudah masuk kerajaan Allah erkiteken ia ilahirken sebagai kalak Yahudi. Emaka guna njabab Nikodemus ibas ay 5-8 Yesus ngataken maka sibanci bengket kubas kerajaan Dibata eme kalak situbuh ibas lau ras dingen kesah Dibata. Ras ikataken Yesus maka manusia tubuh ibas orang tua nari tubuh secara daging tapi ibas kesah ia tubuh secara pertendin. Alu e ngatakenca maka Nikodemus (kerina kalak) si atena bengket kubas kerajaan Allah harus dilahirkan kembali secara pertendin. Yesus negaskenca maka kalak sibengket kubas kerajaan Dibata labo cukup erkiteken ia kesusuren kalak Jahudi tapi pe harus iubah secara pertendin. Iterusken Yesus njelaskenca alu ngataken angin rembus ku atena, janah ibegindu sorana, tapi la ietehndu ija nari rehna janah entah kuja perlawesna. Bagepe kalak situbuh ibas kesah Dibata. Ertina Yesus mau menjelasken maka kalak situbuh secara pertindin e susah akap manusia ngantusisa tapi ibas Dibata e labo hal simetahat. Dibata ngasup mengubah manusia secara pertendinna.

 3. Pengkenaina

Nikodemus selaku guru pengajar ras pemimpin agama reh ndahi Yesus. Sebab lit ketedehenna guna ngangkai kai siibegina ras siidahna ibahan Yesus. Adi senen kerna kubas kegeluhenta uga nge ketedehen ukurta guna banci ngangkai kerna pengajaren-pengajaren Yesus. Lit dengan nge waktuta guna mpelajarisa ras ngerenungkenca ? Nikodemus memang tujuanna guna ngangkai kai sibegina ras iidahna tapi justru kenca ia jumpa ras Yesus ia mendapatkan pemahaman yang baru silabo terpikirkenca sebelumna. Jadi kit ape ibas perjumpanta secara pribadi ras Tuhan akan memberikan pemahaman simbaru ibas geluhta.

Sini jadi percakapen Jesus ras Nikodemus tentang kerajaan Dibata, tapi Yesus lebih menekanken kerna tubuh peduakaliken. Sebab ise pe labo banci bengket ku bas kerajaan Dibata adi latubuh peduakaliken. Sinimaksud kerna tubuh peduakaliken eme pembaharuan pertendin oleh Roh Tuhan. Kita ibersihen, imurniken ibas kerina kejahaten-kejahatenta sienggo mencemari dirinta. Kita mereken dirint guna ibersihken Tuhan alu KesahNa. Janah banci saja e ilambangken alu babtisen. saja babtisen simaksud ijenda labo asal nggo iperidiken tapi peridin siniikuti alu pertobaten entah kelahiran baru sinidahiken Kesah Sibadia. Janah mereken pusuhna guna tetap ikuasai Kesah si Badia. Janah enda me sini kataken ibas ogenta Esekiel 36:25-28 gelah pusuhta ipelimbarui Dibata. Gelah alu pusuh si enggo ipelimbarui Dibata ciga ateta nandangi dosa janah ngena ateta undang-undang Dibata. kita semakin bijaksana ibas rukur ras bertidak erkiteken pembaharuan Roh Tuhan ibas geluhta.

Pdt. Kristaloni Br Sinulingga, S.Th

GBKP Yogyakarta