SUPLEMEN PEKAN DOA GBKP TAHUN 2025, HARI KE 5

Introitus :

1 Samuel 16: 12

Renungan :

Galatia 5: 16-26

Tema :

Meteruk Ukur Dingen Ngasup Ngkuasai Diri

Kata Perlebe

Meteruk ukur em Anavah, si asal katana Anah ‘dibuat menderita, direndahkan, ditindas’. Kitab Amsal 22: 4 “Kalak si patuh man TUHAN, meteruk rukur, emaka datca kebayaken, kemulian dingen kegeluhen.” Sedangken Pustaka Si Badia mencatat dua tokoh si meteruk rukur em Musa (Bil. 12:3, ‘Musa em sekalak si ikataken meteruk rukur; ukurna si meterukna ibas kerina manusia ibas doni enda.”) janah si peduaken Yesus (Mat. 11: 29, “Tamakenlah pasangenKu ku kudukndu janah erlajarlah ibas Aku nari. Sabab Aku melias janah meteruk ukurKu; alu bage idatndu me kemalemen ate.”). Sedangken Sokrates pernah ngataken “yang saya tahu, bahwa saya tidak tahu apa-apa”. Megatin lit kalak erpengakap itehna kai kin pe, beluh akapna bana. Tapi Sokrates sekalak filsup terbesar si meraguken kerna kebeluhen jine; “Ija reh Buena itehna, reh Buena ka la iangkana. Hanya sada si kuangka em kai kin pe labo kuangka.” Sadar ia, maka reh mbuena ia erlajar, ternyata reh mbuena ka si labo iangkana. Alu bage arusna la lit kita si menyombongkan dirinta, beluh siakap banta. Terlebih Albert Ensten si iakui kalak si pentar ibabo doni enda, tapi lit pernyataanna kerina kalak pentar, adi itehna potensina. Ola suruh nurung majat pohon, ola suruh monyet menyelam. Emaka ikatakenna manusia kerina pintar, rikut ras potensina masing masing, sebab tiap manusia lit kelebihen ras kekurangenna. Alu bage arusna lanai bo min nari lit konflik itengah-tengah gereja apaika terkait ras perbedaan. Ija tahun enda pe temanta “DEWASA MENERIMA PERBEDAAN”. Emaka mari kita erlajar arah surat rasul Paulus ku Galatia si jadi bahannta wari berngi enda.

Pembahasan

Latar belakang surat Paulus enda, erkiteken ialokenna berita maka piga-piga guru Yahudi ipaksakenna kerina kalak isunatken ras ngeluh sue ras taurat Musa, tanda ia enggo ngaloken keselamaten ras ialoken ibas Gereja. Tambah sie, lit serangan ku pribadi Paulus guna melemahkan pengaruhna ibas perpulungen e. Surat enda bagin ibas pembelaan rasul Paulus kerna kerasulenna, bage pe nuriken kuga oratna kalak si enggo ngaloken ras ngeluh ibas Kristus.

Mari kita erlajar khusus ibas Galatia 5: 16-26.

Ayat 16-17, Paulus nuriken kerna kuga arusna kegeluhen kalak si erkiniteken man Yesus. Ija kalak si erkiniteken man Kristus, maka kegeluhenna arus ipimpin Kesah Si Badia. Jadi surat enda bali ras suratna ku Korinti, ija tanda kalak ngeluh ibas Kristus maka Kesah Si Badia negu-negu kegeluhenna, ras sura-surana pe ngeluh bagi Yesus, kegeluhenna lanai ia ngeluh ngikutken perukurenna secara manusia ‘Psuchikoi’ (1 Kor. 2: 14; 15: 44, 46). Perbahanken sura-sura ukur manusia erlawanen ras Kesah Si Badia. Ngeluh ibas sura-sura ukur manusia menjadi penghalang ibas kedewasaan rohani, bage sulit guna memahami sura-sura ras pendilo Tuhan man bana (bnd. 1 Sam. 16: 12).

Ayat 18, Kalak si ngeluh rikutken Kesah Si Badia, lanai iteruh undang-undang. Sebab undang-undang ibereken guna menjadi rule gelahna tetap bangsa enda erdalan ibas dalan Tuhan. Ija undang-undang enda seakan memaksaken, labo turah ibas pusuhna nari. Emaka kalak si ipimpin Kesah Si Badia, maka sura-surana em bali bagi Yesus, sura-surana tetap ndalanken ras ngelakoken si mehuli labo erkiten aturen tapi sebagai pengataken bujurna man Tuhan lako ndalanken si ngena ate Tuhan, atau buah keselamaten si enggo ialokenna.

Ayat 19-21, Ije suratken rasul Paulus em sura-sura ukur manusia em erlua-lua, si nggesuh, la meteh mela; nembah man berhala ras erbahan ilmu sihir; si musuhen, rubati, mecimberu, perampus dingen kepentingenna saja ngenca iukurina. Erbahan perpecahen dingen erpihak-pihak. Sician-cianen, mabuk, pesta minem-minem seh mabuk ras sidebanna. Janah nina Paulus, kalak si bagi enda labo banci dat bagin ibas Kinierajaan Dibata si reh pagin.

Arah surat enda, secara tidak langsung nuriken perubahen kegeluhen Paulus op eras kenca ngaloken Yesus. Ija ope ngaloken Yesus maka kai si lakokenna em guna menghambat ras ngelakoken perlawanen bahkan penyiksaan man kalak Kristen sianggap encedai Taurat. Tapi kenca ia ngaloken Kristus, bicara lit kin pe meraguken kerna kerasulenna labo ilawanna alu tindaken kekerasan tapi ilayanisa alu ngataken biak-biak kegeluhen si ngeluh sue ras sura-sura ukur manusia em ngeluh pepuasken dirina ‘ego’, ngit erbahan persoalen, perpecahen, rsd. Emaka nina Paulus tadingkenlah. Sebab Kristus kin pe amin gia ihianati, isiksa rsd labo iajukna guna ngelawan kalak si ngelakoken tindaken si la mehuli man baNa. Bahkan idatas kayu persilang Yesus ertoto, “O Bapa, alemi min kalak enda, sabab la iangkana kai si ibahanna enda,” (Luk. 23: 34).

Ayat 22-26, ije isuratkenna kerna kegeluhen kalak si ipimpin Kesah Si Badia em lit kekelengen, lit keriahen, lit kemalemen, lit kesabaren, idalankenna perbahanen si mehuli, mehuli ia, setia. Meteruk ukurna dingen ngasup engkuasai diri.

Ije tangkas isuratken maka biak-biak si bage la lit isuratken ibas Taurat. Tapi biak-biak si bage arus teridah nandangi kalak si ngeluh ibas Yesus, tanda ia ngeluh ipimpin Kesah Si Badia. Ngeluh ipimpin Kesah Si Badia lit dua kata ije em:

Pemena 16b Yunanina ‘pneumati peripateite’ si ertina “berjalanlah oleh atau dengan dalam Roh”. Kata Peripateite ‘berjalanlah atau hiduplah’ em kata perentah si berasal kata Peripateo. Berjalan nina Paulus labo jalan di tempat, tapi maju. Tentu harapen Paulus maka kalak si ngeluh ibas Yesus maka kerohanianna bergerak maju ibas Yesus. Ija kegeluhenna ibabai ras ipimpin Kesah Si Badia. Alu bage ngasup ia mengendaliken sura-sura manusiana ‘ego’.
Peduaken muncul ibas ayat 25a Yunani zomen pneumatic ‘hidup dalam Roh’, ija zomen ‘hidup’ ibas kata zoa si merujuk hidup simehuli ras teratur. Sedangken peranan Kesah Si Badia ibas ayat 25b stoikheo (pemimpin). Jadi maksund geluh ibas ibas mengikuti arah gelah ola ndarat ibas barisen nari.

Jadi dua kata si ngataken ‘Ngeluh ibas Kesah Si Badia’ em ngeluh ibas kepemimpinan Kesah Si Badia guna mabai kubas kegeluhen si mehuli dingen kegeluhen si teratur. Sebab tiap kalak si enggo bertobat ras iperidiken, maka Kesah Si Badia ringan ibas dirina (Kis. 8:16). Kalak si ngeluh ipimpin Kesah Si Badia si ngasup nimbak sura-sura ukur manusia dingen lanai meganjang ukurna, ntah pe lanai ia ikut guna sitokoh-tokohen ntah pe si cian-cianen.

Ije si idah amin gia mbue berita-berita si la mehuli kerna Paulus, tapi ibas kiniteruk ukurna tetap ngasup ia encidahken kesabaran dingen la merespon alu membalas tindaken si jahat. Lanai ikutina perbahan kalak si la mehuli man bana. Bage ka harapen Paulus pe man perpulungen Galati gelah ola perbedaan pendapat ola ndabuh kubas perjengilen ras perpecahen si lanai teridah biak-biak kegeluhen si ipimpin Kesah Si Badia.

Aplikasi

Meteruk ukur guna menguasai diri, tentu alu gegeh manusia jine mustahil. Emaka penting kal tetap ngeluh ibas pimpinen Kesah Si Badia. Ngeluh ibas pimpinen Kesah Si Badia, maka kita arus tetap memiliki persadan si mehuli ras tetap menghidupi ngeluh ibas pertoton. Ija Pertoton mengati sikataken sebagai nafas kiniteken. Tentu kiniraturen ertoto em sada hal si utama kal. Terlebih Yesus pe itengah-tengah kesibuken pelayanenna maka iaturkenna waktuna guna ertoto secara pribadi terlebih ope Yesus bengket ku Yerusalem. Rasul Paulus kin pe bage, adi si nin ibas pelayanen rasul Paulus maka pertoton em bagin si penting kal si igejapkenna guna pengasup ia terus erdalan ibas pemimpinen Kesah Si Badia.

Pertoton em sada bentuk pengendesen dirinta guna ibabai ras ipimpin Kesah Si Badia. Guna kita banci nimbak sura-sura ukur manusia si megati menghambat diri kita guna ndahiken dahin Tuhan. Paulus gejapken maka kuasa pertoton si pegegehi dirina maka tetap megenggen ibas dahin pelayanenna. Emaka tetaplah ertoto katawari pe sebab pertoton em gegehnta guna ngeluh ibas Tuhan (Rm. 12: 12; 1 Tes. 5: 16-18; Kis. 26;29; 1 Kor 16;14, dll).

Pdt. R. Riswanto Barus, S.Th. MM-Runggun Samarinda