Suplemen Bimbingen PA Mamre, tgl. 8-14 Februari 2015, Nas Kejadin 18:1-10

Thema   : Perbapan GBKP

Teks      : Kejadin 18:1-10

Tujun    :

• Gelah Perbapan GBKP meteh maka mamre eme ingan perjumpan antara Dibata ras manusia (Pribadi ntah pe organisasi)

Bena Kata

Perbapan GBKP eme sini gelari Mamre, janah ibas GBKP lembaga mamre me singudana, amin na gia perbapan secara gereja enggo melala nai nari ikut muat bagin ibas perdalanen gerejanta, saja lenga membentuk sada jadi lembaga. Tapi gundari enggo kita membentuk sada lembaga mamre, alu bage maka enggo me ertambahna hal-hal sini lakoken ibas gerejanta. Payo maka seh asa gundari perbapan GBKP semakin meningkat nge kegiaten/program-program na guna meningkatkan kwalitas iman ras tanggung jawab mamre/perbapan, baik dikalangan gereja, jabu bagepe masyarakat. Emaka ibas PA nta sekali enda kita iajuk guna terus memahami tentang keterpanggilenta sebagai Bapa i tengah gerejanta, ras kita perbapan eme ingan perjumpaan ras Dibata bagepe manusia.

 

Penjelasen Teks

Kitab kejadian 18 enda eme nuriken kerna Abraham jumpa ras Dibata arah kehadiran 3 kalak dilaki silabo itandaina, janah hal enda pe merupaken sada hal siluar biasa nandangi Abraham deher batang kayu sigalang i mamre e Abraham sangana ibas kemahna sebab wari e seh kal lasna emaka arah enda banci si idah:

1. Abraham sangana ngadi ibas kemah sebap seh kal lasna wari.
2. Tanpa isangka-sangka reh persuruhen Dibata 3 kalak dilaki ku kemah Abraham
3. Abraham kiam ngalo-ngalo sa aminna gia labo itandai na, tapi sada kebiasaan i daerahna maka adi lit kalak mentas paksa las wari wajib i tawarken man ras minem, sebab halenda perbahaen simehuli
4. Abrahamn ngalo-ngalo tamuna e alu mehamat ka, labo ibandingken naras ia simehaga, tapi hagan akapna kalak sireh asa ia, emaka erjimpuh kal ia seh kutaneh
5. I tawarkenna guna singgah, janah i tawarken nakepe gelah banci ia ngelai si telu kalak e, alu mehuli bagepe mereken perburihen gelah murihi nahe na sebab enggo latih erdalan
6. Abraham ras anak jabuna, bagepe suruh-suruhen guna nikapken pangan si entabeh nandangi tamuna. Gelah tamu e megegeh ia neruskan perdalanen na. Abraham nikapken, lembu si nguda mbur, susu bagepe tepung si enggo i tasaken (Perbuatan yang terbaik buat tamunya). Bahkan ia sendiri ngelai sa tamu e, i jenda siidah Abraham labo mpertahanken statusna ilebe-lebei kalak si reh e
7. Emaka kenca enggo dung man maka nina sekalak tamue ngataken si wah bulan nari reh ka Aku ku jenda ije pagi Sara enggo mupus sada anak dilaki (sini itimai enggo ndekah)

Pengkenaina

1. Abraham me sosok Bapa si tetap ncidahken kemeteruken ukurna arah ia ngalo-ngalo ras ngelai tamuna sireh, sini ibahan nai kerina manusia, la i belinkenna statusna. Emaka bage kame kita perbapan GBKP guna banci PA nta reh teremna, tentu na kita la mbedaken status, kita melayani sebab kita me ingan penungkunen, janah kita kel pe mereken jawaban simehuli
2. Arah perbahanen Abraham, ngelai alu mehuli menyediakan si terbaik nandangi tamuna ndai maka tamu (Dibata) membalas perbahanen e alu lebih luar biasa eme alu kehadiran anak dilaki si enggo ndekah itimai. Bageme pe kita perbapan/mamre lakap sia-sia perbahanen si mehuli nandangi Dibata bagepe manusia, sebab ndauh belinen balasan sinilakoken kita arah Dibata nari dari pada perbahanen ta e.
3. Perbapan GBKP harus erdalan, ertindak ras erdalin, melayani alu payo ras mehuli sebab lakap sia-isa perbahanen di mehuli e i lebe-lebi Dibata (I Kor 15 : 58B)Salam