SUPLEMEN PA MORIA TANGGAL 31 JULI-06 AGUSTUS 2022, MAZMUR 5:1-4

THEMA                 : MENAKEN WARI ALU ERTOTO

BAHAN                 : MAZMUR 5:1-4

---

 

PENGANTAR

Ibas kita ndalani wari-warinta, lit erbage-bage kesibuken/ aktifitas si arus sikerjaken sue ras erbage-bage peran ras tanggungjawab si lit ibas kita. La hanya terlibat ibas erbage aktifitas si berbeda, adi si pergermetken mulai kin kita medak erpagi-pagi seh ku bas ngujungi wari-warinta, lit erbage-bage tantangen si hadapi kita ija kita perlu erbahan pilihen-pilihen si megati la murah iputusken guna keberlangsungen kegeluhenta. Ibas litna erbage-bage kesibuken bagepe tantangen kegeluhen, la jarang si e kerina erbahanca kita banci lupa bahwa kita perlu dan harus selalu tetap terhubung dengan Tuhan, si Empuna kegeluhenta enda. Tanpa lit relasi/ keterhubungen si intim ras Tuhan, banci jadi kita tetap sibuk erdahin, tetap sibuk nehken tanggungjawabta, bahkan sibuk ka pe ibas pelayanen. Tapi ibas kondisi si bagenda rupa, banci si gejapken maka bas kegeluhenta lit kekosongan, keletihan, bagepe reh ndauhna ka kita ibas sura-sura Dibata nari.

ISI

Mazmur 5 si jadi bahan ogenta ibas minggu enda emkap pertoton Daud mindo penampat man Tuhan. Daud mpenangkih pertoton man Tuhan erkiteken mbue perbeben si ihadapina I tengah-tengah kegeluhenna. Aminna pe perbeben si ihadapina terus berlanjut, tapi la e erbahanca Daud ngadi ertoto man Tuhan. Alu dem keyakinen, Daud maba kerina perbebenna e ku lebe-lebe Tuhan. Bas ayat 1 banci siidah uga Daud langsung meng-alamatken pertotonna man Tuhan, termasuk bas ayat selanjutna Daud ngakuken Tuhan sebagai “Dibatangku ras Rajangku” (ay.2). Daud meyakini maka pertotonna e ipenangkihna langsung man Dibata yang bukan hanya Allah Pencipta alam semesta, Allah si erkuasa, tapi pe Allah yang mengenalnya secara pribadi. Ibas nehken pertoton, Daud menunjukken kedisiplinan dan konsistensi. Ikataken bas pengogenta: erpagi-pagi silampas, Daud berkomunikasi ras Tuhan lewat pertoton. Lewat pertoton erpagi-pagi, lit sada ketedehen ukur maka Tuhan tetap ngkuasai kegeluhenta segedang wari aminna mbue hal si man adapenta. Daud konsisten ibas sienda, la pernah jam doa bas erpagi-pagi wari e ilewatkenna, ia tetap setia bas pertotonna emaka ikatakenna: “erpagi-pagi si lampas idengkehkenndu sorangku”

Ibas Ay.1-3, lit 3 kata si encidahken uga cara Daud ertoto man Tuhan, si ncidahken kiniteken/kepasrahan si la erkeri-kerin ibas ia nimai jawaban Tuhan sue ras pertoton si tep-tep wari alu setia ipesehna man Tuhan:

1. Begiken rananku O Tuhan… (ay. 2); Daud ertoto man Tuhan alu cara berbicara. Ngerana. Lewat ia ngerana bas pertotonnta, ia banci nungkasken kerina pikiren-pikiren si lit ibas ia ku adep-adepen Tuhan.
2. Dengkehkenlah kelsehenku… (ay.2); Bagi pengalamen Daud ibas pertotonna, megati ibas baban si mberat, lanai kita beluh mbelasken ranan/ berkata-kata janah reh kita ku adep-adepen Tuhan ibas pertoton alu kelsehen. Roma 8: 26 ngatakenca: “Bage me pe Kesah Dibata reh nampati kita, kita si kote enda . Sabap la sieteh kuga arusna kita ertoto; Kesah eme ertoto kerna kita man Dibata alu kelsehen si la terbelasken.”
3. Begikenlah sorangku erlebuh mindo penampat … (bdk. Ay. 3); ijenda icidahken maka Daud ertoto alu erlebuh (bdk. terjemahan Bahasa Indonesia: berteriak minta tolong). Ibas kita nehken pertoton man Tuhan, enda jadi sada momen kedekaten ta ras Dibata si erbahan kita banci “emosional” I adep-adepen TUhan. End ape banci kang siidah ibas Heber 5:7 ija ikataken: Paksa Yesus nggeluhi doni enda ertoto IA mindo alu serko ras iluh mambur man Dibata si ngasup nelamatken IA Ibas kematen nari.

Ibas ayat terakhir/ ay. 4 siidah maka lit pengarapen Daud kerna jawapen Tuhan ibas pertoton si ipenangkihna. Lit sada keyakinen ibas daud maka Tuhan mbegiken ras mereken jawapen ibas pertoton si penangkih kita. La jarang guna ndatken jawapen e, kita lit bas periode menunggu waktu Tuhan amin bage gia, tupung kita ertoto, tetaplah siinget Tuhan tidak melupakan kita, pengkawaliNa simpengasup kita bas mentasi kegeluhenta.

APLIKASI

Erlajar ibas kata Dibata si jadi bahan PA moria-nta bas minggu enda lit 3 hal sibanci siinget:

1. Lit keriahen/sukacita bas dirinta guna menjalin komunikasi yang akrab ras Tuhan lewat pertoton. Ibas pertoton kita ndatken gegeh kengasupen ndalani wari-warinta bagi si ngena ateNa. Ertoto labo jadi kewajiben semata, tapi jadi sada kebutuhen, sada kepuasen, sada ketedehen ukur.Idur pertoton-ta teridah ije kinitekenta kita maba keluarganta, pendahinta, rencana-rencananta ku bas tan Tuhan. Tuhanlah si erkuasa nangdangi kegeluhenta ras kita bersedia nggeluh iteruh pimpinen Tuhan.
2. Kedisiplinan dan konsistensi ibas ertoto sangat penting. Uga caranta ertoto, kapan kita memilih waktu si tepat, ras kesetiaan untuk tetap ndalanken jam doa si sedekah enda enggo si ban bas keluarga maupun bas komunitas ta masing-masing tentu perlu iperdiateken. Seh kel ulina adi kita selaku moria banci mabai keluarganta konsisten ibas jam, doa keluarga tep-tep wari.
3. Lit keyakinen bahwa Tuhan e kap Dibata si erkuasa si meteh kerina kegeluhenta, dingen si mereken jawapen ibas pertoton kalak si reh man baNA. Ibas kita ertoto ngampeken kerina kegeluhenta, kita pe berserah alu saber ate ibas rencana Tuhan untuk kegeluhenta. Kita tidak bersandar pada pengertian kita sendiri, tapi kita bersandar pada Tuhan dengan segenap hati.

Pdt. Eden P. Funu-Tarigan-GBKP Perpulungen Kupang