Suplemen Bimbingen PA Mamre, Tanggal 1-7 Februari 2015, Nas Mazmur 128:1-6
I.Pendahuluan
Mazmur 128 enda eme salah sada Mazmur ziarah dari lit 15 pasal mazmur ziarah eme mulai pasal 120-134. Mazmur ziarah enda labo ertina mazmur berkatku kuburen, tapi eme mazmur sini endeken bangsa Israel berkat ku Jerusalem lako ngelakoken ibadah. Ija kuta Jerusalem eme kota kudus nandangi umat Israel, emaka tiap tahun kalak israel berkat ku kota Yerusalem lako ngelakoken ibadah nginget kuga kelengna ate Dibata nandangi umatNaibas Dibata naruhken nini-ninina eme sini ikataken paskah atau pembebasan.
Emaka ibas pasal 128 : 1-6 enda isorotina kerna pasu-pasu Tuhan man isi jabu. Adi ngerana kita kerna jabu maka lit ije unsur bapa, nande, bagepe anak-anak. Emaka ibas teksta enda ikataken. Pemazmur maka sangap kalak, kalak simalang man Tuhan singgeluh ngikutken kerina perentahNa. Ise kin kalak sini maksudken ijenda, eme perbulangen/perbapaan. Emaka perbapan/ mamre adina sangap atena ia harus erkemalangen man Tuhan ras ngikutken kerina perentahNa.
Erkemalangen= Takut (ind) ertina eme:
- Perbapan mengabdi man Dibata
- Perbapan mengasih Dibata
- Perbapan beribadah man Dibata
- Melakukan ketetapan-ketetapenNa
Enda me harus idalanken emaka sepanjang hidup harus ngikutken kerina kai si iperintahken Dibata. Alu ndalanken sienda maka kegeluhen keluarga e sehkel damena, sebab lalap siterjadi ibas jabuna eme:
- Ipanna ulihna latih
- Sangap ia nggeluh
- Mehuli sikerajangenna
Perbapan GBKP harus ngajari keluargana guna menikmati halis jerih payah, ertina sejak dini enggo sitanamken bas jabunta gelah ula merampok hak kalak, janah ajari anak jabunta mehuli ibas kegeluhen alu enda maka kesangapen jadi sekerajangen bas jabu.
Emaka mahan bana ndehara bagi anggur simeramis buahna, bagepe anak-anak bali ras tunas batang zaitun. Buah anggur nggambarken ke suka citaan/ kemakmuran, janah anggur me kebutuhen silabanci ibas tradisi kalak yahudi. Ibas suasana suka, emaka ndehara e mabai kesukacitaan nandangi jabu si erkemalangen man Dibata. Bagepe tunas zaitun, biasana buah tunas e kwalitas minakna mehuli, janah zaitun sada kebutuhen man kalak jahudi, guna makanan ras obat. Emaka anak-anak ibas jabu pe jadi mabai sukacita, jadi penyenang,Emaka adi anak-anak e jadi sukacita malem me ate orangtuana.
Arah keluarga si tetap jadi maba kemalemen ate maka Dibata pe masu-masu jabu e terus menerus dingan Dibata tetap hadir i tengah-tengah jabuna dingen njadiken keluarga e jadi teladan nandangi keluarga-keluarga sekelewetna. Kepeken labo ngenca pasu-pasu arah anggur tahpe zaitun, tetapi Dibata pe mereken umur si gedang, cawir metua ras sehpe ngeidah kempu-kempuna.
Arah PA nta wari /bengi enda ngingetken perbapan/mamre, gelah ncidahken gambaren sipayo ibas jabu, eme erkemalangen man Dibata, mabai keluarga (ndehara-anak-anak) tetap erkinitiken nandangi Dibata, ras tetap ngelakoken simehuli sepanjang kegeluhen bas doni enda.
Alu bage maka banci sinanami kemulian Dibata itengah-tengah jabunta. Arah keteladanen jabu e, kita tetap ngidah kesangapen jerusalem kidekah umur geluhta bas doni enda (ay 5). Jaminen man banta kerina mamre sirehna ibas Dibata mari si manfaatken demi keutuhen jabu-jabunta itengah-tengah persekutuanta.
